ءۇرىمجى قالاسى جاڭا تيپتى ايدارشا ۆيرۋس وكپە قابىنۋىن تەگىن مەديتسينالىق قۇتقارۋ - ەمدەۋ ساياساتىن قاتاڭ تياناقتاندىردى

  • كەلۋ قاينارى: شينجياڭ گازەتى تورابى
  • 09:14:13 04/08/2020

 

    گازەتىمىزدىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 8 - ايدىڭ 2 - كۇنى ۇرىمجىدەن حابارلايدى. ءۇرىمجى قالاسىندا ىندەت تۋىلعاننان كەيىن، ءبىرسىپىرا قاۋىم جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاستاردىڭ، كۇدىكتى ناۋقاستاردىڭ جانە اۋرۋ بەلگىسى جوق جۇعىمدالۋشىلاردىڭ مەديتسينالىق قۇتقارۋ - ەمدەۋ قاراجاتى ماسەلەسىنە نازار اۋداردى. 8 - ايدىڭ 2 - كۇنى ءۇرىمجى قالالىق ەمدەۋ قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى حى شينگو بىلاي دەپ تانىستىردى: ءۇرىمجى قالاسى مەملەكەتتىڭ، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋىن مەديتسينالىق قۇتقارۋ - ەمدەۋ شىعىمىنىڭ ەسەبىن جابۋ قىزمەتىن ويداعىداي ىستەۋ جونىندەگى تالابىن قاتاڭ تياناقتاندىرىپ، دياگنوزى تۇراقتاندىرىلعان جانە كۇدىكتى ناۋقاستار مەن اۋرۋ بەلگىسى جوق جۇعىمدالۋشىلاردىڭ مەديتسينالىق قۇتقارۋ - ەمدەۋ قاراجاتىن بۇكىلدەي كەشىرەدى.

    تانىستىرۋعا قاراعاندا، ءۇرىمجى قالاسى مەملەكەتتىك دەنساۋلىق ساقتاۋ جانە سالاماتتىق كوميتەتى تاراتقان «جاڭا تيپتى ايدارشا ۆيرۋس وكپە قابىنۋ ىندەتىنە دياگنوز قويۋ - ەمدەۋ جوباسىندا» قامتىلعان مەديتسينالىق قىزمەت وتەۋ نىساندارى مەن ءدارى - دارمەكتەردى تۇگەلدەي ۋاقىتشا ءۇرىمجى قالالىق ەمدەۋ قامسىزداندىرۋ قورىنىڭ تولەۋ كولەمىنە ەنگىزەدى. وزگە جەردە ەمدەلگەن دياگنوزى تۇراقتاندىرىلعان جانە كۇدىكتى ناۋقاستار مەن اۋرۋ بەلگىسى جوق جۇعىمدالۋشىلاردىڭ ينفورماتسياسىن تىركەۋگە الۋ مەن ەمدەۋ شىعىمىنىڭ ەسەبىن مەديتسينالىق قۇتقارۋ - ەمدەۋگە بەلگىلەنگەن شيپاحانالار ويداعىداي ىستەيدى، ەمدەۋ قامسىزداندىرۋىنان تولەنەتىن بولىگىن ەمدەلگەن جەردىڭ ەمدەۋ قامسىزداندىرۋىن بىتىرەتىن قۇرىلىمدارى الدىن الا تولەي تۇرادى، ىندەت اياقتاعاننان كەيىن بۇكىل ەلدە ءبىر تۇتاس ەسەپتەۋ ۇيىمداستىرىلادى.

    حى شينگو بىلاي دەدى: قامسىزداندىرۋعا قاتىناسپاعان ناۋقاستاردىڭ قۇتقارۋ - ەمدەۋ قاراجاتى دا تەگىن بولادى. قامسىزداندىرۋعا قاتىناسپاعان ناۋقاستار جونىندە، مەديتسينالىق قۇتقارۋ - ەمدەۋگە بەلگىلەنگەن شيپاحانالار قاتىستى ينفورماتسيالاردى تىركەۋ جانە ەمدەۋ شىعىنى ەسەبىن ويداعىداي ىستەيدى، قۇتقارۋ - ەمدەۋ قاراجاتىن ءۇرىمجى قالاسىنداعى ەمدەۋ قامسىزداندىرۋىن بىتىرەتىن قۇرىلىمدار الدىمەن تولەي تۇرادى، قالالىق ەمدەۋ قامسىزداندىرۋى جانە دەنساۋلىق ساقتاۋ، سالاماتتىق تاراۋلارىنىڭ تەكسەرۋىنە جيناقتاپ مالىمدەگەننەن كەيىن، قالالىق قازىنا تاراۋىنا اقشا بوساتۋىنا ءوتىنىش ەتەدى.

    ساۋىقتىرۋ بويىنشا ەمدەۋ قاراجاتىنىڭ ەسەبىن جابۋ جاعىندا، قۇتقارۋ - ەمدەۋدەن سوڭ شيپاحانادان شىققان جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاستار، اۋرۋ بەلگىسى جوق جۇعىمدالۋشىلار سياقتىلارعا ساۋىقتىرۋ ەمدەۋى اتقارىلادى، بۇدان تۋىنداعان ەمدەۋ قاراجاتىنىڭ ەسەبى جاڭا تيپتى ايدارشا ۆيرۋس وكپە قابىنۋ ەمدەۋ قامتاماسىزداندىرۋىنىڭ ەرەكشە ساياساتى بويىنشا جابىلادى.

    ەمدەۋ قۇرىلىمدارىنىڭ تولەي تۇرۋ قىسىمىن جەڭىلدەتۋ ءۇشىن، ءۇرىمجى قالاسى ناۋقاستاردى قۇتقارۋ - ەمدەۋدەن تۋىنداعان ەمدەۋ قاراجاتىنا بولەك مەجە ەسەپ اتقارىپ، ەمدەۋ قۇرىلىمدارىنىڭ جالپى سومالىق مەجە ەسەپ كورسەتكىشىنە ەنگىزبەيدى، ەمدەۋ قىزمەت وتەۋىنىڭ ساپاسىن تومەندەتپەيدى، دەر كەزىندە ەسەپ جاۋىپ، ناۋقاستاردىڭ قاراجات ماسەلەسى سەبەبىنەن دەر كەزىندە ەمدەلمەي قالماۋىنا شىنايى كەپىلدىك ەتىپ، بەلگىلەنگەن ەمدەۋ قۇرىلىمدارىنىڭ ەمدەۋ قامسىزداندىرۋى جالپى سوماسى مەجە ەسەبىن باسقارۋ ەرەجەسى سەبەبىنەن قۇتقارۋ - ەمدەۋگە ىقپال جاساماۋىنا شىنايى كەپىلدىك ەتەدى.

جاۋاپتى رەداكتور: گۇلدەن ماقسات قىزى