ٴوز ابزالدىعىمىزدى ساۋلەلەندىرىپ، ۇلتتار ىنتىماعىن ايقىن تۋ ۇستاي وتىرىپ قورعايىق

  • كەلۋ قاينارى: ىلە گازەتى
  • 02:53:04 03/08/2020

    

    ىلە وبلىستىق اكىمشىلىك ىستەر ينفورماتسيا ورتالىعىنىڭ ورىنباسار مەڭگەرۋشىسى ەرشات ساۋىت ۇلى

 

    مەن وتانىمىزدىڭ باتىس سولتۇستىك شەكاراسىنداعى كورىكتى قالا قۇلجا قالاسىندا ەرجەتتىم، شارۋاشىلىقتىڭ شالقۋىنا ىلەسە، قالامىزدا نەبىر ءزاۋلىم عيماراتتار بوي كوتەرىپ، داڭعىل جول كولىكتەر مەن جولاۋشىلارعا قولايلىلىق سيلاپ، ادامداردىڭ جۇزىنەن باقىت لەبى ەستى. مەن وسى شاعىن كوركەم قالاداعى قاراپايىم وتباسىندا دۇنيەگە كەلگەمىن، قاتار - قاتار تاس كەرپىشپەن جاسالعان جاتاعان ۇيلەرى بار شاعىن اۋلادا حانزۋ، ۇيعۇر، قازاق، حۇيزۋ قاتارلى ءار ۇلت بۇقاراسى بىرگە تۇراتىن - دى. وسىنداعى ٴار ۇلت بالالارى ەرتەدەن كەشكە دەيىن بىرگە وقيتىن، بىرگە وينايتىن، ول كەزدە تۇرمىس شارت - جاعدايى وتە جۇپىنى بولعانىمەن، اۋلامىز دوستىققا، سيلاستىققا باي بولىپ، ءوزارا ۇيرەنىپ، جۇكتى جۇمىلا كوتەرىپ، ءوزارا ءدام تاتقىزىپ، جاراسىمدىلىقتىڭ، بەرەكەنىڭ شۋاعىن شاشىپ جاتاتىن. ٴبىز وسىنداي سۇيىسپەنشىلىككە، مەيىرگە تولى ۇلتتار ىنتىماعى ۇلى شاڭىراعىندا ەسەيىپ ـ ەرجەتتىك. قازىر بالا كەزدەگى سەرىكتەر باس قوسا قالساق بولعانى، سوناۋ كەزدەگى قىزىقتى ىستەردى ايتىپ، اڭگىمە تيەگىن اعىتامىز.

    جىلدار جىلىستاپ، اۋىلدان الىستاپ ۋنيۆەرسيتەتتە وقىدىم، كەيىن قىزمەتكە قاتىناسىپ، ىنتىماقتى دا جاراسىمدى ۇلكەن كوللەكتيۆ قۇشاعىنا ەندىم. ورگاننىڭ كۇندەلىكتى قىزمەتى مەن تۇرمىسىندا، ءار ۇلتتان قۇرالعان قىزمەتتەستەرىمىز بەينە ءبىر ءۇيلى جانداي تاتۋ - ٴتاتتى بال جالاسىپ، ءوزارا كومەكتەسىپ، ورتاق ۇيرەنىپ، ءتۇرلى مەرەكە - مەيرامداردى بىرگە تويلاپ، ۇلتتار ىنتىماعىنىڭ تامىرىن تەرەڭگە جىبەرۋدە.

    بۇل كۇندەرى تۋعان اۋىلىمىزدا وراسان زور وزگەرىستەر تۋىلدى، اسىرەسە، وسى بىرنەشە جىلدان بەرى ورىستەتىلىپ كەلە جاتقان «ۇلتتار ىنتىماعىنىڭ بەرەكەلى شاڭىراعى» قيمىلى مەن ۇلتتار ىنتىماعى بىرلەسكەن دوستىق قيمىلىنا قاتىناسۋ ارقىلى اۋىل ـ قىستاقتارداعى تازا، رەتتى كوشەلەردى، كەڭ اسفالت جولداردى جانە قاز ـ قاتار، رەتتى بەيقۇت ۇيلەردى ءوز كوزىممەن كوردىم. پارتيانىڭ ءتۇرلى تاماشا ساياساتى ساناپ تاۋىسقىسىز، ايتالىق، شارۋالار ەگىن ەكسە، اۋىل شارۋاشىلىق ماشينالارىن ساتىپ السا، باعىمشىلىقپەن شۇعىلدانسا، ءۇي سالسا بارىنە دە كومەك قاراجات الادى، ال قيىنشىلىعى بار وتباسىلارىنا ەڭ تومەنگى تۇرمىستى قامتاماسىزداندىرۋ قاراجاتى بەرىلسە، بەستە قامتاماسىزداندىرىلاتىنداردى مەملەكەت تەگىن باعىپ كەلەدى، اسىرەسە، بالالار بالا باقشادا وقىعاندا 3 جىلدىق تەگىن وقۋ - اعارتۋدان يگىلىكتەنەدى، 9 جىلدىق مىندەتتى وقۋ - اعارتۋ قازىرگى 12 جىلدىق مىندەتتى وقۋ - اعارتۋعا ۇلاستى، شينجياڭ ورتالاۋ كلاستارى مەن شينجياڭ ورتا كلاستارى شينجياڭ، مەملەكەتتىڭ جەر - جەرىنەن اشىلدى، كەزەكتە بۇكىل شينجياڭدا جۇرگىزىلگەن جالپى حالىقتىق دەنساۋلىق تەكسەرۋ قىزمەتى «ەڭ سوڭعى ءبىر شاقىرىمعا» دەيىن جەتكىزىلدى.

جاۋاپتى رەداكتور: گۇلدەن ماقسات قىزى