زاڭ اتقارۋ تەبىنىن كۇشەيتىپ، ىندەتتەن ساقتانۋ – تىزگىندەۋ قورعانىس شەبىن بەكەمدەدى

  • كەلۋ قاينارى: ىلە گازەتى
  • 03:31:59 22/08/2020

 

    ەرىكتى ءتىلشى امان احىمەتبەك ۇلى حابارلايدى. تاياۋدا وبلىستىق دەنساۋلىق ساقتاۋ، جوسپارلى تۋىتتى جالپىلىق باقىلاۋ، زاڭ اتقارۋ مەكەمەسىندەگى بارلىق پارتيالى كادر الدىڭعى شەپكە شىعىپ، كۇش بىرىكتىرە وتىرىپ «بىرلەسىپ قورعانۋ ساقتانۋ – تىزگىندەۋ تورىن» بەرىك توقىپ، جۇرتشىلىقتىڭ سالاماتتىق حاۋىپسىزدىگىنە كەپىلدىك ەتىپ، ىندەتتەن ساقتانۋ – تىزگىندەۋدىڭ ءبىرىنشى شەبىندە پارتيا تۋىن اسقاق جەلبىرەتتى.

    بۇل مەكەمەدەگى 4 كادر تاياۋدا وبلىستىق دوستىق شيپاحاناسىنا جانە وبلىستىق شينحۋا شيپاحاناسىنا بارىپ، شيپاحاناداعى ەمدەۋ جاراقسىز جابدىقتارىن جيىپ الۋ، ىشكى جاقتا تاسىمالداۋ، ۋاقىتشا ساقتاۋ، جوعارىعا تاپسىرۋ سياقتى بۋىندارعا تەكسەرۋ جۇرگىزدى، ورىن تەپكەن ماسەلەلەرگە ناق مايداندا پىكىر بەردى ءارى دەرەۋ وزگەرتۋگە بۇيرىق ءتۇسىردى، سونىمەن بىرگە، شيپاحانادان ىندەتتەن ساقتانۋ – تىزگىندەۋ مەزگىلىندەگى دەنساۋلىق ساقتاۋ تالاپتارىنىڭ قاتاڭ اتقارىلۋىن تالاپ ەتتى.

    وبلىستىق انا – بالالار دەنساۋلىعىن قورعاۋ شيپاحاناسىندا زاڭ اتقارۋشى كادرلار شيپاحاناداعى كىرۋ – شىعۋ ەسىگىنىڭ، ادەتتەگى امبولاتوريا مەن شۇعىل قۇتقارۋ ءبولىمىنىڭ بولىنگەن - بولىنبەگەنى؛ ەسكەرتۋ بەلگىلەرىنىڭ ايقىن، ايقىن ەمەستىگى؛ زاپاس دياگنوز قويۋ ءبولىمىنىڭ بار – جوقتىعى؛ اۋاشالاپ تەكسەرۋ ءبولىمىنىڭ، ەمدەۋ قىزمەتكەرلەرىنىڭ دەربەس قىزمەت وتەۋ رايونىنىڭ، ەمدەۋ قىزمەتكەرلەرىنىڭ ارناۋلى جولىنىڭ بار – جوقتىعى سياقتىلارعا ءتۇيىندى باقىلاۋ، تەكسەرۋ جۇرگىزدى.

    زاڭ اتقارۋشى كادرلار جانە دە وبلىستىق جۇڭگوشا ەمدەۋ شيپاحاناسىندا تۇماۋ، الدىن الا تەكسەرىپ دياگنوز قويۋ، قىزۋ امبولاتورياسى، جۇڭگوشا دارىلەردى قايناتۋ، شيپاگەر - سەسترالاردىڭ تۇرمىس رايونىنىڭ دەزينفەكسيالانۋى جانە تۇرمىستى قامتاماسىزداندىرۋ سياقتى قىزمەت بۋىندارىنا باقىلاۋ، تەكسەرۋ جۇرگىزدى.

جاۋاپتى رەداكتور: گۇلدەن ماقسات قىزى