سەلبەستىك كووپەراتيۆى قوستوبە قىستاعىنىڭ كەدەيلىكتەن ارىلىپ، اۋقاتتانۋىنداعى دەمەۋشىگە اينالدى

  • كەلۋ قاينارى: ىلە گازەتى
  • 03:43:15 07/08/2020

  

    ءتىلشىمىز گۋ شۋە، ەرىكتى ءتىلشى ليۋ چيڭ تەكەستەن حابارلايدى. «قازىر مەن اۋقاتتاندىم، ەڭ تومەنگى تۇرمىستى قامتاماسىزداندىرۋدان شەگىنۋدى ءوتىنىش ەتەمىن». بۇل 7 – ايدىڭ 24 – كۇنى تەكەس اۋدانى كوكتەرەك اۋىلى قوستوبە قىستاعى 6 – گرۋپپاسىنىڭ تۇرعىنى ەسەنتۇر سارسەنباي ۇلىنىڭ وسى قىستاقتىڭ 1 – شۋجيى لۇي يۇڭگاڭعا وزىنەن جاعداي ۇعىسۋعا كەلگەندە ايتقان شىنايى لەبىزى ەدى.

    ەسەنتۇر 2011 – جىلى قۇرىلىس ورنىندا جۇمىس ىستەپ جۇرگەندە، بىلەگىن اينەك كەسىپ كەتىپ، نەرۆى زاقىمدالعاندىقتان 3 – دارەجەلى مۇگەدەككە اينالعان، ايەلىنىڭ دەنساۋلىعى ءالسىز، سوزىلمالى اۋرۋى بار، ءالى دە ەسەيە قويماعان ەكى بالاسى باستاۋىش مەكتەپتە وقيدى. مۇنداي كەنەت تۋىلعان وزگەرىس كەدەي وتباسىنا جىعىلعان ۇستىنە جۇدىرىق بولىپ تيگەن. ءبىر وتباسىنداعى 4 جان تۇگەلدەي ەسەنتۇردىڭ ۇساق جۇمىس ىستەپ تاپقان تيىن – تەبەنىمەن كۇنەلتەتىن. 2014 – جىلى ەسەنتۇر وتباسى ارحيۆتەستىرىلىپ، كارتوچكالاندىرىلعان كەدەي وتباسى بولىپ تۇراقتاندىرىلدى.

    2018 – جىلى قوستوبە قىستاعىندا قۇرىلعان ليگىنيۋان ەگىمشىلىك كاسىپتىك سەلبەستىك كووپەراتيۆى ەسەنتۇرعا ءۇمىت ۇشقىنىن باعىشتادى. ول ءوزىنىڭ 25 مۋ ءشول جەرىن سەلبەستىك كووپەراتيۆىنە كوتەرمەگە بەرىپ، ءار جىلى تۇراقتى كىرىسكە يە بولدى. ءوزىن ەگىستىك جەردەن ازات ەتكەن ەسەنتۇر ەندىگى جەردە ەلەكترلى دانەكەرلەۋ تەحنيكاسىن ۇيرەنەدى، سونداي – اق اۆتوكولىك جۇرگىزۋ ونەرىن ۇيرەنىپ جۇك تاسىمالىمەن شۇعىلدانادى، ايەلى دە سىرتقا شىعىپ جۇمىس ىستەيدى. سول جىلى كوپ ارنالى كاسىپتەنۋ ورايى ونىڭ وتباسى كىرىسىن 30 مىڭ يۋانعا جەتكىزىپ، كەدەيلىككە حوش ايتادى. «ءۇيىمنىڭ قاقپاسىنا قاراڭىزدار، ءوزىم دانەكەرلەپ جاسادىم، ادەمى مە ەكەن؟» دەدى جۇزىنەن قۋانىش لەبى ەسكەن ەسەنتۇر تىلشىگە قاراپ.

    قوستوبە قىستاعى — ەگىنشىلىكتى نەگىز ەتكەن، ەگىنشىلىك پەن مالشىلىقتى بىرلەستىرگەن اۆتونوميالى رايون دارەجەلى اۋىر كەدەي قىستاق. تۇتاس قىستاقتا 25 مىڭ ءبىر مۋ ەگىستىك جەر، 890 وتباسى 3 مىڭ 355 جان بار. قىستاقتاعى ەگىستىك جەردىڭ ىشىندەگى 16 مىڭ 500 مۋ جەر ءشول اتىز بولعاندىقتان ءونىم مولشەرى تومەن، شارۋالاردىڭ كىرىس تابۋى قيىن ەدى.

    وبلىستىق قازىنا مەكەمەسىنەن «ۇعىسۋ، تيىمدىلىك جاساۋ، توعىستىرۋ» بويىنشا وسى قىستاقتا تۇراتىن قىزمەت اترەتى ءشول جەردەگى ەگىنشىلىك ونىمدىلىگىنىڭ تومەن بولۋ جاعدايىن وزگەرتىپ، قىستاقتى دامىتۋ جولىن قاراستىردى. قىزمەت اترەتى ارناۋلى ادام شىعارىپ، جان - جاقتى تەكسەرۋ - زەرتتەۋ جۇرگىزدى. مامانداردى جارامدىلىق جوباسىن دالەلدەۋگە ۇسىنىس ەتتى. وسىدان كەيىن، قوعامدىق كاپيتالمەن سايكەستىرۋ قىزمەتىن بەلسەنە ىستەپ، باتىس ءشول اتىزىن شىعار ءتۇيىن جانە قامال الۋ ءتۇيىنى ەتتى. جەرگىلىكتى جاعدايعا قاراي ىستەپ، ىلە وبلىسى شىڭگۋ ەگىن شارۋاشىلىعىن دامىتۋ شەكتى جاۋاپكەرلىك سەرىكتىگىن ەنگىزۋ ارقىلى باتىس ءشول اتىزىن سۋارمالى اتىزعا وزگەرتۋ (تامشىلاتىپ سۋارۋ) ينجەنەرياسىنا قارجى قوسىپ، ءشول اتىزدى تۇگەلدەي سۋارمالى اتىزعا اينالدىردى. 12 مىڭ مۋ جەردى اينالىمعا سالىپ، سۋسىزداندىرىلعان كوكونىس، ۇشقات سياقتى جوعارى قوسىمشا قۇندى ەكونوميكالىق داقىل ەكتى. 2018 - جىلى ليگىنيۋان ەگىمشىلىك كاسىپتىك سەلبەستىك كووپەراتيۆى قۇرىلدى.

جاۋاپتى رەداكتور: گۇلدەن ماقسات قىزى