ءۇرىمجى قالاسىنداعى تۇراقتى بولشەك ساتاتىن ءدارى دۇكەندەرىنىڭ %90ى تيجارات جۇرگىزدى

  • كەلۋ قاينارى: شينجياڭ گازەتى تورابى
  • 09:13:51 03/08/2020

   

      گازەتىمىزدىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 8 - ايدىڭ 1 - كۇنى ۇرىمجىدەن حابارلايدى. ءۇرىمجى قالاسىندا ىندەت تۋىلعان سوڭ، قالا تۇرعىندارىنىڭ ءدارى ساتىپ الۋ سۇرانىسى قاناعاتتاندىرىلدى ما، جوق پا؟ 8 - ايدىڭ 1 - كۇنى ءۇرىمجى قالالىق ەمدەۋ قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى حى شينگو بىلاي دەپ تانىستىردى: ءۇرىمجى قالاسىندا تۇراقتى بولشەك ساتاتىن 1100دەن استام ءدارى دۇكەنى بار، ىندەت كەزىندە تۇراقتى بولشەك ساتاتىن ءدارى دۇكەندەرىنىڭ %90ى تيجاراتىن جۇرگىزىپ، ءار ۇلت بۇقاراسىنىڭ ءدارى ساتىپ الۋ سۇرانىسىن تولىق قامتاماسىز ەتتى.

    ىندەت تۋىلعاننان بەرى، ءۇرىمجى قالالىق ەمدەۋ قامتاماسىزداندىرۋ مەكەمەسى ءارقايسى تۇراقتى بولشەك ساتاتىن ءدارى دۇكەندەرىنىڭ قورعانۋ شارالارىن قاتاڭ تياناقتاندىرۋىنا جەتەكشىلىك ەتىپ، ءدارى - دارمەكتىڭ جانە كۇندەلىكتى قورعانۋ بۇيىمدارىنىڭ قامداۋىن بار كۇشپەن قامتاماسىز ەتتى. قامسىزداندىرۋعا قاتىناسقان سوزىلمالى ناۋقاسى بارلاردىڭ ءدارى پايدالانۋ سۇرانىسىنا مەڭزەس، ءۇرىمجى قالاسى سوزىلمالى ناۋقاس بويىنشا تۇراقتى بولشەك ساتاتىن 68 ءدارى دۇكەنىنىڭ نەگىزىندە، سوزىلمالى ناۋقاس بويىنشا تۇراقتى بولشەك ساتاتىن تاعى دا 22 ءدارى دۇكەنىن قوسىپ، 90عا جەتكىزدى. ءۇرىمجى قالاسىنداعى تيجارات جۇرگىزەتىن ءدارى دۇكەندەرى الەۋمەتتىك اۋماقتارمەن بەلسەنە ۇشتاسىپ، ءدارى ساتىپ الۋدى تىركەۋ جانە وكىلەتتى ساتىپ الىپ جەتكىزۋ قىزمەتىن جاقسى ىستەۋگە ىرىقتىلىقپەن سايكەستى. 2 اپتادان بەرى، ءۇرىمجى قالاسىندا تۇراقتى بولشەك ساتاتىن ءدارى دۇكەندەرىندە ەمدەۋ قامسىزداندىرۋى بويىنشا ەسەپ جاپقانداردىڭ سانى 110 مىڭ ادامعا (رەت) جەتتى، مۇنىڭ ىشىندە سوزىلمالى ناۋقاس بويىنشا تۇراقتى بولشەك ساتاتىن دۇكەندەردە ەمدەۋ قامسىزداندىرۋى بويىنشا ەسەپ جاپقانداردىڭ سانى 20 مىڭنان استام ادامعا (رەت) جەتتى.

    حى شينگو بىلاي دەدى: جۇرەك، مي قان تامىرلارى اۋرۋلارى، جۇكتى، بوسانعان ايەلدەر، بالالار، وسپە اۋرۋلارى سياقتى شۇعىل، قاتەرلى، سالماقتى ناۋقاستار، سونداي - اق قان ءسۇزدىرۋ سياقتى ۇلكەن ناۋقاسپەن بالنيتساعا جاتاتىن ناۋقاستارعا مەڭزەس، ءۇرىمجى قالالىق ەمدەۋ قامتاماسىزداندىرۋ مەكەمەسى قاراجاتتى قامتاماسىزداندىرۋ، ءىس بىتىرۋگە قىزمەت وتەۋ سياقتى جاقتاردا، ىندەت كەزىندەگى ەمدەۋ قامسىزداندىرۋى شارالارىن دەر كەزىندە كەمەلدەندىرىپ جانە رەتتەپ، ءتۇيىندى ەمدەۋ قۇرىلىمدارىمەن بەلسەنە سايكەسىپ، شۇعىل، قاتەرلى، سالماقتى ناۋقاستاردىڭ قاراجات ماسەلەسى سەبەبىنەن دەر كەزىندە قۇتقارىلماي - ەمدەلە الماي قالماۋىنا شىنايى كەپىلدىك ەتتى، تۇراقتى ەمدەۋ قۇرىلىمدارىندا ەمدەۋ قامسىزداندىرۋى جالپى مەجە ەسەپ باسقارۋىنىڭ قۇتقارۋ - ەمدەۋگە ىقپال جاساماۋىنا شىنايى كەپىلدىك ەتتى. ايتالىق، كەنەتتەن اۋرعان شۇعىل، قاتەرلى، سالماقتى ناۋقاستار ەمدەلۋگە كەلگەندە ەمدەۋ قامسىزداندىرۋ كارتچكاسىن اكەلمەسە دە ەمدەۋ قامسىزداندىرۋ ەلەكتروندى كۋالىگىن ىسكە قوسۋ تاسىلىمەن ەمدەلۋىنە بولادى، ەمدەۋ قامسىزداندىرۋ كارتچكاسىن كورسەتۋىنىڭ قاجەتى جوق، ياعني ەمدەۋ قامسىزداندىرۋ قاراجاتىنىڭ ەسەبىن قولايلى، تەز جاساي الادى.

    ءۇرىمجى قالاسىنداعى سوزىلمالى ناۋقاس بويىنشا تۇراقتى بولشەك ساتاتىن ءدارى دۇكەندەرىنىڭ ناقتى ينفورماتسياسىن تيانشان سايتى، حۇڭشان سايتى سياقتى سايتتاردان ىزدەپ تابۋعا بولادى.

جاۋاپتى رەداكتور: گۇلدەن ماقسات قىزى