ىشكى سۇرانىمدى كەڭەيتۋ ستراتەگياسىن تاباندىلىقپەن اتقارايىق

  • كەلۋ قاينارى: ىلە گازەتى
  • 03:47:10 06/08/2020

    ىشكى سۇرانىمدى كەڭەيتۋ ستراتەگياسىن اتقارۋدىڭ كوكەيتەستىلىگى مەن ماڭىزدىلىعىن جەتە تانۋ كەرەك

    ىشكى سۇرانىمدى كەڭەيتۋ ـ ىندەتتىڭ قىسقا مەرزىمدىك سوققىسىنا توتەپ بەرىپ، ەكونوميكانىڭ قالپىنا كەلۋىن جەبەۋدىڭ شۇعىل تالابى. توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى ەلىمىزدىڭ ەكونوميكالىق، قوعامدىق دامۋىنا بۇرىن بولىپ كورىلمەگەن سوققى بولىپ ءتيدى. ىندەتتەن ساقتانۋ - تىزگىندەۋ ونىمدىلىگىنىڭ ۇزدىكسىز كورنەكتىلەنۋىنە جانە جۇمىستى، ءوندىرىستى قالپىنا كەلتىرۋگە بايلانىستى 3 - ايدان بەرى نەگىزگى ەكونوميكالىق كورسەتكىشتە ورلەۋ جاعدايى جارىققا شىعىپ، ونەركاسىپ، قىزمەت وتەۋ كاسىبى، قارجى قوسۋ، بولشەك ساتۋ جانە يمپورت - ەكسپورت سياقتىلاردىڭ تومەندەۋ مولشەرى زور دارەجەدە ازايىپ، كاسىپتەنۋ مەن زات باعاسى ورنىقتىلىعىن ساقتادى ءارى جاقساردى، ىندەتتەن ساقتانۋ ماتەريالدارىمەن جانە تۇرمىستىق بۇيىمدارىمەن قامداۋعا پارمەندى كەپىلدىك ەتىلدى، نەگىزگى قوعامدىق حالىق تۇرمىسىن قامتاماسىزداندىرۋ ورنىقتى بولىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىندە كەلەلى تابىستارعا قول جەتتى. سونىمەن بىرگە، ەكونوميكانىڭ قىسىمىنا توتەپ بەرۋ مەن ەكونوميكانىڭ قايتا ورلەۋ جاعدايىن ساقتاۋ مىندەتى ءالى دە جاپالى. جاڭا تيپتى ايدارشا ۆيرۋس وكپە قابىنۋ ىندەتى بۇكىل جەر شارىندا ءورشىپ، ىندەتتەن ساقتانۋ - تىزگىندەۋ شارالارى الا كەلگەن ءار ەلدىڭ ەكونوميكالىق قيمىلدارى ءالى دە تولاستامادى، باستى ەكونوميكالىق تۇلعالاردىڭ جاپپاي ەكونوميكالىق قۇلدىرۋ كۇيى اۋىر بولىپ، الەمدىك كاسىپ تىزبەگى مەن قامداۋ تىزبەگى اينالىسىنىڭ جاقسارۋى ءالى دە ءبىرشاما ۇزاق ۋاقىتتى قاجەت ەتۋدە. بۇل ەلىمىزدىڭ سىرتقى ساۋدا يمپورت - ەكسپورتىنا ىقپالىن تيگىزىپ، ەل ىشىندەگى كەيبىر كاسىپتەر مەن كاسىپورىنداردىڭ قامداۋ تىزبەگىنىڭ قالىپتى اينالىمىنا ىقپال جاساپ، ەكونوميكانىڭ قىسىمىن ارتتىرادى. الايدا، كوپ جىل جاپالى قۇلشىنىس جاساۋ ارقىلى ەلىمىز ەكونوميكانىڭ دامۋ تاسىلىندە بۇرىلىس جاساۋ مەن شارۋاشىلىق قۇرىلىمىن رەتتەۋ، ساپالىلاندىرۋدا كەلەلى ىلگەرىلەۋشىلىككە قول جەتكىزدى، ەكونوميكانىڭ ارتۋى بۇرىنعى قالىپتان تىس سىرتقى قاجەتكە يەك سۇيەۋدەن ىشكى سۇرانىمدى جەتەكشى ەتۋگە ويىستى، ىشكى سۇرانىم ەكونوميكالىق دامۋدىڭ نەگىزگى قوزعاۋشى كۇشىنە اينالدى. دۇنيە ءجۇزى ەكونوميكاسىنىڭ قۇلدىراۋى، سىرتقى سۇرانىستىڭ زور دارەجەدە ازايۋى جانە ەل ىشىندەگى جۇمىستى، ءوندىرىستى قالپىنا كەلتىرۋ قادامىنىڭ تەزدەۋىندەي ەكونوميكالىق قيمىل بىرتىندەپ قالىپقا تۇسكەن جاعدايدا، ىشكى سۇرانىمدى كەڭەيتۋ ستراتەگياسىن باتىل اتقارىپ، ىندەت شەكتەمەلىگىنە ۇشىراعان تۇرعىنداردىڭ تۇتىنۋ كومەسكى كۇشىن جەدەل ىسكە قوسىپ، شارۋاشىلىقتىڭ تيپىن وزگەرتىپ، دارەجەسىن جوعارىلاتۋدى جەبەۋ، جاڭاشا نەگىزدىك قۇرىلعىلار قۇرىلىسىن كەڭەيتۋ جانە ولقىلىقتاردى تولىقتاۋ جاقتارىنداعى ۇتىمدى قارجى قوسۋ تەبىنىن ارتتىرىپ، ەكونوميكانىڭ قالپىنا كەلۋ جاعدايىن بەكەمدەگەندە، بيىلعى ەكونوميكالىق، قوعامدىق دامۋدىڭ نىسانالىق مىندەتتەرىن قۇلشىنا جۇزەگە اسىرۋعا بولادى.

جاۋاپتى رەداكتور: گۇلدەن ماقسات قىزى