جەلىدە تاپسىرىس بەرىپ، جەلى سىرتىندا زات جەتكىزدى

  • كەلۋ قاينارى: ىلە گازەتى
  • 03:36:11 04/08/2020

    قۇلجا قالاسىندا اي - جيا ەرەن بازارى، تيانباي دوستىق ەرەن بازارى، ماۋيە ەرەن بازارى سياقتى ەرەن بازارلار جەلىدە تاپسىرىس بەرىپ، جەلى سىرتىندا زات جەتكىزۋ سىندى زات ساتىپ الۋ ارناسىن اشتى. وسى ەرەن بازارلار ءار كۇنى قالاداعى ءارقايسى شاعىن رايونداردىڭ تاپسىرىسى بويىنشا جۇك كولىكتەرىن زات جەتكىزۋگە ورنالاستىرىپ، كۇرىش، ۇن، ازىقتىق ماي، كوكونىس، جەمىس - جيدەك سياقتى زاتتاردى قاجەتكە قاراي ازىرلەپ، قالا تۇرعىندارىنىڭ تۇتىنۋ قاجەتىن قاناعاتتاندىرۋدا.

    چاپچال ەلەكتروندىق ساۋدا شەكتى سەرىكتىگى «چاپچال كۇرىشى» جاعراپيالىق ماركاسىنا سۇيەنىپ، چاپچال اۋدانىنىڭ جەرگىلىكتى ەرەكشە ونىمدەرىن جەلىدە، جەلىدەن تىس ساتۋ قىزمەتىنە جاۋاپتى بولىپ، 1 - ايدان 6 - ايعا دەيىن 10 ميلليون 680 مىڭ يۋان ساتۋ سوماسىن ورىندادى. سەرىكتىك ۇكىمەتتىڭ ۇندەۋىنە بەلسەنە ءۇن قوسىپ، ايشين بانا ۋيچات شاعىن باعدارلاماسىنان پايدالانىپ، جەلىدە تاپسىرىس بەرىپ، جەلى سىرتىندا تۇرمىستىق قامتاماسىزداندىرۋ ماتەريالدارىن جەتكىزىپ، بۇقارانىڭ قارسى الۋىنا بولەندى.

    چاپچال اۋدانىنداعى قاربىز ەگەتىن شارۋا ليۋ جۋانميڭ ءار جىلى 7 - ايدا قۋانىش قۇشاعىنا شومادى، 4 - ايدا ەككەن قاربىز مايساسى 7 - ايدا ءونىم بەرەدى. ءبىراق بيىل ليۋ جۋانميڭنىڭ 10 نەشە توننا قاربىزىنىڭ ساتىلىمى ويداعىداي بولمادى.

    7 - ايدىڭ 30 - كۇنى سەگىزسۇمىن اۋىلدىق ۇكىمەتتىڭ كادرلارى مەن قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىندەگىلەر وعان كومەكتەسىپ ساتۋ جولىن قاراستىردى ءارى چاپچال ەلەكتروندىق ساۋدا شەكتى سەرىكتىگىمەن بايلانىس جاسادى. ليۋ جۋانميڭنىڭ 10 تونناعا جۋىق قاربىزى ءبىر ساعاتقا جەتپەيتىن ۋاقىتتا وسى سەرىكتىكتىڭ تاسىمال كولىگىمەن بازارعا جونەلتىلىپ، تۇتىنۋشىلاردىڭ اس ۇستەلىنەن ورىن الدى.

«كوپشىلىكتىڭ كومەك بەرۋىندە قاربىزدىڭ ساتىلىم جولى اشىلدى. قازىر اتىزدا تاعى 5 توننا قاربىز بار، ولار ەرتەڭ تاعى كەلمەكشى، ەندى الاڭسىز بولدىم» دەدى جۇك كولىگىنە تيەلگەن قاربىزىن جونەلتىپ جاتقان ليۋ جۋانميڭ قۋانىشتى تۇردە.

    وسى سياقتى اۋىلدىق ۇكىمەت كادرلارى مەن قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ جانە ەلەكتروندىق ساۋدانىڭ كومەگىندە، چاپچال اۋدانى حۋايۋان باتىس كوشەسىندە تۇراتىن شارۋا جاۋ ۋىنجۇڭ قازىرگە دەيىن بيىلعى 10 مۋ جەرگە ەككەن قاربىزىنىڭ 20 توننادان استامىن ساتتى.

    ۇعىسۋعا قاراعاندا، سەگىزسۇمىن اۋىلىنداعى ءبىر مىڭ 550 مۋ جەردەگى قاربىز بەن مىڭ مۋدان استام جەردەگى ەرتە پىساتىن قاربىز تولىق ساتىلعان. قازىر 300 مۋ جەردەگى جاي پىساتىن قاربىز پىسۋ مەزگىلىنە ءوتتى، ءبىراق جەرگىلىكتى ورىنداعى تۇتىنۋ بازارىنىڭ كولەمى شەكتى بولعاندىقتان ساتىلۋى كەشەۋىلدەۋ ماسەلەسى تۋىلدى.

جاۋاپتى رەداكتور: گۇلدەن ماقسات قىزى