ما شيۋجىن بايلىق كوزىن توناردان تاپتى

  • كەلۋ قاينارى: ىلە گازەتى
  • 03:46:10 04/08/2020

 

    ەرىكتى تىلشىلەر جاڭ يان، ساي جىنيۇي، ساي ليچىن قۇلجادان حابارلايدى. تاياۋ جىلداردان بەرى قۇلجا قالاسى وزىندىك ونەرى بار تۇرعىنداردى يگىلىك جاراتۋعا بەلسەنە شابىتتاندىردى، بايانداي قالاشىعىنىڭ ساندۋان قىستاعىنداعى ما شيۋجىن وتباسى ەكى توناردان پايدالانىپ كىرىستى ارتتىرىپ، اۋقاتتانۋ جولىنا ءتۇستى.

    ما شيۋجىننىڭ وتباسىندا 6 جان بار، توسەك تارتىپ جاتقان كارياعا قارايلاسۋ، بالا وقىتۋ وتباسىنداعى بار ەڭبەككۇش ما شيۋجىن مەن كۇيەۋىنە وڭايعا تۇسپەدى. توپتى جاندى اسىراۋ ءۇشىن، ەرلى – زايىپتى ەكەۋى كوشە بويىنان اۋماعى 40 شارشى مەتر كەلەتىن دۇكەندى مايعا الىپ، ناۋبايشىلىقپەن شۇعىلدانىپ اقشا تاپتى، بۇل كۇندە ولاردىڭ ايلىق كىرىسى 6 مىڭ يۋانعا جەتتى.

    ما شيۋجىن بىلاي دەدى: «قازىر ۇكىمەت يگىلىك جاراتقاندارعا ءتۇرلى ءتيىمدى ساياساتتار شىعاردى، پارتيانىڭ حالىققا تيىمدىلىك جاساۋ ساياساتىنىڭ ارقاسىندا ءبىز نان جابۋ ارقىلى وتباسىمىزدى اسىراپ، اۋقاتىمىزدى جاقسارتىپ وتىرمىز».

    ما شيۋجىن مەن كۇيەۋى جاپاعا شىداپ كاسىپتى جالعاستىرعاندىقتان، ساندۋان قىستاعىنداعى اۋىلداستارى ولاردىڭ دۇكەنىنەن نان ساتىپ الۋدى ۇناتادى. ما شيۋجىن مەن كۇيەۋى جانە ءسىڭلىسى ۇشەۋى ءار كۇنى تاڭمەن تالاسا تۇرىپ ساعات بەستەن باستاپ نان جابادى، كەشتە تاعى نان يلەپ ەرتەڭگى جۇمىستىڭ دايىندىعىمەن ابىگەر بولادى. ناۋبايشىلىق كاسىبى جاپالى بولعانىمەن، ولار ءالى دە كاسىبىن جالعاستىرىپ، ءار كۇنى 400 گە جۋىق ناندى الارمانداردىڭ ۇيلەرىنە جەتكىزىپ بەرۋدە.

    ما شيۋجىن بىلاي دەدى: «مەملەكەتتىڭ سۇيەمەلدەۋ ساياساتىنىڭ ارقاسىندا كەدەيلىكتەن ارىلىپ، مىندەتتى وقۋ – اعارتۋ، ەمدەلۋ، زەينەتكەرلىك سياقتى قوسىمشا قاراجاتتاردان يگىلىكتەندىك، قازىر ءبىز توڭىرەگىمىزدەگى اۋىلداستاردىڭ كاسىپتەنۋ، يگىلىك جاراتۋ سەنىمىن ورناتىپ، دوڭگەلەك داۋلەتتى تۇرمىسقا كۇنى بۇرىن جەتۋىنە شامامىزدىڭ كەلىسىنشە كومەكتەسۋدى ويلاپ وتىرمىز» دەدى.

جاۋاپتى رەداكتور: گۇلدەن ماقسات قىزى