قۇلجانىڭ ەلەكترمەن قامداۋ تاراۋى تاۋلىك بويى قىزمەت وتەپ، ەلەكترمەن قامداۋدىڭ ىركىلىسسىزدىگىنە كەپىلدىك ەتتى

  • كەلۋ قاينارى: ىلە گازەتى
  • 03:59:08 04/08/2020

 

    ەرىكتى تىلشىلەر ءدىلدار، چۇي جىنشى قۇلجادان حابارلايدى. ىندەتتەن ساقتانۋ – تىزگىندەۋ قىزمەتىندە مەملەكەتتىك ەلەكتر تورابى ىلە ەلەكترمەن قامداۋ سەرىكتىگى قالا رايونى ەلەكترمەن قامداۋ ورتالىعىنداعى بارلىق جۇمىسشى - قىزمەتشى قىزمەت ورنىندا تاباندىلىقپەن ىستەپ، 24 ساعات ەلەكترمەن قامداۋعا قىزمەت وتەپ، قۇلجا قالاسىنىڭ كۇندەلىكتى ەلەكترمەن قامداۋ قاجەتىن بار كۇشپەن قامتاماسىز ەتتى.

    7 – ايدىڭ 29 – كۇنى كەشتە ەرىكتى ءتىلشى قۇلجا قالاسى شيڭيە كوشەسى ماڭىنان وسىدان ءبىر كۇن بۇرىن بوران سوققاندىقتان، توڭىرەكتەگى تۇرعىنداردىڭ ەلەكتر جولىنان كىنارات شىققانىن، مەملەكەتتىك ەلەكتر تورابى ىلە ەلەكترمەن قامداۋ سەرىكتىگى قالا رايونى ەلەكترمەن قامداۋ ورتالىعى قالانىڭ شىعىسى ەلەكترمەن قامداۋ بولىمشەسىنىڭ قىزمەتكەرلەرى ەلەكتر لەنياسىن جوندەۋمەن قاربالاس بولىپ جاتقانىن، قىزمەتكەرلەردىڭ شۇعىل جوندەۋى ارقىلى كىنارات شىققان ەلەكتر جولى تەز ارادا جوندەلىپ، ەلەكتر لەنياسىنىڭ ەلەكترمەن قامداۋى قالىپتى ارناعا تۇسكەنىن كورگەن ەدى.

    مەملەكەتتىك ەلەكتر تورابى ىلە ەلەكترمەن قامداۋ سەرىكتىگى قالا رايونى ەلەكترمەن قامداۋ ورتالىعى قالانىڭ شىعىسى ەلەكترمەن قامداۋ بولىمشەسىنىڭ بولەككە جاۋاپتى ديرەكتورى جاڭ ۋىنيۋان ەرىكتى تىلشىگە بىلاي دەدى: «تاياۋ مەزگىلدەن بەرى ەلەكتر ىستەتۋ مولشەرى ەڭ جوعارى شەكتە بولعاندىقتان قالا رايونى ەلەكترمەن قامداۋ ورتالىعىنىڭ قىزمەتكەرلەرى تاۋلىك بويى كەزەكشىلىك ىستەۋدە تاباندى بولىپ، تۇتىنۋشىلار ءۇشىن كەز – كەلگەن ۋاقىتتا ۇيلەرىنە دەيىن بارىپ قىزمەت وتەۋگە تاس ءتۇيىن دايىندالىپ، ەلەكترمەن قامداۋدىڭ ىركىلىسسىزدىگىنە كەپىلدىك ەتتى».

    ەلەكترمەن قامداۋ تاراۋى بىلاي دەپ ەسكەرتەدى: قۇلجا قالاسىنداعى ەلەكتر تۇتىنۋشىلارى ەلەكتر اقىسىن تاپسىرماق بولسا نەمەسە ەلەكتر سىمى جولىندا كىنارات بايقالسا، تومەندەگى ارناۋلى تەلەفوندارمەن حابارلاسىپ كومەك سۇراۋىنا بولادى: قۇلجا قالاسى: 7727398 – 0999، 7727399 – 0999، 7725398 - 0999، 7725399 - 0999؛ قالانىڭ شىعىسىنداعى ەلەكترمەن قامداۋ بولىمشەسى: 15709995011؛ قالانىڭ باتىسىنداعى ەلەكترمەن قامداۋ بولىمشەسى: 15709995012؛ قالانىڭ سولتۇستىگىندەگى ەلەكترمەن قامداۋ بولىمشەسى: 15709995013؛ قارادوڭ ەلەكترمەن قامداۋ بولىمشەسى: 15709995015، 7834192 – 0999؛ بايانداي ەلەكترمەن قامداۋ بولىمشەسى: 15709995016؛ داردامتى ەلەكترمەن قامداۋ بولىمشەسى: 15709995017؛ ءپانجىم ەلەكترمەن قامداۋ بولىمشەسى: 15709995018 ،13319748817؛ قۇلجا شەكارالىق ەكونوميكالىق سەلبەستىك رايونى ەلەكترمەن قامداۋ بولىمشەسى: 15709995019.

جاۋاپتى رەداكتور: گۇلدەن ماقسات قىزى