موڭعۇلكۇرەنىڭ حالىقتىق تۇسەلحانالارى كوپ نەگىزدى كاسىپ بەتالىسىمەن دامۋ كومەسكى كۇشىن اشتى

  • كەلۋ قاينارى: ىلە گازەتى
  • 03:33:07 04/08/2020

 

    تىلشىلەرىمىز ۋاڭ جىحۋا، جي سۇنلي

 

    سامسىعان جۇلدىزدى كەشتە ساحارا سيلاعان تىنىشتىقتان ٴلاززات الىپ، قىزىل ٴتۇستى مادەنيەت قۇشاعىندا جىلجىپ وتكەن جىلدار سورابى مەن قىزىقتى حيكايالاردى سەزىنەسىز، ۇلتتىق سالت ـ سانادان كوپ نەگىزدى مادەنيەتتىڭ توعىسا دامىعان مايەگىن تۇسىنەسىز، شارۋالار تاعامجايى مەن حالىقتىق اسپۇزىلداردان جەرگىلىكتى ەرەكشەلىك پەن وزگەشە ٴدامدى سەزىنەسىز... بيىل موڭعۇلكۇرە اۋدانىنىڭ حالىقتىق تۇسەلحانا ەكونوميكاسى ۇزدىكسىز دامىپ، كوپ نەگىزدى كاسىپ بەتالىسىمەن دامۋ اۋقىمىن قالىپتاستىرىپ، ٴتۇرلى نەگىزگى تاقىرىپتىق حالىقتىق تۇسەلحانا، مادەنيەت تۇسەلحاناسى، وزىندىك ەرەكشەلىگى بار، الۋان فورمالى ساياحات تۇرلەرى ساياحاتشىلاردى باۋراپ، جەرگىلىكتى شارۋالاردىڭ كاسىپتەنىپ، كىرىسىن ارتتىرۋىنا جەبەۋ بولدى.

    جۇلدىزدى اسپان + دارقان تابيعات: اتى زاتىنا ساي ساحارا سالتىنىڭ ٴسانى

    7 ـ ايدىڭ 26 ـ كۇنى ٴبىر جۇپ جاس موڭعۇلكۇرە اۋدانىنىڭ بالىق ساحاراسىنداعى «ارمان جانە جۇلدىزدى اسپان ٴتۇز تۇراعى بازاسىندا» توي سۋرەتىنە ٴتۇسىپ جاتتى. اپپاق توي كويلەگىن كيگەن جاس كەلىن مەن كويەۋ جىگىت قول ۇستاسا جارىم شەڭبەر فورماسىندا تىگىلگەن شاتىرلاردىڭ الدىنان وتكەندە سامال جەلمەن تولقىندالعان شاشتارى مەن جاراسىمدى توي كيىمدەرى كوك اسپان، اقشا بۇلت كورىنىسىمەن جاراسىم تاۋىپ, ەرەكشە رومانتيكالى تۇسكە ەندى.

    تۇنگى اسپاندا جۇلدىزدارعا كوز تاستاۋ، سامال ەسكەندە باتپىراۋىق ۇشىرۋ، جاڭبىردان كەيىن كەمپىر قوساقتى تاماشالاۋ... بيىل 6 ـ ايدا تيجارات باستاعان «ارمان جانە جۇلدىزدى اسپان ٴتۇز تۇراعى بازاسى» وسى 3 ەرەكشە ماركاسىمەن جەرگىلىكتى ساياحات بازارىنىڭ توراپتا قىزا تۇسكەن جەرىنە اينالدى. بازانىڭ جاۋاپتىسى ما چياڭ بىلاي دەدى: «بۇل ٴتۇز تۇراعى بازاسىنىڭ يەلەگەن جەر اۋماعى 50 مۋ، ٴبىر ميلليون 600 مىڭ يۋان قارجى قوسىلعان، مۇندا 20 جۇلدىزدى اسپان شاتىرى، 3 قازاقى كيىز ٴۇي بار. جۇلدىزدى ٴتۇز تۇراعىنان سىرت، تاعى الىپ باتپىراۋىق، دالا موتوتسيكلى، الاۋ كەشى، ٴتۇز تاعامى سىندى تارتىمدى قيمىل تۇرلەرى ساياحاتشىلاردىڭ كوڭىل اشىپ، باستان كەشۋ مازمۇنىن بايىتتى».

    وسى بازامەن ىرگەلەس سالىنعان كيىز ٴۇي قوناقجايى ـ اقدالا قالاشىعىنىڭ كەدەيلەردى سۇيەمەلدەۋ نىسانى، اۆتونوميالى رايوندىق قازىنانىڭ 824 مىڭ يۋاندىق ارناۋلى قارجىسىنا يە بولىپ، 12 كيىز ٴۇي تىگىلىپ جانە قوسالقى قۇرىلعى قۇرىلىسى سالىنىپ، بۇل سۋلىساي مەن جۋانتوبە قىستاعىنداعى كەدەي وتباسىلارىنىڭ ساياحات كاسىبىن دامىتۋىنا دەم بەردى.

جاۋاپتى رەداكتور: گۇلدەن ماقسات قىزى