ەكولوگيالىق وركەنيەت ساۋلەسى كورىكتى جۇڭگونى نۇرلاندىردى

  • كەلۋ قاينارى: ىلە گازەتى
  • 03:32:14 19/08/2020

 

    − تۇنىق سۋ، جاسىل تاۋ − باعالى بايلىق ۇستانىمى ورتاعا قويىلعاندىعىنىڭ 15 جىلدىعى بايلانىسىمەن

 

    شىلىڭگىر جازداعى يۇيسۇن قىستاعى ماساتىداي قۇلپىرىپ تۇر، ساياحاتشىلاردىڭ قاراسى مول، جياڭناننىڭ تاماشا كورىنىسى كوز تارتادى.

    2005 - جىلى 8 - ايدىڭ 15 - كۇنى جىجياڭنىڭ سولتۇستىگىندەگى وسىناۋ شاعىن تاۋلى قىستاقتا سول كەزدە جىجياڭ ولكەلىك پارتكومنىڭ شۋجيى مىندەتىندەگى شي جينپيڭ جولداس: تۇنىق سۋ، جاسىل تاۋ − باعالى بايلىق دەگەن ماڭىزدى تۇجىرىمىن ورتاعا قويدى .

    15 جىلدىق جاسىل دامۋ امالياتى وسى تۇجىرىمنىڭ تەرەڭ ءمانىن جاندى ءتۇسىندىردى. بۇگىنگى تاڭدا تۇنىق سۋ، جاسىل تاۋ − باعالى بايلىق ۇستانىمى بۇكىل پارتيانىڭ، بۇكىل قوعامنىڭ ورتاق تانىمىنا جانە ارەكەتىنە اينالىپ، جاڭا ءداۋىردىڭ جاسىل ءتۇستى سۇلۋ سۋرەتى كورىكتى جۇڭگودا كەڭىنەن كەرەگە جايىپ كەلەدى!

    ەكولوگيانى قورعاعاندىق وندىرگىش كۇشتى دامىتقاندىق. «تۇنىق سۋ، جاسىل تاۋ − باعالى بايلىق» ۇستانىمى جۇڭگو ەكونوميكاسىنىڭ، قوعامىنىڭ جاسىلءتۇستى وزگەرىسىنە جەتەكشىلىك ەتتى

    يۇيسۇن قىستاعىنداعى چۇنلين ساياجايىنىڭ قوجايىنى فان چۇنلين بىرنەشە كۇننەن بەرى قاربالاس بولىپ ءجۇر. تولاسسىز كەلىپ جاتقان ساياحاتشىلارعا جەتكىلىكتى جەرگىلىكتى قۋىرماش دايىنداۋى كەرەك: بامبۋك سۇيرىگى، جەرگىلىكتى تاۋىق، تۇزعا توعىتىلعان ەت... بارلىعى نەگىزىنەن قىستاقتىڭ ەرەكشە ونىمدەرى.

    «بۇرىن مەن كەندە تراكتورشى بولاتىنمىن، كەن جابىلعان سوڭ قىستاقتا ءبىرىنشى بولىپ حالىقتىق تۇسەلحانا اشتىم، تابىسىم نەشە 10 ەسەلەنگەندى بىلاي قويعاندا، ەسىكتى اشىپ قالساڭ الدىڭنان اينالاسى تۇگەل جاپ - جاسىل تاۋ كورىنىپ، كوڭىل سارايىڭ اشىلىپ سالا بەرەدى». وتكەندى ەسكە العان ول ءوزىنىڭ ەرتە كەزدەن - اق «ساۋدانىڭ ەبىن تاۋىپ» حالىقتىق تۇسەلحانا شارۋاشىلىعىمەن اينالىسقانىن ايتىپ ءبىر ماقتانىپ، سول جىلدارى قىستاقتاعى كەننىڭ جابىلىپ قالعانىنا ىشتەي ءدان ريزا بولدى.

    يۇيسۇن قىستاعى جىجياڭ ولكەسى حۋجوۋ قالاسى انجي اۋدانى تيانحۋاڭپيڭ قالاشىعىندا، 2005 - جىلدان بۇرىن بۇل جەردە سەمەنت زاۆودى، تاس الاڭى دەگەندەر كوپ بولاتىن دا، شاڭى اسپانعا شىعىپ جاتاتىن. ال بۇل كۇندەرى يۇيسۇن قىستاعى ادامداردىڭ اياعى ۇزىلمەيتىن 4A دارەجەلى كورىنىس وڭىرىنە اينالدى. شاعىلىپ كوشىرىلگەن سەمەنت زاۆودىنىڭ ورنى قايتا يگەرىلىپ مىڭ بوياۋلى ەگىنجايعا وزگەردى، قىستاقتاعى اينالىمعا سالىنعان 500 نەشە مۋ جەر قىشى اتىزىنا، شامگۇل كولشىگىنە اينالىپ، ءتورت ماۋسىمدا دا كوركەم كورىنىسكە ورانىپ جاتادى.

جاۋاپتى رەداكتور: گۇلدەن ماقسات قىزى