ەل ءىشى ءىرى اينالىمى نەگىزگى تۇلعا بولعان، ەل ءىشى جانە حالىقارا سىندى قوس اينالىم ءوزارا ءبىرىن – ءبىرى جەبەيتىن جاڭا دامۋ جاعدايىن جەدەل قالىپتاستىرۋ كەرەك

  • كەلۋ قاينارى: ىلە گازەتى
  • 02:45:12 09/08/2020

    جۇڭگو ماكرولىق ەكونوميكانى زەرتتەۋ اكادەمياسى بازار جانە باعا زەرتتەۋ ورنىنىڭ زەرتتەۋشىسى گو لييان بىلاي دەپ قارايدى: ەرەن بازار كولەمى باسىمدىعى __ ەلىمىزدىڭ الەمدىك باسەكە جاعدايىنا ات سالىسۋىنىڭ ماڭىزدى باسىمدىلىعى مەن شەشۋشى تىرەگى. تەك وراسان زور بازار كومەسكى كۇشىن ناقتى قاجەتكە اينالدىرىپ، وسىزاماندانعان ەكونوميكالىق جۇيە قۇرىلىسىن جەدەلدەتكەندە عانا، ەل ءىشى بازاراىنىڭ باۋرامدىلىعى مەن ىقپال قۋاتىن ۇزدىكسىز كۇشەيتۋگە بولادى.

    گو لييان بىلاي دەدى: «>ۇلكەندىك< >قۇدىرەتتىلىككە< ۋاكىلدىك ەتپەيدى، ٴبىراق >ۇلكەندىك< >قۇدىرەتتىلىكتىڭ< نەگىزى. قازىرگى قورعانىمپازدىق باس كوتەرگەن، الەم ەكونوميكاسى قۇلدىراعان، دۇنيە بازارىنىڭ تەبىنى باياۋلاعان جاعدايدا، تەك >ءىرى بازاردىڭ< بايلىق ابزالدىلىعىن >قۇدىرەتتى بازاردىڭ< حالىقارالىق ابزالدىعىنا اينالدىرعاندا عانا، ەل ءىشى ۇلكەن اينالىمدى گۇلدەندىرۋ، ىشكى ءىرى اينالىمدى ىركىلىسسىزدەندىرۋ ارقىلى ەلىمىز ەكونوميكاسىنىڭ دامۋىنا قوزعاۋشى كۇش ۇستەۋگە بولادى».

    ديالەكتيكالىق تۇرعىدان قاراعاندا، ەل ىشىندەگى زور اينالىمدى نەگىزگى تۇلعا ەتۋ، استە، ەسىكتى جاۋىپ العان تۇيىق اينالىم ەمەس. جاڭا جاعداي ىشكى سۇرانىستىڭ كومەسكى كۇشىن ساۋلەلەندىرۋ ارقىلى ىشكى بازار مەن حالىقارالىق بازاردى اناعۇرلىم ويداعىداي بايلانىستىرىپ، حالىقارالىق جانە ەل ءىشى سىندى ەكى بازاردان، ەكى ٴتۇرلى بايلىقتان اناعۇرلىم ويداعىداي پايدالانىپ. اناعۇرلىم قۋاتتى دا باياندى دامۋدى جۇزەگە اسىرۋ.

    ليۋ يۋانچۇن بىلاي دەدى: «بولاشاقتا ەلىمىزدىڭ قۇراتىنى قاراپايىم، شارتسىز اشىق جۇيە ەمەس، ٴتىپتى دە كوپ نەگىزدى، تەپە - تەڭ، حاۋىپسىز، جوعارى ٴونىمدى اشىق جۇيە. مۇنداي جاڭا جۇيە، ءسوزسىز، نەگىزى بەرىك تۇعىرعا، اتاپ ايتقاندا، ەل ىشىندەگى جوعارى ءونىمدى زور اينالىمعا سۇيەنۋى كەرەك».

    گو لييان جٶنىنەن العاندا، ىشكى اينالىستى نەگىز ەتكەن، ىشكى - سىرتقى اينالىمنىڭ ءبىرىن - ء بىرى جەبەۋى ديالەكتيكالىق بىرلىك قاتىناسى بولىپ تابىلادى. «ٴبىز كۇن سايىن قۇدىرەتتەنىپ كەلە جاتقان ىشكى بازاردى ستراتەگيالىق بايلىق رەتىندە قاراپ، اناعۇرلىم جوعارى دەڭگەيدەگى سىرتقا ەسىك اشۋدى ىلگەرىلەتۋدىڭ تىرەگى جانە سۇيەنىشى ەتۋىمىز كەرەك. سونىمەن بىرگە، اناعۇرلىم جوعارى دەڭگەيدەگى سىرتقا ەسىك اشۋدى ىلگەرىلەتۋ، ىشكى - سىرتقى بازاردىڭ دامۋى مەن ەرەجەلەردىڭ توعىسۋىن جەبەۋدىڭ ءوزى ىشكى بازاردى ونان ارى كۇشەيتۋدىڭ ماڭىزدى كەپىلى. ەلىمىزدىڭ جەر شارى كولەمىندە بايلىقتى ورنالاستىرۋ كەڭىستىگىن كەڭەيتۋىنە دە پايدالى».

    ورنىقتى ارتۋ مەن حاۋىپ - قاتەردەن ساقتانۋدىڭ ۇزاق ۋاقىتتىق تەپە - تەڭدىگىن قالاي جۇزەگە اسىرۋعا بولادى؟

    ەلىمىز ەكونوميكاسىنىڭ كومەسكى كۇشى جەتكىلىكتى، سەرپىندىلىگى كۇشتى، اينالىم كەڭىستىگى كەڭ، ساياسات جاعىنداعى تيىمدىلىك مول بولۋداي نەگىزگى ەرەكشەلىگى وزگەرگەن جوق، ەڭ ماڭىزدىسى كۇشتى شوعىرلاندىرىپ ٴوز ٴىسىمىزدى ويداعىداي ىستەۋىمىز كەرەك.

جاۋاپتى رەداكتور: گۇلدەن ماقسات قىزى