ەل ءىشى ءىرى اينالىمى نەگىزگى تۇلعا بولعان، ەل ءىشى جانە حالىقارا سىندى قوس اينالىم ءوزارا ءبىرىن – ءبىرى جەبەيتىن جاڭا دامۋ جاعدايىن جەدەل قالىپتاستىرۋ كەرەك

  • كەلۋ قاينارى: ىلە گازەتى
  • 02:45:12 09/08/2020

 

     ج ك پ ورتالىق كوميتەتىنىڭ ساياسي بيۋروسى 7 – ايدىڭ 30 - كۇنى ءماجىلىس اشىپ، قازىرگى جاعدايعا تالداۋ جاساپ، زەرتتەۋ جۇرگىزىپ، سوڭعى جارتى جىلداعى ەكونوميكالىق قىزمەتتەردى ورنالاستىردى.

    ماجىلىستە مىنالار اتاپ كورسەتىلدى: كەزەكتەگى ەكونوميكالىق جاعداي ءالى دە كۇردەلى، ورنىقسىزدىق، تۇراقسىزدىق ءبىرشاما زور، ءبىز ءدوپ كەلىپ وتىرعان كوپتەگەن ماسەلەلەر ورتا، ۇزاق مەرزىمدىك ماسەلەلەر، مۇنى، ءسوزسىز، ۇزاققا سوزىلاتىن سوعىس تۇرعىسىنان تانىپ، ەل ءىشى ءىرى اينالىمى نەگىزگى تۇلعا بولعان، ەل ءىشى جانە حالىقارا سىندى قوس اينالىم ءوزارا ءبىرىن – ءبىرى جەبەيتىن، جاڭا دامۋ جاعدايىن جەدەل قالىپتاستىرىپ، ىندەتتەن ساقتانۋ – تىزگىندەۋ مەن ەكونوميكالىق، قوعامدىق دامۋ قىزمەتىنىڭ ورتا، ۇزاق مەزگىلدىك سايكەستىرۋ مەحانيزمىن ورناتىپ، قۇرىلىمدى رەتتەۋدىڭ ستراتەگيالىق باعىتىنان جازباي، كوبىنەسە عىلىم – تەحنيكادا جاڭالىق اشۋدى سۇيەنىش ەتىپ، ماكرولىق تىزگىندەۋدى پەريود اتتاپ جوبالاۋ جانە رەتتەۋ ارقىلى ورنىقتى ارتتىرۋ مەن حاۋىپ – قاتەردەن ساقتانۋدىڭ ۇزاق ۋاقىتتىق تەپە – تەڭدىگىن جۇزەگە اسىرۋ كەرەك.

    ءبىز ءدوپ كەلىپ وتىرعان كوپتەگەن ماسەلەلەردى نە ءۇشىن ورتا، ۇزاق مەرزىمدىك ماسەلەلەر دەيمىز؟ ەل ءىشى ءىرى اينالىمى نەگىزگى تۇلعا بولعان، ەل ءىشى جانە حالىقارا سىندى قوس اينالىم ءوزارا ءبىرىن – ءبىرى جەبەيتىن، جاڭا دامۋ جاعدايىن جەدەل قالىپتاستىرۋ كەرەك دەگەندى قالاي تۇسىنۋگە بولادى؟ ورنىقتى ارتتىرۋ مەن حاۋىپ – قاتەردەن ساقتانۋدىڭ ۇزاق ۋاقىتتىق تەپە – تەڭدىگىن قايتكەندە جۇزەگە اسىرۋعا بولادى؟ وسى ماڭىزدى تۇجىرىم، شەشىم، ورنالاستىرۋلار توڭىرەگىندە ءتىلشى قاتىستى ماماندارعا تىلشىلىك ىستەدى.

    ءبىز ءدوپ كەلىپ وتىرعان كوپتەگەن ماسەلەنى نەلىكتەن ورتا، ۇزاق مەرزىمدىك دەيمىز؟

    «ءبىرىنشى ءجۇز جىلدىق نىسانا تابىسپەن اياقتالاتىن، ‹14 – بەس جىلدىق› جوبا باستالاتىن ماڭىزدى تاريحي ساتتە، ماجىلىستە قىسقا مەرزىمدىك تياناقتاندىرۋعا، ورتا مەرزىمدىك جوبالاۋعا، ۇزاق مەرزىمدىك ورنالاستىرۋعا تەڭ ءمان بەرۋدەي ستراتەگيالىق تۇجىرىمنىڭ جاسالۋى، ەلىمىزدىڭ ەكونوميكالىق، قوعامدىق دامۋى جونىنەن كەلەلى ماڭىز الادى» دەدى جۇڭگو حالىق داشۋەسىنىڭ ورىنباسار باستىعى ليۋ يۋانچۇن.

    قازىر جانە بۇدان كەيىنگى ءبىر مەزگىلدە، ەلىمىزدىڭ دامۋى اۋەلگىسىندەي ستراتەگيالىق وراي مەزگىلىندە تۇرادى، الايدا وراي مەن سايىستىڭ بارلىعىندا تىڭ دامۋ وزگەرىسى بولادى.

    سىرتقى ورتادان كوز جىبەرگەندە، شەكارا سىرتىندا ىندەت جەدەل تارالىپ، ەكونوميكانىڭ جەر شارىلانۋىنا كەرى اعىن قاباتتاسىپ، كەيبىر ەلدەردە قورعانىمپازدىق پەن سىڭار جاقتىلىق ءورشي ءتۇستى. حالىقارالىق اقشا قور ۇيىمى مەن دۇنيە بانكەسىنىڭ بيىلعى الەمدىك ەكونوميكانىڭ ارتۋ قارقىنى جەكە – جەكە %4.9، %5.2 تومەندەيتىندىگىن مەجەلەگەن، بۇل ەكىنشى رەتكى دۇنيە جۇزىلىك سوعىستان كەيىنگى ەڭ اۋىر ەكونوميكالىق قۇلدىراۋ بولدى.

جاۋاپتى رەداكتور: گۇلدەن ماقسات قىزى