جۇڭگو استرونوميا قوعامى مارستىڭ جەر ءپىشىنى مەن جەر بەدەرى جونىندەگى العاشقى توپتاعى حانزۋشا اتاۋ - تەرميندەردى جاريالادى

  • كەلۋ قاينارى: ىلە گازەتى
  • 04:20:10 05/08/2020

   

    شينحۋا اگەنتتىگىنىڭ ءتىلشىسى دۇڭ رۇيفىڭنىڭ 7 – ايدىڭ 30 - كۇن بەيجيڭنەن بەرگەن حابارى. جۇڭگو استرونوميا قوعامى تاياۋدا ۇكىمەت توراپ بەكەتى ارقىلى مارستىڭ جەر ءپىشىنى مەن جەر بەدەرى جونىندەگى تۇڭعىش توپتاعى 811 حانزۋشا اۋدارما اتاۋدى قوعامعا سىناق رەتىندە ۇسىندى. ۇعىسۋعا قاراعاندا، وسى اۋدارما اتاۋى جۇڭگو استرونوميا قوعامى استرونوميا اتاۋلارىن تەكسەرىپ بەكىتۋ كوميسسياسىنىڭ تەكسەرىپ بەكىتۋىنەن وتكەن. مارستى بارلاۋ جۇمىسىنا دەم بەرىپ، قوعامدىق الەۋمەتكە قىزمەت وتەۋ ءۇشىن استرونوميالىق اتاۋلاردى تەكسەرىپ بەكىتۋ كوميسسياسى ءار سالاداعى مامانداردىڭ كۇشىن ۇيىمداستىرىپ، حالىقارالىق استرونوميا بىرلەستىگىنىڭ 2020 – جىلى 7 - ايدىڭ 15 – كۇنىنە دەيىن جاريالاعان ساقينا تاۋلاردان باسقا مارىستاعى جەر ءپىشىنى مەن جەر بەدەرى جونىندەگى 811 اتاۋدى تۇگەلدەي حانزۋ تىلىنە اۋدارىپ، عىلمي زەرتتەۋ مەن عىلىم جالپىلاستىرۋ تاربيەسى قيمىلىنا قولايلىلىق جاراتۋعا جانە پايدالانۋعا مۇمكىندىك جاراتتى. استرونوميالىق اتاۋ - تەرميندەردى تەكسەرىپ بەكىتۋ كوميسسياسى - جۇڭگو استرونوميا قوعامى مەن مەملەكەتتىك عىلىم - تەحنيكا اتاۋلارىن تەكسەرىپ بەكىتۋ كوميتەتىنە قاراستى ارناۋلى استرونوميالىق اتاۋ - تەرميندەردى بەلگىلەۋگە جانە تەكسەرىپ بەكىتۋگە جاۋاپتى كاسىپتىك قىزمەت كوميتەتى سانالادى، ول كوپ جىلداردان بەرى جۇرتشىلىقتى دۇرىس، سەنىمدى استرونوميالىق اتاۋلارمەن جانە ونىڭ حانزۋشا بالاماسىمەن قامداۋعا كۇش سالىپ كەلەدى. 17 - عاسىردا تەلەسكوب تاپقىرلانعاننان كەيىن استرونومدار مارىستى ۇزاق ۋاقىت باقىلاپ، ونىڭ بەتىندەگى جارىق پەن قاراڭعىلىقتىڭ شاعىلىسۋ ەرەكشەلىگىنە جۇيەلى ات قويدى. 1919 - جىلى حالىقارالىق استرونوميا بىرلەستىگى قۇرىلعاننان كەيىن، پلانەتا جەر اتتارىن اتاۋ جانە وعان تورەلىك ايتۋ قىزمەتىن ۇستىنە الدى. كەزەكتە كۇن جۇيەسىنىڭ ىشكى بەتىنىڭ ەرەكشەلىگىنە قاراي وعان ات قويۋ قىزمەتىنە حالىقارالىق استرونوميا بىرلەستىگىنىڭ پلانەتا جۇيەسى قىزمەت گرۋپپاسى ءبىر تۇتاس جاۋاپتى بولۋدا. ۇعىسۋعا قاراعاندا، مەملەكەتتىك استرونوميا عىلىمى ساندى مالىمەت ورتالىعى وسى توپتاعى مارىستىڭ جەر ءپىشىنى مەن جەر بەدەرى ەرەكشەلىگى جونىندە ارناۋلى تەكشە ازىرلەگەندىكتەن، وسى ارادان مارىستاعى جەر ءپىشىنى مەن جەر بەدەرىنە قاتىستى حانزۋ تىلىندەگى بالاما اتاۋدى تاۋىپ الۋمەن بىرگە، حانزۋشا، اعىلشىنشا جەر اتتارىن ىزدەۋگە دە قولايلىلىق جاراتىلعان. قوعامنىڭ ءار سالاسىنداعىلار وسى اتاۋ - تەرميندەردى سىناق رەتىندە قولدانۋ بارىسىندا بايقاعان ماسەلەلەرى نەمەسە ۇتىمدى ۇسىنىس – پىكىرلەرى بولسا، استرونوميالىق اتاۋ -تەرمين سايتى ارقىلى اڭىس ەتۋىنە ابدەن بولادى ەكەن.

جاۋاپتى رەداكتور: گۇلدەن ماقسات قىزى