ءبىز ماڭگى پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسەمىز

  • كەلۋ قاينارى: ىلە گازەتى
  • 03:45:08 04/08/2020

 

    وبلىستىق دەنساۋلىق ساقتاۋ - سالاماتتىق، جوسپارلى تۋىت كوميتەتى ۋنيۆەرسالدى باقىلاۋ، زاڭ اتقارۋ مەكەمەسىنەن ليۋ شىشيۇڭ

 

    4 - ايدىڭ 14 - كۇنى كەشكى استان كەيىن، «ۇلتتار ىنتىماعىنىڭ بەرەكەلى شاڭىراعى» قيمىلى بويىنشا جۇپ قۇراعان تۋىسىم، كوشە باستىعى نيجات تۇرسىننىڭ ۇيىندە نىلقى ءمالى قىستاعىنىڭ ءبىرىنشى شۋجيى ما شۋجي جانە ەرلى - زايىپتى نيجات پەن زايتۇنا تورتەۋىمىز اڭگىمە تيەگىن اعىتتىق. ۇستەگى جىلى اۆتونوميالى وبلىستىق پارتكومنىڭ «ۇلتتار ىنتىماعىنىڭ بەرەكەلى شاڭىراعى» قىزمەتىن قايتالاي رەتتەگەننەن كەيىنگى مەنىڭ تۇڭعىش رەت قۇلجا قالاسىنىڭ كەپەكجۇزى اۋىلىنا بارىپ تۋىسىمنىڭ ۇيىندە قونۋىم ەدى. وسى ەرلى - زايىپتىلار بىزگە وتباسى ەكونوميكاسىن دامىتىپ، وركەنيەتتى، اقاۋسىز تۇرمىس تاسىلىمەن تۇرمىس ساپاسىن جاقسارتقانىن، پارتيا مەن ۇكىمەتتىڭ ولاردىڭ وتباسىلارىنا جاساعان قامقورلىعىن، پارتياعا، پارتيانىڭ ابزال ساياساتىنا شىن جۇرەكتەن العىس ايتاتىندىقتارىن ايتا كەلىپ، بايسالدى تۇردە: «ءبىز ماڭگى پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسەمىز» دەدى. مىنە، بۇل جاس ەرلى - زايىپتىلاردىڭ شىنايى جۇرەك سوزدەرى ەدى.

    تالاي جىلدان بەرى ىلەدەگى ءار ۇلت بۇقاراسى پارتياعا، ۇلى وتانعا العىس ايتىپ، ەكونوميكانى كۇش سالا دامىتىپ، تۇرمىس ساپاسىن جاقسارتىپ، ۇلتتار ىنتىماعىن، قوعام ورنىقتىلىعىن، وتاننىڭ تۇتاستىعىن بارىن سالا قورعاپ كەلدى. نيجات قازىرگى باقىتتى شاقتارىمىزدى بارىنشا قاستەرلەۋىمىز كەرەك دەگەندى اۋىزىنان تاستامايدى. ول تۋىس - تۋعاندارىمەن بىرگە پارتيانىڭ ابزال ساياساتىنان يگىلىكتەنىپ كەلەدى ەكەن ءارى كوشە باستىعى مىندەتىن دە اتقارىپ وتىرىپتى؛ اعايىندى بىرنەشەۋى ءۇي سالعاندا ءبارى دە ۇكىمەتتىڭ قوسىمشا قاراجاتىنان يگىلىكتەنىپتى؛ اكەسى جۇرەك اۋرۋىنا شالدىققاندا ەمدەۋ قامىسزداندىرۋىنان يگىلىكتەنگەندىكتەن، ەكونوميكالىق جاقتان كوپ شىعىنعا ۇشىراماپتى؛ اتا - انالارى زەينەتاقىلارىمەن كۇندەلىكتى تۇرمىس قاجەتتەرىن تولىق شەشىپ وتىرىپتى؛ ۇكىمەت قارجى شىعارىپ قىستاققا اۋىز سۋ جانە جىلۋمەن قامداۋ قۇبىرىن جالعاپ، كوشە جولدارىن اسفالتتاندىرىپ بەرىپتى؛ وزدەرى اشقان مەتال بۇيىمدار دۇكەنىنىڭ تابىسى دا تاماشا، ءوزى دە قۇبىر قۇراستىرۋ، جوندەۋ تەحنيكاسىن يگەرىپ، بەكەرشىلىككە قوش ايتىپتى... جٶعارىداعىنىڭ ءبارى - ءبارى دە پارتيانىڭ ابزال ساياساتىنىڭ ارقاسى ەكەندىگىن تىلگە تيەك ەتكەن نيجات پارتياعا شىن جۇرەكتەن اۋىز جاپپاي العىسن ايتتى.

    نيجاتتىڭ جۇرەك ءسوزى ماعان تەرەڭ وي سالدى، جۋىق جىلداردان بەرى پارتيا ورتالىق كوميتەتىنىڭ شەشىمدەرى مەن ورنالاستىرۋىنا ساي، اۆتونوميالى رايوندىق، اۆتونوميالى وبلىستىق پارتكومداردىڭ پارمەندى باسشىلىعىندا، وبلىسىمىزدا ىنتىماقتى، ورنىقتى، دامىعان تاماشا جاعداي جارىققا شىقتى. وبلىس، قالا، اۋىل، قىستاق سىندى 4 دارەجەلى ورىننىڭ كادر – جۇمىسشىلارى جۇپ قۇراپ تۋىس بولىپ، كومەكتەسىپ، ءار ۇلت بۇقاراسىنىڭ قيىنشىلىعىن شەشۋگە بار پەيىلىمەن كىرىستى. ءار دارەجەلى نەگىزگى ساتى كادرلارى كوپ جاقتان قۇلشىنا قىزمەت ىستەپ، جۇرت تىلەگىن توعىستىرىپ، حالىقتىڭ قالاۋىنان شىقتى. قازىر ىلەنىڭ اۋىل - قىستاقتارىندا ءار ۇلت بۇقاراسى جاستار مەن ورەندەر تاربيەسىنە باسا ءمان بەرەتىن، ەرەسەكتەر مادەنيەت، تەحنيكا ۇيرەنەتىن سالت قالىپتاسىپ، سىرتقا شىعىپ جۇمىس ىستەۋ بەلسەندىلىگى جوعارىلاپ، ادامدار وركەنيەتتى، سالاماتتى تۇرمىس ءتاسىلىن ۇستاناتىن، ۇلتتار ىنتىماعى بىرلەسكەن دوستىق قيمىلىنا بەلسەنە ات سالىساتىن تاماشا جاعداي جارىققا شىقتى.

جاۋاپتى رەداكتور: گۇلدەن ماقسات قىزى