شينجياڭ اۋەجاي نىسانى قۇرىلىسىن جەدەلدەتتى

  • كەلۋ قاينارى: ىلە گازەتى
  • 03:25:04 04/08/2020

 

    وڭىرلىك ەكونوميكانىڭ دامۋىنا تىڭ سەرپىن بەردى

 

    تيانشان تورىنىڭ حابارى (ءتىلشى گو ليڭ، ەرىكتى ءتىلشى لياڭ ماۋ). كەزەكتە شينجياڭ اۋەجاي توبى 2020 ـ جىلى اتقارۋدى جوسپارلاعان 10 اۋەجاي قۇرىلىسى نىسانى تارتىپپەن ىلگەرىلەۋدە، شينجياڭ اۋەجاي توبى ىندەتتەن عىلمي ساقتانۋعا تاباندى بولىپ، جۇمىستى تارتىپپەن قالپىنا كەلتىرىپ، ٴتۇيىندى اۋەجاي نىسانى قۇرىلىسىن ىلگەرىلەتۋ ارقىلى قارجى قوسۋدىڭ جەتەكتەۋ رولىن ساۋلەلەندىرىپ، ءوڭىردىڭ ەكونوميكالىق، قوعامدىق دامۋىنا تىڭ سەرپىن بەردى.

    2020 ـ جىلى شينجياڭ اۋەجاي توبى 10 اۋەجاي قۇرىلىسى نىسانىن اتقارۋدى جوسپارلاپ، الدىڭعى جارتى جىلدا 7 نىساندا ناقتى جۇمىس باستادى. مۇنىڭ ىشىندە جالعاستى سالىنعان 6 نىسان مىنالاردى قامتيدى: قاشقار، اقسۋ، قۇلجا اۋەجايلارىن وزگەرتىپ، كەڭەيتىپ سالۋ ينجەنەرياسى، كەريا، موڭعۇلكۇرە، تاشقورعان اۋەجايلارىن جاڭادان سالۋ ينجەنەرياسى؛ جاڭادان جۇمىس باستايتىن 4 نىسان مىنالاردى قامتيدى: تۇرپان اۋەجايىن وزگەرتىپ، كەڭەيتىپ سالۋ ينجەنەرياسى، شونجى، بايىنبۇلاق، باركول اۋەجايلارىن جاڭادان سالۋ ينجەنەرياسى، تۇرپان اۋەجايىن كەڭەيتىپ سالۋ ينجەنەرياسىندا 4 – ايدىڭ 15 ـ كۇنى قۇرىلىس جۇمىسى باستالعان.

    شينجياڭ اۋەجاي توبى ىندەتتەن ساقتانۋ – تىزگىندەۋ قىزمەتىن ويداعىداي ىستەۋ العى شارتىندا، ىندەتتەن ساقتانۋ – تىزگىندەۋ مەن وندىرىستىك قۇرىلىستىڭ قاتىناسىن باعىتتامالى تۇردە شەشىپ، جالعاستى سالىناتىن نىسانداردىڭ بارلىعىندا بيىل 3 – ايدا جۇمىستى قالپىنا كەلتىرىپ، قۇرىلىس جۇمىستارىن جاپپاي جەدەل جۇرگىزۋ باستاماسىن اشتى. مۇنىڭ ىشىندە قۇلجا، اقسۋ اۋەجايلارىنا جاڭادان سالىناتىن تەرمينال عيماراتى دا 7 – ايدىڭ سوڭى مەن 8 – ايدا اياقتالادى؛ كەريا اۋەجايى بيىل جىل سوڭىندا سالىنىپ بولىپ ىسكە قوسىلادى.

    شينجياڭ اۋەجاي توبى جاڭادان سالاتىن نىساندار قىزمەتىن ورنىقتى ىلگەرىلەتتى. سونىمەن بىرگە، شونجى، بايىنبۇلاق، باركولدە جاڭادان سالىناتىن اۋەجايلاردىڭ الدىڭعى مەرزىمدىك قىزمەتىن ىلگەرىلەتىپ، «13 ـ بەس جىلدىق» جوبانىڭ الدىڭعى مەرزىمدىك قىزمەتىندە اۋەجاي نىسانى قۇرىلىسىنىڭ ٴتارتىپتى ىلگەرىلەۋىنە كەپىلدىك ەتىپ، جاڭادان سالاتىن 3 اۋەجاي نىسانىندا 8 ـ، 9 ـ ايلاردا ىركەس – تىركەس قۇرىلىس جۇمىستارىن باستايدى.

جاۋاپتى رەداكتور: گۇلدەن ماقسات قىزى