قايتالاي ەگىلگەن سۇلى شارۋالار كىرىسىن ارتتىردى

  • كەلۋ قاينارى: ىلە گازەتى
  • 07:46:00 19/08/2020

    

 

سۋرەتتە: جايقالعان سۇلى اتىزى

    دان جۇنگاڭ فوتوسى

    ەرىكتى ءتىلشى دان جۇنگاڭ توعىزتاراۋدان حابارلايدى. بيىل توعىزتاراۋ اۋدانى قوي فەرماسى رايونى قىزىلشىلىك الەۋمەتتىك اۋماعى جۇرتشىلىقتى ەرەكشە داقىلداردى قايتالاي ەگۋگە جەتەلەپ، جەردەن پايدالانۋ شاماسىن جوعارىلاتۋ ارقىلى كىرىستى ارتتىردى.

    بۇل الەۋمەتتىك اۋماقتا قازىر 5 مىڭ 800 مۋدان استام ەگىستىك جەر بار، مۇندا ءبيداي ەگىلەتىن اۋماق 2 مىڭ مۋدان اسادى. ەگىستىك جەر سورتاڭ، توپىراق قۇنارى جەتەرسىز بولعاندىقتان، سويا بۇرشاق، مايلى شەكىلدەۋىك سياقتى داقىلداردى قايتالاي ەگۋدىڭ ءونىمى ايتارلىقتاي بولمايدى، ءار جىلى ءبيداي الىنىپ بولعاننان كەيىن كوپتەگەن ەگىستىك جەر بوس قالاتىن. بيىل قىستاق تۇرعىنى مۋ ي - جۇن الەۋمەتتىك اۋماق كادرلارىنىڭ جەتەكشىلىگىندە ءۇرىمجى قالاسىنداعى ءبىر سەرىكتىكپەن كەلىسىمگە كەلىپ، 70 مۋ جەرگە سىناق رەتىندە سۇلى ەگەدى. سۇلىنىڭ وسۋىنە 3 ايدان استام ۋاقىت جەتەدى. سۇلىنىڭ ءوسۋ جاعدايىنان قاراعاندا، 10 - ايدا مۋ ي - جۇن 40 مىڭ يۋانعا جۋىق كىرىس كىرگىزەدى ەكەن. بۇل الەۋمەتتىك اۋماق قازىر سۇلى ەگۋ كولەمىن ءتىپتى دە كەڭەيتىپ، بۇقارانىڭ كىرىسىن ارتتىرۋدى جوسپارلاپ وتىر.

    

جاۋاپتى رەداكتور: گۇلدەن ماقسات قىزى