قۇلجا قالاسىندا ءبىر مىڭ 130 ورتا تازالىعى جۇمىسشىسى ماڭداي تەرلەرىمەن قالا تازالىعىن قورعاۋدا

  • كەلۋ قاينارى: ىلە گازەتى
  • 09:07:25 04/08/2020

    كوشە سىپىرۋ ماشيناسىنىڭ شوفەرى ءانۋار احات ي - مەي ورتا تازالىعى سەرىكتىگىندە 5 جىلدان بەرى جۇمىس ىستەپ كەلەدى، بيىلعى ىندەتتەن ساقتانۋ - تىزگىندەۋ قىزمەتىنىڭ تالابىنا ساي، ونىڭ قىزمەت مىندەتى بۇرىنعى جىلدارداعىدان اۋىرلادى. ول قۇلجا قالاسىنىڭ قىزىلتۋ جولى، جەڭىس جولى، ءپانجىم جولى كولەمىندەگى 60 نەشە كيلومەتر جول بولەگىن سىپىرىپ تازالاۋدان تىس، ماشينالاردى جوندەۋى، كۇتۋى كەرەك. سوندىقتان ءانۋار جۇمىستان تۇسكەن ۋاقىتىنان پايدالانىپ ماشينالاردى جوندەپ، كۇتىمدەپ، ءاربىر ماشينانىڭ جاقسى، قالىپتى اينالىمعا ءتۇسىپ، ۋاعىندا جۇمىس جۇرگىزۋىنە كەپىلدىك ەتەدى.

    ءانۋار: «قالانىڭ تازا، رەتتى بولۋى ءۇشىن، ءبىز ءبىراز جاپا شەكسەك ەشتەڭە ەتپەيدى» دەدى.

    ورتا تازالىعى جۇمىسشىسى ايشام ۇبۇل اردا داڭعىلىنىڭ 430 مەتر بولەگىن سىپىرۋ، سونداي - اق ءوڭىر ىشىندەگى قوقىر - قوقسىق تۇيىندەرى، الەۋمەتتىك اۆتوبۋز بەكەتى، قوقىر - قوقسىق شەلەگى، جەمىس قابىعى ساندىعى، الەۋمەتتىك دارەتحانا سياقتىلاردى دەزينفەكسيالاۋ قىزمەتىنە جاۋاپتى بولىپ، ىندەتتەن ساقتانۋدا كومەسكى قاتەر قالدىرماۋعا شىنايى كەپىلدىك ەتتى. ايشام: «قۇلجا قالاسىنىڭ وسىنداي تاماشا تۇرمىس شارت - جاعدايى مەن ورتاسىن ءبىز بارىنشا قاستەرلەۋىمىز كەرەك، سوندىقتان مەن قۇلشىنا قىزمەت ىستەپ، قالا قۇرىلىسى ءۇشىن ءبىر كىسىلىك كۇش شىعارامىن» دەدى.

    ەرىكتى تىلشىلەر قۇلجا قالاسىنىڭ ىندەتتەن ساقتانۋ - تىزگىندەۋ مەزگىلىندە، ادامداردىڭ توپتاسۋىنان نەمەسە اعىلۋىنان ساقتانۋ ءۇشىن، قالاداعى ورتا تازالىعى قىزمەتكەرلەرىن سالىستىرمالى ازايتىپ، ءبىر مىڭ 130 ورتا تازالىعى جۇمىسشىسىن ءبىرىنشى شەپتە تاپجىلماي قىزمەت وتەۋگە ورنالاستىرعانىن ۇعىستى.

    ءار كۇنى ساعات 5 تەن ساعات 20 عا دەيىن، وسى ورتا تازالىعى جۇمىسشىلارى 35 تازالىق ماشيناسىنىڭ، 20 سۋ شاشۋ ماشيناسىنىڭ قىزمەتشىلەرىمەن بىرگە، تۇتاس قالاداعى 12 ميلليون شارشى مەتر كەلەتىن جول بەتىن سىپىرىپ تازالايدى. ولار سونىمەن بىرگە، قوقىر - قوقسىقتى تازالاۋ، تاسۋ جيىلىگىن ارتتىرىپ، قالا ورتاسىنىڭ كوركەم، تازا بولۋىنا كەپىلدىك ەتۋدە.

 

جاۋاپتى رەداكتور: گۇلدەن ماقسات قىزى