بۇلتتىق قىزمەت وتەۋدى تولىق تۇتاستىرىپ، ادىلدىك پەن ادىلەتتىلىكتى جاقتاۋ تەبىنىن ارتتىردى

  • كەلۋ قاينارى: ىلە گازەتى
  • 03:17:11 07/08/2020

    جەلىدە جاراستىرۋدىڭ ٴونىمى كورنەكتى بولدى. «سوتتاسۋ ۇزاققا سوزىلاتىن بولدى – اۋ دەپ ەدىم، ٴبىر تيىن دا جۇمساماي – اق توراپتا دەلونى ٴبىتىرىپ الاتىنىمدى ويلاماپپىن». 7 – ايدىڭ 30 - كۇنى شينجياڭ جوعارى حالىق سوت مەكەمەسى ىلە وبلىسىتىق بولىمشە سوتىنىڭ سۋدياسى سۇي جيا حالىق سوتىنىڭ جەلىدە جاراستىرۋ تەكشەسى ارقىلى ءبىر ساعات ىشىندە – اق جەلىدە قۇنى ءبىر ميلليون 160 مىڭ يۋان حالىقتىق الاشاق – بەرەشەك داۋ – شارى دەلوسىن ءساتتى ءبىتىردى، ەكى جاقتىڭ داۋگەرى الىس ارالىقتان قول قويىپ تۇراقتاندىرعاننان كەيىن جاراستىرۋ كەلىسىمىندە پىكىر بىرلىگىنە كەلدى. دەلو بىتكەننەن كەيىن داۋگەر حۇڭ فاميليالى بەينە ەكران ارقىلى ريزا بولىپ باس بارماعىن كورسەتتى.

    وبلىسقا توتە قاراستى ەكى دارەجەلى سوت مەكەمەسى جەلىدە قايشىلىقتار مەن داۋ – شارلاردى شەشۋ تەكشەسىنە تولىق سۇيەنىپ، داۋگەرلەردى حالىق سوت مەكەمەسىنىڭ جاراستىرۋ تەكشەسى، جىلجىمالى ميكرو سوت مەكەمەسى سياقتىلاردان پايدالانىپ جەلىدە بايلانىس جاساۋعا، جاراسۋعا باستادى. وبلىستىق سوت مەكەمەسى 4 دىبىس – كەسكىندى جاراستىرۋ كەڭسەسىن قۇرىپ، قاتىستى قاتتى بولشەك جابدىقتارىن تولىقتاپ، قىزمەتتىڭ ٴساتتى ورىستەتىلۋىنە كەپىلدىك ەتتى. 7 – ايدىڭ 27 – كۇنىنەن بەرى وبلىسقا توتە قاراستى ەكى دارەجەلى سوت مەكەمەسى جەلىدەگى دىبىس – كەسكىن تەكشەسى ارقىلى 181 دەلونى جاراستىردى، مۇنىڭ ىشىندە 57 دەلو ءساتتى جاراستىرىلدى.

    بۇلتتىق سوت تەرگەۋى «ارىز – شاعىمعا جاۋاپ قايتارۋ قيىنشىلىعىن» شەشتى. 8 – ايدىڭ 2 – كۇنى تۇستەن بۇرىن توقتام كۇشكە يە ەمەس دەپ تۇراقتاندىرىلعان ەكىنشى سوتتاعى داۋ –شار دەلوسى داۋگەردىڭ ماقۇلدىعىن العاننان كەيىن 4 ادامدى 4 جەردە «كەڭىستىك ارقىلى بايلانىستىرىپ»، «بۇلتتىق سوت تەرگەۋى» جۇيەسى ارقىلى سوت اشتى. داۋگەردىڭ زەردەلى قولفونى بولماعاندىقتان وسى دەلوعا جاۋاپتى باس سۋديا حاليدا ابىلەت الەۋمەتتىك اۋماقپەن بايلانىس جاساپ، قولفونمەن قامداۋ جۇمىسىن بەلسەنە سايكەستىرىپ، دەلوعا دەر كەزىندە سوت اشۋعا كەپىلدىك ەتتى. سوڭىندا ول ىسىلعان جاراستىرۋ شەبەرلىگىنە سۇيەنىپ، سابىرلىلىقپەن زاڭدى ٴتۇسىندىرۋ ارقىلى بۇل دەلونى ءساتتى جاراستىردى. ارىزدانۋشى ا XX پەن ما XX 30 مىڭ يۋان زياندى تارتىپ قالعاننان كەيىن 9 – ايدىڭ 20 – كۇنىنەن بۇرىن ارىزدانۋشىعا 120 مىڭ يۋان تولەۋگە كەلىسىم بەردى، ەكى جاقتاعى داۋگەر قولفون ارقىلى راقايلاستى ٴارى سۋديا حاليداعا العىستارىن ٴبىلدىردى. بۇل حاليدا ابىلەت سول كۇنى تۇستەن بۇرىن «بۇلتتىق سوت تەرگەۋى» جۇيەسى ارقىلى ۇكىم شىعارعان ءۇش دەلونىڭ ءبىرى ەدى. سوڭىندا مۇنىڭ ٴبارى جاراستىرۋ نەمەسە ارىزىن قايتارىپ الۋ ارقىلى شەشىم تاپتى.

    وبلىسقا توتە قاراستى ەكى دارەجەلى سوت مەكەمەسى ينفورماتسيالاندىرۋ، زەردەلىلەندىرۋ قۇرىلىسىن ارىز – شاعىمعا قىزمەت وتەۋدى دامىتۋدىڭ جاڭا قوزعاۋشى كۇشى ەتىپ، ساندى مالىمەتتەردى جوعارىعا قاراي شوعىرلاندىرىپ، قىزمەت وتەۋدى تومەنگە قاراي كەڭەيتىپ، «بۇلتتىق سوت تەرگەۋى» جۇيەسى ارقىلى جەلىدە سوت اشۋدى ۇدايىلاندىرىپ ورىستەتىپ، داۋگەردىڭ جەلىدە تايساپ تۇرۋدى ءوتىنىش ەتۋ، دالەل كورسەتۋ، كۋالاندىرۋ، بايانداۋ، سوتتا ايتىسۋ سياقتى ارىز – شاعىم ۇقىعىن تولىق قامتاماسىزداندىردى. توراپ ارقىلى سوت اشۋدىڭ جۇيەلىلەنۋىنە، زاڭدى، ٴتارتىپتى بولۋىنا كەپىلدىك ەتىپ، داۋگەردىڭ ۇيىنەن شىقپاي – اق «سوتتاسۋىن»، «بەتپە – بەت» كەلمەي، «بەينە ەكراندا» جۇزدەسۋدى جۇزەگە اسىردى.

جاۋاپتى رەداكتور: گۇلدەن ماقسات قىزى