جاڭا قونىستاعى جاڭا تىرلىك

  • كەلۋ قاينارى: ىلە گازەتى
  • 03:37:03 19/08/2020

  

    _ شىباراعاش قىستاعىنىڭ كەدەيلىكتەن ارىلۋى جايىندا

    ءباتيما (ءوز ءتىلشىمىز)

 

    قونىس جاڭالاۋ — كەدەي بۇقارانىڭ سەرپىلە دامۋىن جۇزەگە اسىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدەگى ماڭىزدى جول. تاياۋ جىلداردان بەرى قورعاس اۋدانى ساربۇلاق قالاشىعى شىباراعاش قىستاعى نازاردى «كوشىرۋ، ورنىقتىرۋ، اۋقاتتاندىرۋ» نىساناسىنا شوعىرلاندىرىپ، «كەدەيلىك لاشىعىنان كوشىپ شىعۋ» مەن «جارىتپايتىن كاسىپكە جارماسىپ الماۋدى» بىرگە ورىنداۋدان، بەيقۇت ۇيدە وتىرۋ مەن كاسىپتى دامىتۋعا تەڭ ءمان بەرۋدەن، قونىس جاڭالاۋ مەن كەدەيلىكتەن ارىلتۋدى قاتار جۇرگىزۋدەن جازباي، كەدەيلىكتەن ارىلتىپ، اۋقاتتاندىرۋدىڭ جاڭا جولىن بىرتىندەپ قاراستىردى.

    تاۋ قويناۋىنا قوش ايتۋ

    8 - ايدىڭ 5 - كۇنى قىستاق تۇرعىنى دوعدىرباي ءالىمعازى ۇلى جاڭا ۇيىنە كەلىپ، نان جابۋعا كىرىستى، تازا دا رەتتى اس ءۇيى انە، قۇبىر سۋى، گاز وشاعى سياقتىلار تولىق. اۋلادا كوكونىس ەگىلىپ، جەمىس اعاشتارى وسىرىلگەن.

    «جاڭا تۇرمىستان يگىلىكتەندىم، بۇرىنعىداي كۇن كەلمەسىن» دەيدى دوعدىرباي. بۇرىنعى تاۋداعى ءۇيى قالاشىقتان 20 نەشە كيلومەتر قاشىقتىقتا ەدى، قاتىناس، ەمدەلۋ دەگەندەردىڭ بارلىعى قولايسىز بولاتىن. ءبىر جىلى جازدىڭ ءبىر كەشىندە جاڭبىر جاۋىپ تۇردى، دوعدىربايدىڭ شەشەسى اۋىرىپ قالدى، قالاشىق ەمحاناسى اۋداندىق شيپاحاناعا بۇيىردى، دوعدىرباي شەشەسىن الىپ تاۋ جولىمەن تۇندەلەتىپ 5 ساعاتتان استام جول ءجۇرىپ اۋدان ورتالىعىنا جەتكىزدى. باقىتقا جاراي شەشەسى جازىلىپ شىقتى، الايدا وسى ءىس دوعدىربايدىڭ كوڭىل تۇكپىرىنە كولەڭكەسىن ءتۇسىردى. ول تىلشىگە: «ەگەر سول ءتۇنى كەشتە شەشەمنەن ايرىلىپ قالسام، ءومىر بويى وكىنىش ارقالاپ وتەر ەدىم» دەدى.

    2017 - جىلى دوعدىرباي وتباسى قونىس جاڭالاۋ ساياساتى ارقىلى بەيقۇت ۇيگە كوشىپ كىردى، تۇرمىسى جاقسارىپ، ەمدەلۋى قولايلى بولدى. جاڭا قونىستاعى جاڭا تۇرمىسى ءسوز بولعاندا ول قۋانىشتان ەزۋىن جيا الماي بىلاي دەدى: «پارتيانىڭ كەدەيلەردى سۇيەمەلدەۋ ساياساتى قانداي جاقسى بولدى، تاۋ قويناۋىنان شىعام دەگەن ءوڭ تۇرماق تۇسىمدە دە جوق ەدى، جاڭا قونىسقا كەلگەن سوڭ تانىمىمدا جاڭا بۇرىلىس بولدى».

جاۋاپتى رەداكتور: گۇلدەن ماقسات قىزى