ىشكى سۇرانىمدى كەڭەيتۋ ستراتەگياسىن تاباندىلىقپەن اتقارايىق

  • كەلۋ قاينارى: ىلە گازەتى
  • 03:47:10 06/08/2020

    ىشكى سۇرانىمدى كەڭەيتۋ - سىرتقى حاۋىپ - قاتەر مەن سىن - سايىستارعا توتەپ بەرىپ، ەلىمىز ەكونوميكاسىنىڭ ۇزاق ۋاقىت جاقسى دامۋ بەتالىسىن ساقتاۋداعى ستراتەگيالىق نەگىزگىءتۇيىن. رەفورما جاساپ، ەسىك اشقاننان بەرى ەلىمىز ەكونوميكانىڭ جاھاندانۋ بارىسىنا ىرىقتىلىقپەن قاتىناستى، دۇنيە ءجۇزى ەكونوميكاسىمەن ۇزدىكسىز توعىسۋمەن بىرگە، سوققىنىڭ ىقپالىنا دا ۇشىرادى. 1997 - جىلى ازيا فينانس داعدارىسى تۋىلدى. قاتىستى مەملەكەتتەر مەن رايونداردىڭ اقشانىڭ جاپپاي قۇنسىزدانۋىنا، فينانس بازارىنىڭ اۋمالى - توكپەلى بولۋىنا، ەكونوميكانىڭ اۋىر دارەجەدە ەلىمىزدىڭ سىرتقى ساۋدا ەكسپورتىنا، اقشانىڭ تۇراقتىلىعىنا جانە ەكونوميكانىڭ ارتۋىنا سوققى بەرۋ الدىندا، ەلىمىز حالىق اقشاسىنىڭ قۇنىن تومەندەتپەۋگە تاباندى بولدى، مەملەكەت زايومىن كوبەيتىپ تاراتۋ، ىشكى سۇرانىمدى كەڭەيتۋ، مەملەكەت مەنشىگىندەگى كاسىپورىندار مەن فينانس رەفورماسىن تەرەڭدەتۋ سياقتى ءبىرقىدىرۋ ساياساتتىق شارالار ىشكى ەكونوميكا، فينانس جاعدايىن ورنىقتىرۋمەن بىرگە، ەكونوميكانىڭ جوعارى قارقىنمەن دامۋى جانە ەسىكتى ايقارا اشۋ ءۇشىن نەگىز قالادى. ونىڭ ۇستىنە شىعىس ازيا فينانس جاعدايىنىڭ ورنىقتىلىعى مەن ەكونوميكانىڭ قالپىنا كەلۋىن پارمەندى جەبەپ، جاۋاپكەرلىك ارقالايتىن ءىرى ەلدىك وبرازىن ايگىلەدى. 2008 - جىلى ا ق ش - نان باستالعان حالىقارالىق فينانس داعدارىسى دۇنيە ەكونوميكاسىن قۇيعا باتىردى ءارى ەلىمىز ەكونوميكاسىنا اۋىر سوققى بولدى. ەلىمىز حالىقارالىق فينانس داعدارىسىنىڭ سوققىسىنا قارسى تۇرۋ جونىندە ءبىرقىدىرۋ ساياسات شارالاردى ۋاعىندا شىعاردى، ىشكى سۇرانىمدى ۇلعايتۋ سىندى ستراتەگيالىق نەگىزگى ءتۇيىندى مىقتى يگەرىپ، ەكونوميكانىڭ دامۋ تاسىلىندە بۇرىلىس جاساۋدى جەدەلدەتىپ، ەكونوميكالىق قۇرىلىمدى رەتتەپ، دۇنيە ءجۇزى بويىنشا ەكونوميكانىڭ ورنىقتى ورلەۋىن الدىمەن جۇزەگە اسىردى. تاجىريبەلەر: ىشكى سۇرانىمدى كەڭەيتۋ باستان - اياق سىرتقى حاۋىپ - قاتەر مەن سىن - سايىستارعا توتەپ بەرىپ، دامۋدىڭ ىرىقتىلىق ۇقىعىن مىقتى يگەرۋىمىزدىڭ ماڭىزدى ستراتەگياسى ەكەنىن دالەلدەدى.

    پارتيانىڭ 18 - قۇرىلتايىنان بەرى حالىقارالىق فينانس داعدارىسىنان كەيىن دۇنيە ءجۇزى ەكونوميكاسى تەرەڭدەۋ مەزگىلىنە ويىسقان جانە ەل ءىشى ەكونوميكاسىنىڭ «ءۇش مەزگىل قاباتتاسقان» جاڭا جاعدايى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى ەلىمىز ەكونوميكاسى دامۋىنىڭ كەزەڭدىك وزگەرىس ەرەكشەلىگىن دۇرىس يگەرىپ، سىرتقا ەسىك اشۋ دەڭگەيى مەن جۇيەسىن ۇزدىكسىز جوعارىلاتۋمەن بىرگە، دەربەس جاڭالىق اشۋدى جانە ىشكى سۇرانىمدى كەڭەيتۋدى تياناق ەتىپ، شارۋاشىلىقتىڭ تيپىن وزگەرتىپ، دارەجەسىن ءوسىرۋدى جانە قامداۋ جۇيەسىن ساپالاندىرۋدى جەبەپ، ەلىمىز ەكونوميكاسىنىڭ ۇزاق ۋاقىت جاقسى دامۋ اۋقىمىن ۇزدىكسىز بەكەمدەپ، ەلىمىز ەكونوميكاسىنىڭ جوعارى ساپالى دامۋ ارناسىنا ءتۇسۋىن ىلگەرىلەتتى.

    بۇدان ىشكى سۇرانىمدى كەڭەيتۋ ستراتەگياسىن باتىل اتقارۋ كەزەكتەگى جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسىنا توتەپ بەرىپ، ەكونوميكانىڭ ارتۋىن تەز قالپىنا كەلتىرۋدەگى ماڭىزدى شارا بولىپ قالماستان، ونىڭ ۇستىنە ەلىمىز ەكونوميكاسىنىڭ ۇزاق ۋاقىت ورنىقتى، اقاۋسىز دامۋىن ساقتاۋداعى ستراتەگيالىق ورنالاستىرۋى بولىپ تابىلادى. دۇنيە جۇزىندەگى ەكىنشى ءىرى ەكونوميكالىق تۇلعا، ءبىرىنشى ءىرى ونەركاسىپ ەلى جانە زات ساۋداسى ەلى بولعان ەلىمىز ەكونوميكاسىنىڭ ۇزاق ۋاقىتتىق دامۋى ىشكى سۇرانىمدى ۇزدىكسىز كەڭەيتۋگە سۇيەنەدى، استە، سىرتقى قاجەتكە سۇيەنۋى مۇمكىن ەمەس. ىشكى سۇرانىمدى كەڭەيتۋ ستراتەگياسىن باتىل اتقارۋ ءارى ەل ءىشى بازارىن جەتىلدىرىپ جانە دامىتىپ، ءارى ەلگە اناعۇرلىم كوپ ءوزارا پايدا جەتكىزىپ، تەڭ يگىلىككە كەنەلۋ ورايىن جاراتىپ، ءىشىنارا ەلدەردىڭ سىڭار جاقتىلىعى مەن قورعانىمپازدىعىنا توتەپ بەرۋدىڭ ءونىمدى جولى.

جاۋاپتى رەداكتور: گۇلدەن ماقسات قىزى