قۇلجا قالالىق سۋ ىعىستىرۋ سەرىكتىگى سۋ ىعىستىرۋ قۇبىرى تورابىنىڭ ىركىلىسسىزدىگىنە بار كۇشپەن كەپىلدىك ەتۋدە

  • كەلۋ قاينارى: ىلە گازەتى
  • 03:47:14 04/08/2020

   

    ەرىكتى ءتىلشى ساي ليچىن قۇلجادان حابارلايدى. جاز ماۋسىمى قۇبىر سۋىن تۇتىنۋدىڭ قاۋىرت كەزى بولعاندىقتان، سۋ ىعىستىرۋ مولشەرى دە جوعارى بولادى. قۇلجا قالاسىنىڭ ىندەتتەن ساقتانۋ - تىزگىندەۋ مەزگىلىندە، سۋ ىعىستىرۋ قۇبىرى تورابىن ىركىلىسسىزدەندىرۋدى قامتاماسىزداندىرۋ ءۇشىن، قۇلجا قالاسى ليانچۋاڭ توبى سۋ ىعىستىرۋ سەرىكتىگى قىزمەت وتەۋ ءبولىمىنىڭ قىزمەتكەرلەرى كوشە - كوشەلەردى ارالاپ، ۇستەمەلەپ جۇمىس ىستەۋدە.

    7 - ايدىڭ 30 - كۇنى قۇلجا قالاسى اۋەجاي جولى مەن جياڭسۋ جولىنىڭ تۇيىلىسىندە ماشينانىڭ گۇرىلدەگەن داۋىسى ەستىلىپ جاتتى، قۇلجا قالاسى ليانچۋاڭ توبى سۋ ىعىستىرۋ سەرىكتىگى قىزمەت وتەۋ ءبولىمىنىڭ قىزمەتكەرلەرى قاقپاعى ءتۇسىپ كەتكەن قۇدىقتى شۇعىل جوندەۋمەن قاربالاس بولدى، قۇدىق قاقپاعىن ارلى - بەرلى وتكەن كولىك باسا بەرگەندىكتەن، جەمىرىلىپ، ءتۇسىپ كەتىپ، جۇرگىنشىلەردىڭ حاۋىپسىزدىگىنە كومەسكى قاتەر توندىرگەن. سەرىكتىك قىزمەتكەرلەر كولىكتىڭ سايابىر كەزىندە قۇدىق قاقپاعىن ۋاعىندا جوندەدى. قۇدىق قاقپاعىن جوندەپ بولعان سوڭ قىزمەتكەرلەر ازاتتىق جولى 8 - جان كوشەسىنە ات باسىن تىرەدى، بۇل ارادا اسحانالار شوعىرلى ورنالاسقان، لاس سۋ ىعىستىرۋ قۇبىرىندا ماي داعى ءبىرشاما كوپ بولعاندىقتان، لاس سۋ جاقسى اقپاي قالاتىن، قىزمەتكەرلەر جارىم ساعاتتان استام ۋاقىت جۇمىس ىستەپ لاس سۋ ىعىستىرۋ قۇبىرىن ىركىلىسسىزدەندىردى.

    قۇلجا قالاسى ليانچۋاڭ توبى سۋ ىعىستىرۋ سەرىكتىگى قىزمەت وتەۋ ءبولىمى تۇتاس قالا كولەمىندە 600 كيلومەتر ۇزىندىقتاعى سۋ ىعىستىرۋ قۇبىر تورى مەن 20 مىڭنان استام سۋ ىعىستىرۋ قۇدىعىن ىركىلىسسىزدەندىرۋگە جاۋاپتى، جىلىنا 2 رەت كولەمدى تازالاۋ جۇرگىزىپ، ءتۇيىندى سۋ قۇبىرىن تەكسەرىپ، بوگەلگەن جەرلەردى ىركىلىسسىزدەندىرىپ، حاۋىپسىزدىك كومەسكى قاتەرىن جويادى. سەرىكتىكتىڭ قىزمەتكەرى مىنانى ءبىلدىردى: قالا تۇرعىندارى لاس سۋ ىعىستىرۋ قۇبىرى بوگەلۋ ءجايتىن بايقاسا، 8045057 ءنومىرلى قىزمەت وتەۋ تەلەفونىمەن حابارلاسسا بولادى، كەزەكشى قىزمەتكەرلەر تاۋلىك بويى مىندەت وتەپ، جەدەل قىزمەت وتەۋگە مۇمكىندىك جاراتادى.

جاۋاپتى رەداكتور: گۇلدەن ماقسات قىزى