موڭعۇلكۇرەنىڭ حالىقتىق تۇسەلحانالارى كوپ نەگىزدى كاسىپ بەتالىسىمەن دامۋ كومەسكى كۇشىن اشتى

  • كەلۋ قاينارى: ىلە گازەتى
  • 03:33:07 04/08/2020

    كيىز ٴۇي قوناقجايىنىڭ جاۋاپتىسى مۇراتجان ماحاباتقان ۇلى بىلاي دەدى: «12 كيىز ٴۇي نەگىزىنەن اس ـ سۋمەن كۇتىپ الۋعا پايدالانىلادى، تۇز تۇراعى بازاسىنىڭ ۇلگى كورسەتىپ، باستاماشىلدىق ەتۋىندە بۇل اراعا كەلىپ ساياحاتتاپ، تاماقتاناتىن قوناقتار كۇننەن كۇنگە كوبەيۋدە. قازىر كيىز ٴۇي قوناقجايى ارحيۆتەستىرىلىپ، كارتوچكالاندىرىلعان 10 كەدەي وتباسىن جۇمىستاندىرىپ، ماڭايىنداعى شارۋالاردىڭ ٴسۇت، ەت ونىمدەرىن ساتىپ 500 مىڭ يۋاننان استام كىرىس كىرگىزۋىنە باستاماشىلدىق ەتتى.

    قىزىل ءتۇس + ساعىنا ەسكە الۋ: جالىندى جاستىق شاق ساپارى

    موڭعۇلكۇرە قالاشىعى مايەك زيالى جاستار سارايىنىڭ ماڭىنداعى نەگىزگى تاقىرىپتىق حالىقتىق تۇسەلحانالار قىزىل ءتۇستى ساياحاتتى سۇيەنىش ەتە وتىرىپ، ومىرشەڭدىگىن ايگىلەپ، ادامدارعا ناعىز ءومىر ورتاسىنا بارىپ قالعانداي اسەر بەرىپ، سول ەسىل جىلداردى سەزىندىردى.

    34 جاستاعى حان شۋەحۋا توعىلشىن قىستاعىنىڭ ءتول تۋماسى، ول كىشكەنتايىنان قىزىل مادەنيەتتەن شەكسىز ءنار العان. وتكەن جىلى ول اكە – شەشەسىنىڭ ءۇيىن جاڭالاپ سالۋ بارىسىندا – اق ونى قىزىل زيالى جاستار تاقىرىبىنداعى حالىقتىق تۇسەلحانا ەتىپ سالۋدى ويلاستىرادى. ءبىر جىل قۇرىلىس جۇرگىزۋ ارقىلى ءبىر ميلليون 600 مىڭ يۋان قارجى قوسىلعان، 14 اۋىز ۇيدەن قۇرالعان بازا ۇلگىسىندەگى حالىقتىق تۇسەلحانا بيىل 6 – ايدا اشىلىپ، تيجارات باستاعان بولاتىن.

    بازا ۇلگىسىندەگى حالىقتىق تۇسەلحاناعا كىرسەڭىز، پانار شام، ءشي قالپاق، 28 تيپتى ۆەلوسيپەد، رەڭسىز تەلەۆيزور، مۇزعالداق ساندىعى سياقتى ءداۋىر ەرەكشەلىگىن بەينەلەيتىن كونە بۇيىمدار ناعىز وتكەن ءومىر كارتيناسىن قالىپتاستىرعان. حان شۋەحۋا بىلاي دەدى: «بۇل اراعا كەلگەن قوناقتار داۋىرلىك سيپاتقا يە ءتۇرلى كيىم – كەشەكتەردى اقىسىز كيىپ سۋرەتكە تۇسۋىنە، تاعى اسحانادان ءتۇرلى اۋىل ءدامىن تاتۋىنا بولادى، جۇمىس باستاعاننان بەرى جاقسى باعاعا يە بولىپ كەلەدى».

    15 ميلليون يۋان قارجى قوسىلعان قىزىل جۇلدىز جاتاعى جۋىقتا اشىلدى، ءار الۋان تاقىرىپتاعى 42 اۋىزدى قوناق ءۇيى وتكەن ءومىردى باستان كەشۋ بويىنشا جوبالانۋ تانىمىمەن وسى قىزىل ءتۇستى شاعىن قالاشىقتىڭ الدىڭعى عاسىردىڭ 60 – جىلدارىنان بەرگى ۋاقىت ۇردىسىندەگى وزگەرىسىن باياندايدى. بۇل ارانىڭ جاۋاپتىسى جۋ چيچاۋ تىلشىگە بىلاي دەدى: «مەجەمەن جەرگىلىكتى ورىنداعى 30 نەشە ادامنىڭ جۇمىستانۋ ماسەلەسىن شەشۋگە بولادى».

    جىلقى فاكتورى + كوپ نەگىزدى مادەنيەت: ايشىقتى ۇلتتىق سالت – سانا كەشىرمەسى

    ات قورالى حالىقتىق تۇسەلحانا - جەرگىلىكتى ورىنداعى بايىرعى تابيعي اعاش ءۇي جانە جىلقى مادەنيەتىن نەگىزگى تاقىرىپ ەتكەن تانىمالى سالت – سانا قوناق ءۇيى. وتكەن جىلى ساياحات جاندانعان كەزدە مۇنىڭ ءبىر اۋىز ءۇيى دە تيمەيتىن بولعان.

جاۋاپتى رەداكتور: گۇلدەن ماقسات قىزى