ىشكى سۇرانىمدى كەڭەيتۋ ستراتەگياسىن تاباندىلىقپەن اتقارايىق

  • كەلۋ قاينارى: ىلە گازەتى
  • 03:47:10 06/08/2020

    جان ـ جاقتى شارا قولدانىپ، ارتىقشىلىق پەن ولقىلىقتى ۇشتاستىرىپ، ىشكى سۇرانىمدى تىڭعىلىقتى، ءونىمدى تۇردە كەڭەيتۋ كەرەك

    ىشكى سۇرانىمدى كەڭەيتۋ ستراتەگياسىن باتىل اتقارۋ - بىزدەن «التىنى ورنىقتىرۋ» قىزمەتىن جاقسى ىستەپ، «التىنى قامتاماسىز ەتۋ» مىندەتىن تياناقتاندىرىپ، قامداۋ مەن قاجەتسىنۋدىڭ ورگانيكالى ۇشتاسۋىن، تۇتىنۋ مەن قارجى قوسۋدىڭ بىرگە كۇش قوسۋىن، ماكرولىق تىزگىندەۋ ساياساتى مەن رەفورما شارالارىنىڭ سايكەسۋىن، ىقپالداسۋىن ىلگەرىلەتۋدى تالاپ ەتتى. جاڭا ارتۋ تۇيىندەرىن ارتۋ ۇيەگىن جەتىلدىرىپ، زورايتىپ، دامۋدىڭ ىرىقتىلىق ۇقىعىن مىقتى يگەرۋ كەرەك.

    ءتىپتى دە زور ماكرولىق ساياساتتىق تەبىنمەن ىندەت جاعدايىنا ىقپال جاساۋ كەرەك. قيىنشىلىقتى، حاۋىپ - قاتەردى تولىق مەجەلەپ، قازىنالىق اقشا ساياساتىن دەركەزىندە اناعۇرلىم زور تەبىنمەن اتقارىپ، ەكونوميكانىڭ ارتۋىنا بەلسەنە كۇش سالۋ، قازىنا ساياساتى اناعۇرلىم بەلسەندى، ۇتىمدى بولۋ، قىزىل سيفر مولشەرىن جوعارىلاتۋ، ىندەتكە قارسى ەرەكشە زايوم تاراتۋ، جەرگىلىكتى ۇكىمەتتەردىڭ ارناۋلى زايومىن ارتتىرۋ، الەۋمەتتىك تۇتىنۋدى لايىقتى ارتتىرۋ سياقتى شارالار ارقىلى قازىنالىق قارجىنىڭ رولىن بەلسەنە ساۋلەلەندىرۋ كەرەك. ىشكى سۇرانىمدى كەڭەيتۋگە، ورنىقتى ارتتىرۋعا تىكەلەي ءارى پارمەندى قولداۋ كورسەتۋ كەرەك. ورنىقتى اقشا ساياساتى اناعۇرلىم يكەمدى، ۇيلەسىمدى بولىپ، ولشەمدى تومەندەتۋ، ءوسىمدى تومەندەتۋ، قايتالاي قارىز بەرۋ سياقتى شارالار ارقىلى ۇيلەسىمدى، جەتكىلىكتى بولۋدى ساقتاپ، قارىز اقشا بازارىنىڭ ءوسىم مولشەرىن ارتتىرىپ، ناقتى ەكونوميكاعا اناعۇرلىم كوپ قولداۋ كورسەتۋ كەرەك.

    تۇتىنۋدىڭ ىشكى سۇرانىمدى ۇلعايتۋداعى نەگىزدىك رولىن كۇشەيتۋ كەرەك. جۇمىستى، ءوندىرىستى، ساۋدانى، بازاردى قالپىنا كەلتىرۋدى ويداعىداي ىستەپ، ەكونوميكالىق، قوعامدىق ءتارتىپتى جەدەلدەتۋ كەرەك. حالىق تۇرمىسىن ۇزدىكسىز قامتاماسىز ەتىپ جانە جاقسارتىپ، كەدەيلەردى سۇيەمەلدەۋ تەبىنىن تومەندەتپەۋگە تاباندى بولىپ، كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزۋ كەرەك.

كاسىپتەندىرۋدى ورنىقتىرۋ شاراسىن كۇشەيتىپ، كاسىپتەندىرۋدى الدىمەن ويلاستىرۋ ساياساتىن ويداعىداي اتقارىپ، جوعارى مەكتەپ بىتىرگەن وقۋشىلار سياقتى ءتۇيىندى ادامدار مەن ءتۇيىندى كاسىپ سالالارىنىڭ جۇمىستانۋىن ويداعىداي يگەرۋ كەرەك. قوعامدىق قامتاماسىزداندىرۋ تورابىن بەكەمدەپ، ەڭ تومەنگى تۇرمىستى قامتاماسىزداندىرۋ قىزمەتىن ويداعىداي ىستەپ، باعا ۋاقىتتىق قوسىمشا قاراجاتىن دەر كەزىندە تاراتۋ كەرەك. جاسىل تۇتىنۋ، ينفورماتسيالى تۇتىنۋ، زەردەلى تۇتىنۋ سياقتى جاڭا ونىمدەردى، جاڭا كاسىپ قالىبىن، جاڭا ۇلگىسىن جەتىلدىرىپ جانە دامىتىپ، جەلىدە تۇتىنۋدىڭ توعىسۋىن ىلگەرلەتىپ، زەينەتكەرلىك، سالاماتتىق، وتباسى ىستەرى سياقتى قىزمەت وتەۋ تۇتىنۋىن بەلسەنە كەڭەيتىپ، تۇتىنۋدىڭ دارەجەسىن جوعارىلاتۋدى جەبەۋ كەرەك. تۇتىنۋ بۇيىمدارىنىڭ ساپاسىن جوعارىلاتىپ، تۇتىنۋ ورتاسىن ساپالىلاندىرۋ كەرەك.

جاۋاپتى رەداكتور: گۇلدەن ماقسات قىزى