ىشكى سۇرانىمدى كەڭەيتۋ ستراتەگياسىن تاباندىلىقپەن اتقارايىق

  • كەلۋ قاينارى: ىلە گازەتى
  • 03:47:10 06/08/2020

    قارجى قوسۋدىڭ ىشكى سۇرانىمدى كەڭەيتۋدەگى شەشۋشى رولىن ساۋلەلەندىرۋ كەرەك. «ولقىلىقتى تولىقتاۋدى» ارقاۋ ەتىپ، ءونىمدى قارجى قوسۋدى بەلسەنە كەڭەيتىپ، لاشىق رايونداردى وزگەرتۋدى جەدەلدەتىپ، ءداستۇرلى كاسىپتىڭ دارەجەسىن جوعارىلاتۋدى ىلگەرلەتىپ، قاتىناس، ەنەرگيا، سۋ يگىلىگى، قالا ىستەرى سياقتى نەگىزدىك قۇرىلعىلارعا قارجى قوسۋدى كۇشەيتىپ، ەكولوگيانى قورعاۋ، ورتانى وڭاۋ، سونداي - اق قاتىستى جۇيە جانە قابىلەت قۇرىلىسى جاقتارىنداعى قارجىنى مولايتىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن ۇزدىكسىز ويداعىداي جۇرگىزۋ كەرەك. ەكونوميكالىق دامۋدىڭ جاڭا قوزعاۋشى كۇشىن جەتىلدىرۋدى ارقاۋ ەتىپ، قارجى قوسۋدىڭ جاڭا تۇيىندەرىن اشىپ، 5G، ساندى مالىمەت ورتالىعى سياقتى جاڭاشا نەگىزدىك قۇرىلعى قۇرىلىسىن كۇشەيتىپ، ستراتەگيالىق جاڭادان گۇلدەنگەن كاسىپ سالاسىنا قارجى قوسۋدى كەڭەيتىپ، ناقتى جاڭالىق جاراتۋ جانە كەلەلى، شەشۋشى تەحنيكالاردان قامال الۋ نىساندارىنان ءبىر توبىن سارالاپ اتقارۋ كەرەك.

    ورايدى مىقتى يگەرىپ، ءتۇيىندى ارناۋلى سالالارداعى رەفورمانى تەرەڭدەتۋ كەرەك. ماڭىزدى فاكتورلاردى بازارلاندىرىپ ورنالاستىرۋ رەفورماسىن تەرەڭدەتىپ، ماڭىزدى فاكتورلاردى ورنالاستىرۋ ونىمدىلىگىن جوعارىلاتۋ ارقىلى ەكونوميكانىڭ دامۋ ساپاسىن جوعارىلاتۋدى جەبەۋ كەرەك. تومەن كىرىستەگى بۇقارانىڭ كىرىسىن ارتتىرىپ، ورتاشا كىرىستەگى قاۋىمدى دا قامتۋدى وزەك ەتىپ، تۇتىنۋعا ءتيىمدى كىرىس ءبولىسى ءتۇزىمىن كەمەلدەندىرۋ كەرەك. «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ» رەفورماسىن تەرەڭدەتىپ، باسقارۋ مەحانيزمىن ساپالىلاندىرىپ، حالىقتىق قارجىلاندىرۋدىڭ بەلسەندىلىگىن جۇمىلدىرۋ كەرەك. زات زاپاسى ءتۇزىمىن اقاۋسىزداندىرىپ، ەلىمىزدىڭ ەنەرگيا حاۋىپسىزدىگىن پارمەندى قامتاماسىزداندىرۋ كەرەك. اۋىل شارۋاشىلىعى، اۋىل - قىستاق، شارۋالار قىزمەتىنىڭ دامۋىن قولدايتىن ءتۇزىلىس مەحانيزمىن كەمەلدەندىرىپ، اۋىل شارۋاشىلىق ءوندىرىسى مەن ماڭىزدى قوسىمشا ازىق - تۇلىكپەن قامداۋدى، باعانى ورنىقتىرۋدى ويداعىداي يگەرىپ، اۋىل شارۋاشىلىعىنىڭ نەگىزدىك ورنىن بەكەمدەۋ كەرەك.

    (اۆتوردىڭ قىزمەت ورنى: جۇڭگو ماكرولىق ەكونوميكانى زەرتتەۋ اكادەمياسى)

    اۋدارعان نيحات كارىم ۇلى

جاۋاپتى رەداكتور: گۇلدەن ماقسات قىزى