10 نەشە ولكە، قالانىڭ ەل ىشىندەگى بىرەگەي ماماندارى رايونىمىزدا قۇتقارۋ - ەمدەۋ قىزمەتىنە جەتەكشىلىك ەتتى

  • كەلۋ قاينارى: شينجياڭ گازەتى تورابى
  • 09:12:01 11/08/2020

 

    گازەتىمىزدىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 8 - ايدىڭ 9 - كۇنى ۇرىمجىدەن حابارلايدى. 8 - ايدىڭ 9 - كۇنى اۆتونوميالى رايوندىق ۇكىمەتتىڭ اقپارات كەڭسەسى اشقان ىندەتتەن ساقتانۋ - تىزگىندەۋ قىزمەتىنەن اقپار جاريالاۋ ماجىلىسىنەن ۇعىسۋىمىزشا، مەملەكەتتىك ماماندار گرۋپپاسى مەن اۆتونوميالى رايوننىڭ ەمدەۋ - كۇتىمدەۋ قىزمەتكەرلەرىنىڭ قۇلشىنۋىندا، رايونىمىز جاڭا تيپتى ايدارشا ۆيرۋس وكپە قابىنۋى ناۋقاستارىن مەديتسينالىق قۇتقارۋ - ەمدەۋ قىزمەتىندە بەلسەندى ناتيجەلەرگە قول جەتكىزگەن.

    ۇرىمجىدە جاڭا تيپتى ايدارشا ۆيرۋس وكپە قابىنۋ ىندەتى قايتادان تۋىلعاننان كەيىن، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى دەر كەزىندە بەيجيڭ، جياڭسۋ، حۋبەي، سىچۋان، گۇيجوۋ، گانسۋ، گۋاڭدۇڭ، حيلۇڭجياڭ، شاڭحاي، لياۋنيڭ، حۋنان، شاندۇڭ قاتارلى تۋىسقان ولكە، قالالاردان ەل ىشىندە بىرەگەي ورەدەگى، ىندەتكە قارسى اتتانۋ ناقتى شايقاس تاجىريبەسى مول مامانداردى جيناپ، مەديتسينالىق قۇتقار ۋ - ەمدەۋ ماماندار گرۋپپاسىن ۇيىمداستىرىپ، شينجياڭعا كەلىپ قۇتقارۋ - ەمدەۋ قىزمەتىنە جەتەكشىلىك ەتتى، ات سالىستى.

    اۆتونوميالى رايون ۇزدىك مامانداردى ورنالاستىرىپ، مەملەكەتتىك ماماندار گرۋپپاسىمەن بىرگە بىرلەسكەن ماماندار گرۋپپاسىن قۇرىپ، جاڭا تيپتى ايدارشا ۆيرۋس وكپە قابىنۋ ناۋقاستارىن جەدەل قۇتقارۋ - ەمدەۋ ورىستەتۋگە بار كۇشپەن جەتەكشىلىك ەتتى. اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابى 25 ەمدەۋ قۇرىلىمىنىڭ 33 ەمدەۋ اترەتىن جيناپ، جيىنى 1850 ادامدى بەلگىلەنگەن شيپاحانادا قۇتقارۋ - ەمدەۋ ورىستەتۋگە ورنالاستىردى ءارى كەيىنگى كەزەكتەگى زاپاس اترەتتى دايىندادى، قازىر جەكەلەردى ساقتانۋ - قورعانۋعا باۋلۋ اياقتالدى، كەز كەلگەن ۋاقىتتا بۇيرىق كۇتىپ تۇر.

    مۇنان سىرت، ءۇرىمجى قالاسى نۋكلەين قىشقىلىن تەكسەرۋ قۋاتىن كۇنىنە 800 نەشە مىڭ ادامعا (دانا) جىلدام جوعارىلاتىپ، ”تەكسەرۋگە تيىستىلەرىن تۇگەل تەكسەرۋگە، تەكسەرتۋدى قالايتىندارىن تۇگەل تەكسەرۋگە“ شىنايى كەپىلدىك ەتتى.

جاۋاپتى رەداكتور: گۇلدەن ماقسات قىزى