ىشكى سۇرانىمدى كەڭەيتۋ ستراتەگياسىن تاباندىلىقپەن اتقارايىق

  • كەلۋ قاينارى: ىلە گازەتى
  • 03:47:10 06/08/2020

    بي جيياۋ، جاڭ جىرىن

    قىسقاشا مازمۇنى

 

    ىشكى سۇرانىمدى كەڭەيتۋ - كەزەكتەگى جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسىنا توتەپ بەرىپ، ەكونوميكانىڭ ارتۋىن تەز ارادا قالپىنا كەلتىرۋدەگى ماڭىزدى شارا بولىپ قالماستان، ونىڭ ۇستىنە ەلىمىز ەكونوميكاسىنىڭ ۇزاق ۋاقىت ورنىقتى، اقاۋسىز دامۋىن ساقتاۋدىڭ ستراتەگيالىق ورنالاستىرۋى. ىشكى سۇرانىمدى كەڭەيتۋ ستراتەگياسىن باتىل اتقارۋ بىزدەن «التىنى ورنىقتىرۋ» قىزمەتىن جاقسى ىستەپ، «التىنى قامتاماسىز ەتۋ» مىندەتىن تياناقتاندىرىپ، قامداۋ مەن قاجەتسىنۋدىڭ ورگانيكالى ۇشتاسۋىن، تۇتىنۋ مەن قارجى قوسۋدىڭ بىرگە كۇش قوسۋىن، ماكرولىق تىزگىندەۋ ساياساتى مەن رەفورما شارالارىنىڭ سايكەسۋىن، ىقپالداسۋىن ىلگەرىلەتۋدى تالاپ ەتىپ وتىر. سوندىقتان جاڭا ارتۋ تۇيىندەرىنىڭ ارتۋ ۇيەگىن جەتىلدىرىپ، زورايتىپ، دامۋدىڭ ىرىقتىلىق ۇقىعىن مىقتى يگەرۋ كەرەك.

    4 - ايدىڭ 17 - كۇنى اشىلعان ج ك پ ورتالىق كوميتەتى ساياسي بيۋروسىنىڭ ماجىلىسىندە مىناۋ دارىپتەلدى: ىشكى سۇرانىمدى ۇلعايتۋ ستراتەگياسىن باتىل اتقارىپ، ەكونوميكالىق دامۋ مەن قوعامدىق ورنىقتىلىق جالپى جاعدايىن قورعاۋ كەرەك. قازىر مەملەكەت بويىنشا ىندەتتەن ساقتانۋ - تىزگىندەۋ، توسقاۋىل شايقاسىندا كەلەلى ستراتەگيالىق جەتىستىككە قول جەتتى، ءبىراق حالىقارادا ىندەت ءۇرتىس ءورشىپ، دۇنيە ءجۇزى ەكونوميكاسىنداعى حاۋىپ - قاتەر اسقىنا ءتۇستى، ورنىقسىزدىق، تۇراقسىزدىق فاكتورلارى كورنەكتى كوبەيدى، ەلىمىزدىڭ ەكونوميكالىق دامۋى بۇرىن بولىپ كورمەگەن سىن ـ سايىستارعا ءدوپ كەلدى. ءبىز ۋاقىتقا، جاعدايعا قاراي سىرتقى قورعانىستى بەكەمدەۋىمىز، ىشكى قورعانىستى قايتا كۇشەيتۋ شارالارىن كەمەلدەندىرۋىمىز ءارى كوكەيتەستىلىك سەزىمدى شىنايى كۇشەيتىپ، جاپپاي دوڭگەلەك داۋلەتتى قوعام قۇرۋ نىساناسى مەن مىندەتىن تىعىز ارقاۋ ەتۋىمىز، ەكونوميكالىق، قوعامدىق دامۋدىڭ ءتۇرلى قىزمەتتەرىن شىنايى يگەرىپ، ىشكى سۇرانىمدى ۇلعايتۋ شارالارىن ويداعىداي تياناقتاندىرىپ، دامۋدىڭ ىرىقتىلىق ۇقىعىن مىقتى يگەرۋىمىز كەرەك.

جاۋاپتى رەداكتور: گۇلدەن ماقسات قىزى