موڭعۇلكۇرەنىڭ حالىقتىق تۇسەلحانالارى كوپ نەگىزدى كاسىپ بەتالىسىمەن دامۋ كومەسكى كۇشىن اشتى

  • كەلۋ قاينارى: ىلە گازەتى
  • 03:33:07 04/08/2020

    بيىل 6 – ايدا حالىقتىق تۇسەلحانا جاۋاپتىسى جاڭ سى – چي جۇمىس باستاعاندىعىنىڭ ءبىر جىلدىعى بايلانىسىمەن ەسكە الۋ ماقالاسىن جازىپ تۇسەلحانا اشىلعان العاشقى مەزگىلدەن قازىرگە دەيىنگى وتكەرگەن تاماشا كەشىرمەنى ەستەلىككە الدى. ول بىلاي دەدى: «ءبىر جىلدا ساياحاتشىلار حالىقتىق تۇسەلحانادا ات قوراداعى اتتارعا جەم بەرىپ، كاۋاپ قاقتاپ، ءان ايتىپ، تۇرلىشە جاقتاعى ۇلتتىق سالت – ساناعا كۋا بولدى، كەيبىرەۋلەرى وسى ارادان اناعۇرلىم كوركەم دۇنيەگە كوز جەتكىزدى، كەيبىرەۋلەرى تابيعاتتى ءتۇسىندى، مىنە، بۇل حالىقتىق تۇسەلحانا اشۋدىڭ ماڭىزدى ءمانى، شار تاراپتان كەلىپ – كەتەتىن ساياحاتشىلاردىڭ اۋىل ءومىرىن اناعۇرلىم تەرەڭ تۇسىنۋىنە مۇمكىندىك جاراتتى».

    وتكەن جىلدىڭ سوڭىندا موڭعۇلكۇرە اۋداندىق مادەنيەت جانە ساياحات مەكەمەسى حالىقتىق تۇسەلحانا كاسىبى قوعامىن (حالىقتىق تۇسەلحانا بىرلەستىگى) قۇرىپ، حالىقتىق تۇسەلحانا شارۋاشىلىعىنىڭ دامۋى ءۇشىن تاماشا ورتا ازىرلەدى. موڭعۇلكۇرە اۋداندىق مادەنيەت جانە ساياحات مەكەمەسى پارتگرۋپپاسىنىڭ شۋجيى تاڭ گاڭ بىلاي دەدى: «2019 – جىلى موڭعۇلكۇرە اۋدانىندا 103 حالىقتىق تۇسەلحانا تىزىمگە الدىرىلدى، بيىل تۇرلىشە تاقىرىپتاعى، تۇرلىشە ۇلگىدەگى 15 حالىقتىق تۇسەلحانا تىڭنان قوسىلىپ، ساحارا مادەنيەتى، ۇلتتىق سالت – سانا، قىزىل ءتۇستى مادەنيەت سياقتى وزىندىك ەرەكشەلىككە يە حالىقتىق تۇسەلحانا مادەنيەت ماركاسىن جاراتىپ، حالىقتىق تۇسەلحانا كۇن سايىن موڭعۇلكۇرە مادەنيەتىن ايگىلەيتىن جەرگە اينالۋدا».

جاۋاپتى رەداكتور: گۇلدەن ماقسات قىزى