شينجياڭ تەمىر جولىندا كۇندىك جۇك تيەلگەن ۆاگون ۇدايى 11 كۇن 10 مىڭنان استى

  • كەلۋ قاينارى: شينجياڭ گازەتى تورابى
  • 09:17:04 04/08/2020

 

    تاريحي رەكورد ۇزدىكسىز جاڭالاندى

 

    گازەتىمىزدىڭ جالپىلىق اقپارات قۇرالدارى ءتىلشىسى لۋ فىڭباۋ 8 - ايدىڭ 2 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، 7 - ايدىڭ 22 - كۇنىنەن 8 - ايدىڭ 1 - كۇنىنە دەيىن شينجياڭ تەمىر جولىندا كۇندىك جۇك تيەلگەن ۆاگوندار سانى ۇدايى 11 كۇن 10 مىڭنان اسىپ، كۇندىك جۇك تيەلگەن ۆاگوندار سانىنىڭ تاريحي رەكوردى ۇزدىكسىز جاڭالانعان.

    ”8 - ايدىڭ 1 - كۇنى 10 مىڭ 500 ۆاگونعا جۇك تيەلىپ، تاريحي جاڭا رەكورد جاراتىلدى“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى تاسىمال ءبولىمىنىڭ جاۋاپتىسى. ەگەر سول كۇنى جۇك تاسىعان 10 مىڭ 500 ۆاگوندى تۇگەل تىزەتىن بولسا، جالپى ۇزىندىعى مەجەمەن 130 كيلومەترگە جەتەدى ەكەن.

    تەمىر جولدا كۇندىك جۇك تيەلگەن ۆاگوندار سانى ءار كۇنى جۇك تيەلگەن ۆاگونداردىڭ سانىن كورسەتەدى، ءار كۇندىك جۇك تيەلگەن ۆاگوندار سانىنىڭ كوپ - ازدىعى بەلگىلى دەڭگەيدە ەكونوميكالىق دامۋدىڭ كورسەتكىشى بولا الادى.

    كەزەكتە بازاردىڭ كومىر، مەتال كەندەرى، ماقتا سياقتى ونىمدەرگە سۇرانىسى ۇزدىكسىز ارتىپ كەلەدى. شينجياڭنىڭ تەمىر جول تاراۋلارى تاسىمال كومەسكى كۇشىن ىشكەرىلەي ىسكە قوسىپ، نەگىزگى زاتتىق ماتەريالدار تاسىمالىن ويداعىداي يگەرىپ، ءوندىرىس كورسەتكىشىندە ءجيى - ءجيى جاڭا رەكورد جاراتىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىنا پارمەندى تىرەك ازىرلەدى.

    جۋىقتا سولتۇستىك شينجياڭ وڭىرىندەگى ماقتا، حيميا ونەركاسىبى سياقتى ونىمدەردىڭ ىشكى وڭىرلەرگە جەتكىزىلۋىنە مەڭزەس، جۇندۇڭنىڭ كومىرى سولتۇستىك شينجياڭنىڭ جەر - جەرىنە تاسىمالدانىپ، ءۇرىمجى باتىس ۆوگزالى پويەزداردى قابىلداپ - جونەلتەتىن، قۇراما جاساقتايتىن ەڭ ۇلكەن ”ايلاققا“ اينالدى. ”ءبىز دالمە - ءدال جۇمىلدىرۋ، قولباسشىلىق ەتۋ، جۇك تاسىمالداۋشى كەزەكشى پويەزداردىڭ قاتىناۋ جوباسىن جاقسارتۋ، وندىرىستىك ەمەس ۋاقىتتى قىسقارتۋ ارقىلى پويەزداردىڭ قاتىناۋ مولشەرىن جوعارىلاتتىق“، - دەيدى ءۇرىمجى باتىس ۆوگزالى اينالىم سەحىنىڭ باس باسقارۋشىسى بيان جياڭ.

جاۋاپتى رەداكتور: گۇلدەن ماقسات قىزى