بەيدوۋ 3 – ءنومىرلى جەر شارى جاساندى سەرىك جول نۇسقاۋ جۇيەسى رەسمي اشىلدى، جاساندى سەرىكتىڭ يقۋاتى ۇقسامايدى

  • كەلۋ قاينارى: ىلە گازەتى
  • 04:16:42 05/08/2020

 

    6 – ايدىڭ 23 – كۇنى ەلىمىزدىڭ بەيدوۋ 3 - ءنومىرلى جەر شارى جاساندى سەرىك جول نۇسقاۋ جۇيەسىنىڭ ەڭ سوڭعى توراپ جاساندى سەرىگى شيچاڭ رەكاتا ۇشىرۋ ورتالىعىنان كەڭىستىككە كوتەرىلدى. 7 – ايدىڭ 31 – كۇنى بەيدوۋ 3 - ءنومىرلى جەر شارى جاساندى سەرىك جول نۇسقاۋ جۇيەسى رەسمي اشىلدى.

    بەيدوۋ 3 – ءنومىرلى جەرى شارى جاساندى سەرىك جول نۇسقاۋ جۇيەسى جەر شارىنىڭ ورتا شەڭبەرلىك وربيتاسىنداعى 24 جاساندى سەرىك (MEO)، جەر شارىنىڭ كولبەۋ وربيتاسىنداعى 3 جاساندى سەرىك (IGSO)، جانە جەر شارىنىڭ تۇراقتى وربيتاسىنداعى 3 جاساندى سەرىك (GEO) سياقتىلاردان قۇرالىپ، بەيدوۋ 3 – ءنومىرلى جاساندى سەرىكتەر ۇلكەن شوعىرىن قۇرايدى.

    مۇنىڭ ىشىندە ءار تيپتەگى جاساندى سەرىكتىڭ وزىندىك ەرەكشە يقۋاتى بار بولىپ، وزدەرىنىڭ اينالىس وربيتاسىنىڭ ەرەكشەلىگى مەن جالعاستىرۋ يقۋاتىنا قاراي، ءوز قىزمەتتەرىن اتقارادى ءارى ارتىقشىلىقتارىن تولىقتاپ وتىرادى دا، دۇنيە جۇزىندەگى تۇتىنۋشىلارعا جوعارى ساپالى ورىن بەلگىلەۋ، جول نۇسقاۋ جاعىنان قىزمەت وتەيدى.

    جەر شارىنىڭ تۇراقتى وربيتاسىنداعى جاساندى سەرىك (GEO)

    بۇل جەر شارىنان شامامەن 36 مىڭ كيلومەتر شالعايدا بولىپ، ەكۆاتورمەن پارەللەل ءارى كولبەۋ بۇرىشى 0 وربيتا. نازاريا جاقتان العاندا جۇلدىز استى وربيتاسى (ياعني جاساندى سەرىك وربيتاسىنىڭ جەر شارىنداعى پروەكسياسى) دەگەنىمىز ءبىر ءتۇيىن بولىپ، باستان – اياق جەر شارىمەن بىرگە اينالىپ وتىرادى.

    بۇل جول نۇسقاۋ، حابار – بايلانىس، ەلەكتر قۋاتى، فينانس، كارتوگرافيالىق قاتىناس سياقتى سالالاردا وتانىمىزدىڭ دامۋ قۇرىلىسى ءۇشىن ۇلەس قوسادى.

    جەر شارىنىڭ كولبەۋ وربيتاسىنداعى 3 جاساندى سەرىك (IGSO)

    اينالىم پەريودى جەر شارىنىڭ ءوزىن اينالۋ پەريودىمەن ۇقساپ كەتەدى، جاساندى سەرىكتەر استىنداعى وربيتاسى «8» سيفرى فورماسىندا كورىنەدى.

    مۇنىڭ جەكە قامتۋ اۋماعى ءبىرشاما ۇلكەن بولىپ، وسى ءۇش جاساندى سەرىك ازيا – تىنىق مۇحيت ءوڭىرىنىڭ كوپ بولەگىن شارپيدى.

    جوعارى وربيتاداعى جاساندى سەرىك رەتىندە مۇنىڭ سيگىنالدىڭ توسىلىپ قالۋىنا دەگەن قابىلەتى كۇشتى، اسىرەسە، تومەن ەندىكتەگى وڭىرلەردە مۇنىڭ ەرەكشەلىگى ءتىپتى دە كورنەكتىلەنە تۇسەدى.

جاۋاپتى رەداكتور: گۇلدەن ماقسات قىزى