ءۇرىمجى قالاسىندا دياگنوزى تۇراقتاندىرىلعان تاعى 47 ناۋقاس ساۋىعىپ شيپاحانادان شىقتى

  • كەلۋ قاينارى: شينجياڭ گازەتى تورابى
  • 09:10:23 11/08/2020

   

    بۇل وسى رەتكى ىندەتتەن بەرگى ءبىر كۇندە شيپاحانادان شىققان ادام سانى ەڭ كوپ ءبىر كۇن بولدى

 

    گازەتىمىزدىڭ جالپىلىق اقپارات قۇرالدارى ءتىلشىسى چاۋ جين 8 - ايدىڭ 9 - كۇنى ۇرىمجىدەن حابارلايدى. مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى مەن اۆتونوميالى رايونداعى ەمدەۋ - قۇتقارۋ ماماندارىنىڭ بىرلەسىپ دياگنوز قويۋىنان، ساراپتاۋىنان كەيىن، 8 - ايدىڭ 9 - كۇنى ءۇرىمجى قالاسىندا تاعى دياگنوزى تۇراقتاندىرىلعان 47 ناۋقاس مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋىنا شالدىعىپ دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەندىكتەن، ساۋىعىپ شيپاحانادان شىقتى، بۇل وسى رەتكى ىندەت باستالعاننان بەرگى ءبىر كۇندە شيپاحانادان شىققان ادام سانى ەڭ كوپ ءبىر كۇن. سول كۇنى تاعى اۋرۋ بەلگىسى جوق 7 جۇعىمدالۋشى مەديتسينالىق باقىلاۋدان بوساتىلدى. قازىرگە دەيىن، دياگنوزى تۇراقتاندىرىلعان 185 ناۋقاس ساۋىعىپ، شيپاحانادان شىعىپ، اۋرۋ بەلگىسى جوق 78 جۇعىمدالۋشى مەديتسينالىق باقىلاۋدان بوساتىلىپ، جالپى سانى 263 بولدى.

    اۆتونوميالى رايون جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ، ەمدەۋگە بەلگىلەنگەن شيپاحانانىڭ بىرلەسكەن ەمدەۋ ىستەرى ءبولىمىنىڭ مەڭگەرۋشىسى لەي ۋي بىلاي دەپ تانىستىردى: 8 - ايدىڭ 9 - كۇنى شيپاحانادان شىققان ناۋقاستاردىڭ 40ى جاي تيپتى ناۋقاس، جەتەۋى جەڭىل تيپتى ناۋقاس. ناۋقاستار شيپاحاناعا اكەلىنگەن سوڭ، ماماندار گرۋپپاسى مەن ەمدەۋ - كۇتىمدەۋ توبىنىڭ بار كۇشپەن قۇتقارىپ - ەمدەپ، دەن قويا كۇتىمدەۋىندە اۋرۋ جاعدايى ۇزدىكسىز جاقسارىپ، تىنىس جولىنداعى اۋرۋ قوزدىرعىشتاردىڭ نۋكلەين قىشقىلىن تەكسەرۋدە ۇدايى 2 رەتتەن ارتىق بولىمسىز ناتيجە كورسەتىپ، ءتۇرلى حيميالىق تەكسەرۋ كورسەتكىشتەرى، وكپە ءبولىمىنىڭ كەسكىنى، دەنە تەمپەراتۋراسى تۇگەلدەي قالىپتى بولىپ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ «جاڭا تيپتى ايدارشا ۆيرۋس وكپە قابىنۋىنا دياگنوز قويۋ جانە ونى ەمدەۋ جوباسىنداعى (سىناق رەتىندە اتقارىلاتىن 7 - نۇسقانىڭ تۇزەتىلگەن نۇسقاسى)» دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەن.

جاۋاپتى رەداكتور: گۇلدەن ماقسات قىزى