جەلىدە تاپسىرىس بەرىپ، جەلى سىرتىندا زات جەتكىزدى

  • كەلۋ قاينارى: ىلە گازەتى
  • 03:36:11 04/08/2020

«اۋىل - قالاشىق كادرلارىنىڭ بارلىعى ساتۋ قىزمەتكەرى بولا ءبىلىپ، تولايىم ساتۋ بازارىمەن، ساۋداگەرلەرمەن بەلسەنە بايلانىس جاساپ، قاربىزدىڭ ساتىلماي قالۋ ماسەلەسىن شەشتى. قازىر ءار كۇنى 30 - 40 توننا قاربىز سىرتقا ساتىلۋدا، ەلەكتروندىق ساۋدا تەكشەسى دە جالپى 40 توننادان استام ساتىلماي قالعان قاربىزدى ساتۋعا كومەكتەستى» دەدى سەگىزسۇمىن اۋىلدىق پارتكومنىڭ مۇشەسى، حالىق قۇرىلتايىنىڭ مەڭگەرۋشىسى لي شۋەجيان.

    ءتىلشى چاپچال ەلەكتروندىق ساۋدا قولايلى دۇكەنىندە سۇلى جارماسى مەن سۇلى تالقانى، چاپچال كۇرىشى، قوي، سيىر ەتى سياقتى اۋىل شارۋاشىلىق ونىمدەرىنىڭ تولىق ەكەنىن كوردى. ساتۋشى ما ليجۋان جەلىدە تاپسىرىس بەرگەن قاريدارلاردىڭ زاتىن دايىنداۋمەن قاربالاس بولىپ جاتقان ەدى.

    ىندەتتەن ساقتانۋ-تىزگىندەۋ قىزمەتى ورىستەتىلگەننەن بەرى زات جەتكىزۋ قىزمەتىن ويداعىداي ىستەۋ ءۇشىن چاپچال ەلەكتروندىق ساۋدا شەكتى سەرىكتىگى شاعىن باعدارلاماعا تىركەلىپ، ازىق - تۇلىك تۇرلەرىن بارىنشا مولايتتى. تۇتىنۋشىلار باعدارلاما ارقىلى تاپسىرىس بەرگەننەن كەيىن ەلەكتروندىق ساۋدا قولايلى دۇكەنىنىڭ قىزمەتكەرلەرى جەلىدە تاپسىرىس بەرۋ، جەلى سىرتىندا جولىقپاۋ فورماسىمەن زات دايىنداۋ جانە جەتكىزىپ بەرۋ قىزمەتىن بەلسەنە ورىستەتتى، مۇندا نەگىزىنەن كۇرىش، ۇن، كوكونىس، جەمىس -جيدەك سياقتى قاجەتتى زاتتار ساۋدالاندى.

    چاپچال ەلەكتروندىق ساۋدا شەكتى سەرىكتىگى تاعى ىلە يۇيجۋ اۋىل شارۋاشىلىق عىلىم - تەحنيكا شەكتى سەرىكتىگىمەن 800 توننا كۇرىشپەن قامداۋ توقتامىنا، شينجياڭ تيانجيا استىق - ماي شەكتى جاۋاپكەرلىك سەرىكتىگىمەن 300 توننا ۇنمەن قامداۋ توقتامىنا، قۇلجا اۋدانى ءدوڭمازار قالاشىعى شيان ـ يشين قوي، سيىر باعىمشىلىعى شارۋالار كاسىپتىك سەلبەستىك كووپەراتيۆىمەن 100 توننا قوي، سيىر ەتىمەن قامداۋ توقتامىنا، اۋدان ٴوڭىرى جىلىجاي ەگىمشىلىك سەلبەستىك كووپەراتيۆىمەن، شارۋا وتباسىلارىمەن 20 توننا كوكونىسپەن قامداۋ توقتامىنا قول قويىسىپ، زات ازىرلەۋ، جەتكىزۋ قىزمەتىن ويداعىداي ىستەپ، بۇقارانىڭ تۇرمىستىق قاجەتىن قامتاماسىزداندىردى.

    ىندەتتەن ساقتانۋ -تىزگىندەۋدىڭ شەشۋشى مەزگىلىندە تەكەس اۋدانى توردا ەلەكتروندىق ساۋدامەن شۇعىلدانۋ، توردا قىزمەت وتەۋ ابزالدىعىن تولىق ساۋلەلەندىرىپ، جەلىدە تاپسىرىس بەرۋ، جەلى سىرتىندا جەتكىزىپ بەرۋ ۇلگىسىمەن، تۇرعىنداردىڭ ۇيدەن شىقپاي ـ اق بالعىن كوكونىس، جاس ەت سياقتى تۇرمىستىق زاتتاردى ساتىپ الۋىنا شارت -جاعداي جاراتتى.

    تەكەس اۋدانى جىبەك جولى يدۋ ەلەكتروندىق ساۋدا شەكتى جاۋاپكەرلىك سەرىكتىگى تۇتاس اۋدانداعى 27 ەرەن بازار مەن كوكونىس، استىق -ماي دۇكەندەرىمەن بايلانىس جاساپ، استىق، ازىقتىق ماي، كۇرىش، جۇمىرتقا، ءسۇت، تۇرمىستىق قاجەتتى بۇيىمدار سياقتى 800 تۇردەن ارتىق تۇرمىستىق بۇيىمداردى «شىنما gogo» اتىنداعى جەدەل جەتكىزۋ تەكشەسىنە كىرگىزىپ، ءتۇرلى ارنالار ارقىلى زات تولىقتاپ، «جاناسپاۋ» ۇلگىسىندەگى قىزمەت وتەۋدى جوعارى ولشەممەن، جوعارى ونىمدىلىكپەن ورىستەتتى. تەكەس اۋدانىنداعى دۇكەندەردە سۋلياۋ قالتالارعا سالىنعان ازىق - تۇلىكتەر مەن تۇرمىستىق بۇيىمدار تۇرگە ءبولىنىپ قوراپتالعاننان كەيىن قاريدارلاردىڭ تاپسىرىسى بويىنشا جەتكىزىپ بەرىلدى.

جاۋاپتى رەداكتور: گۇلدەن ماقسات قىزى