بەيدوۋ جۇڭگونىڭ سولتۇستىگىندەگى مالشىلاردىڭ «بۇلانكوزىنە» اينالدى

  • كەلۋ قاينارى: ىلە گازەتى
  • 04:17:56 05/08/2020

    بۇل جۇيەدە تاعى «ەلەكتروندىق تور قورشاۋى» يقۋاتى بار. «مالشىلار جۇيەدە ەلەكتروندىق كوورديناتالار ورناتىپ، مالدىڭ ورىستە جايىلۋ اۋماعىن بەلگىلەيدى، ەگەردە ءار تۇلىك مال وسى اۋماقتان اۋا جايىلسا، شاعىن باعدارلامادا سيگىنال پايدا بولادى» - دەيدى چاۋ لۋ. مۇنىمەن قوسا بۇل جۇيەدە تۇلىكتەرگە اۆتوماتتى اۋىز سۋ جەتكىزۋ سىندى يقۋاتتاردا تولىقتىرىلىپتى.

    اۋتىگىنجىرعالا 2016 ـ جىلدان بەرى «بەيدوۋ» مال باعۋ جۇيەسىن پايدالانۋدىڭ يگىلىگىن كورىپ كەلەدى. ول بىلاي دەدى: «سيىر تۇلىگى ورىستە كوبىندە تابىنىمەن جايىلاتىندىقتان، تەك 6 دانا <بەيدوۋ> موينشاعىن ساتىپ الىپ، التى باس سيرعا تاعىپ قويىپ، 10 مىڭ مۋ جايىلىمداعى 60 باس سيردىڭ ورىستەگى قيمىلىن قالت جىبەرمەي باقىلاپ وتىرامىز. ءار دانا مويىنشاقتىڭ قۇنى 300 يۋاننان اسسا، ال جىلدىق قىزمەت وتەۋ اقىسى 50 يۋانعا جەتپەيدى، بۇدان كۇنى بويى موتوتسيكلگە ءمىنىپ سيىر باعۋعا قاراعاندا كوپ شىعىنىمىز تەجەم بولدى. بۇرىن ساحارادا مال سوڭىنان سالپاقتاپ ءار كۇنى 10 ساعات مولشەرىندە سابىلىپ، باسقا جۇمىستارعا مويىن بۇرا المايتىنبىز، ال قازىر ەگىن سالۋعا دا ۋاقىتىمىز شىعىپ، كىرىس كوزىن تابۋدامىز».

    چاۋ لۋدىڭ «بەيدوۋ» مال باعۋ جۇيەسىن زەرتتەۋ جانە امالياتتان وتكىزۋمەن شۇعىلدانعانىنا 10 جىلعا تاياپتى. ول بىلاي دەدى: «كەزەكتە ىشكى موڭعۇلدا وسىعان قاتىستى عىلىم - تەحنيكالىق زەرتتەپ - اشۋمەن، قولدانۋمەن اينالىساتىن كاسىپورىن قاتارى ون نەشەگە مولايسا، ال تولىقسىز ساناققا قاراعاندا، <بەيدوۋ> مال باعۋ جۇيەسىن تۇراقتى قولدانىپ كەلە جاتقان مالشىنىڭ دا سانى 500 - 600 وتباسىنا جەتكەن. بۇگىن بەيدوۋ 3 - ءنومىرلى جەر شارى جاساندى سەرىك جول نۇسقاۋ جۇيەسى رەسمي ىسكە قوسىلدى. ەرەكشە تولقىپ تۇرمىن، بۇل زەردەلى مال باعۋ تەحنيكاسىن زەرتتەۋ - قولدانۋداعى تىڭ سەكىرىستى جۇزەگە اسىرۋدى جەبەي تۇسپەك».

جاۋاپتى رەداكتور: گۇلدەن ماقسات قىزى