ەل ءىشى ءىرى اينالىمى نەگىزگى تۇلعا بولعان، ەل ءىشى جانە حالىقارا سىندى قوس اينالىم ءوزارا ءبىرىن – ءبىرى جەبەيتىن جاڭا دامۋ جاعدايىن جەدەل قالىپتاستىرۋ كەرەك

  • كەلۋ قاينارى: ىلە گازەتى
  • 02:45:12 09/08/2020

    - ٴبىر تۇتاس جوسپارلاۋدى ويداعىداي ىستەپ، سايكەستىرۋ مەحانيزمىن ورناتىپ، ىندەتتىڭ الدىن الۋ، تىزگىندەۋ جانە ەكونوميكالىق، قوعامدىق دامۋ سىندى ەكى جاقتى تەڭ الىپ ءجۇرۋ.

    ەل بويىنشا جوعارىدان تومەنگە دەيىن ورتاق كۇش سالۋدىڭ ارقاسىندا ەلىمىز ىندەتتەن ساقتانۋ - تىزگىندەۋدە قىسقا ۋاقىت ىشىندە كەلەلى ستراتەگيالىق تابىستارعا قول جەتكىزىلىپ، ەكونوميكانىڭ، قوعامنىڭ قالىپتى ٴتارتىبى بىرتىندەپ قالپىنا كەلىپ، سوڭعى جارىم جىلدا جالعاستى قالپىنا كەلۋىنە بەرىك نەگىز قالاندى. الايدا، بۇكىل جەر شارىندا ىندەت جاعدايى ءالى دە ءۇرتىس ءورشۋ ۇستىندە بولعاندىقتان، ەلىمىزدە «سىرتتان ەنۋدەن، ىشتەن ورشۋدەن ساقتانۋ» قىسىمى ورىن تەۋىپ وتىر.

    «ماجىلىستە ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىنىڭ ورتا، ۇزاق مەرزىمدىك سايكەستىرۋ مەحانيزمىن ورناتۋ العا قويىلىپ، بازارعا بەلسەندى سيگنال تاراتىلدى، بۇل ويداعىداي ورنىقتىرۋ رولىن اتقارادى». ياڭ گۋاڭپۋ تالداۋ جاساپ بىلاي دەدى: الدىڭعى جارتى جىلدا حالىقتىق قارجى قوسۋ وتكەن جىلدىڭ ۇقساس مەزگىلىندەگىدەن %7.3 تومەندەدى. تومەندەۋ مولشەرى 1 ـ ايدان 5 ـ ايعا دەيىن 2.3 پايىز ازايعان، ٴبىراق بۇكىل ەلدەگى تۇراقتى مۇلىككە قوسىلعان قارجىنىڭ ارتۋ قارقىنىنان 4.2 پايىز تومەن بولعان. «ورتا، ۇزاق مەرزىمدىك سايكەستىرۋ مەحانيزمى جوباسىنىڭ شىعارىلۋى دالمە ـ دال ساقتانۋ، تىزگىندەۋ شارالارى ۇزدىكسىز كەمەلدەندىرىلىپ، ىندەت جاعدايىنىڭ كاسىپورىنداردىڭ ٴوندىرىس تيجاراتىنا جەتكىزەتىن ىقپالى ەڭ جوعارى شەكتە جەڭىلدەتىلەدى».

    - رەفورما ادىسىنەن پايدالانىپ، عىلىم ـ تەحنيكادا جاڭالىق اشۋعا سۇيەنىپ، كونە، جاڭا قوزعاۋشى كۇشتىڭ الماسۋىن جەدەلدەتۋ.

    بيىل الدىڭعى جارتى جىلدا ەلىمىزدىڭ جوعارى تەحنيكالى كاسىپتەرگە قوسقان قارجىسى وتكەن جىلدىڭ ۇقساس مەزگىلىندەگىدەن %6.3 ارتتى، ەلەكتروندىق ساۋدا قىزمەت وتەۋ كاسىبىنە قوسىلعان قارجى %32 ارتتى، عىلىم - تەحنيكا جەتىستىكتەرىن وندىرگىش كۇشكە اينالدىرۋ قىزمەت وتەۋ كاسىبىنە قوسىلعان قارجى %21.8 ارتتى...... اناعۇرلىم كوپ كاسىپورىن قاتەردى ورايعا اينالدىرىپ، جەتەرسىزدىكتەردى تولىقتاپ، ءالسىز بۋىنداردى بەكەمدەپ، ەكونوميكانىڭ ۇزدىكسىز ارتۋىنا نەگىز قالاۋمەن بىرگە، ەكونوميكالىق قۇرىلىمنىڭ ۇزدىكسىز ساپالىلانۋىنا اناعۇرلىم دەم بەرىپ، جوعارى ساپالى دامۋدىڭ تەز، ورنىقتى بولۋىنا مۇمكىندىك جاسادى.

    ياڭ گۋاڭپۋ «ىندەت جاعدايى كەيبىر سالالارداعى كاسىپورىندارعا سوققى بولىپ تيۋمەن بىرگە، كوپتەگەن كاسىپورىنداردى ىرىقتى تۇردە وزگەرىسكە ۇمتىلىپ، تيپىن وزگەرتىپ، دارەجەسىن جوعارىلاتۋدى جەدەلدەتۋگە ماجبۇرلەدى. قۇرىلىمدى رەتتەۋدىڭ ستراتەگيالىق باعىتىنا تاباندى بولىپ، عىلىم - تەحنيكادا جاڭالىق اشۋعا سۇيەنگەندە عانا، جاڭا، كونە قوزعاۋشى كۇشتىڭ الماسۋىن جەدەلدەتۋگە بولادى»، ـ دەدى.

    - ستراتەگيالىق تاباندىلىقتى ساقتاپ، كوز الداعىنى مەن بولاشاققا تەڭ ٴمان بەرىپ، ورنىقتى ارتتىرۋ مەن حاۋىپ ـ قاتەردەن ساقتانۋدىڭ ۇزاق ۋاقىتتىق تەپە ـ تەڭدىگىن جۇزەگە اسىرۋ كەرەك.

جاۋاپتى رەداكتور: گۇلدەن ماقسات قىزى