شىحىزى ەكونوميكالىق، تەحنيكالىق اشۋ رايونى سوماسى 15 ميلليارد يۋاننان استام 5 نىسانعا بۇلتتا قول قويدى

  • كەلۋ قاينارى: شينجياڭ گازەتى تورابى
  • 09:39:01 24/08/2020

 

    گازەتىمىزدىڭ جالپىلىق اقپارات قۇرالدارى ءتىلشىسى ۋاڭ يۇڭفي 8 - ايدىڭ 22 - كۇنى ۇرىمجىدەن حابارلايدى. ءتىلشىنىڭ شىحىزى ەكونوميكالىق - تەحنيكالىق اشۋ رايونىنان ۇعىسۋىنشا، 8 - ايدىڭ 22 - كۇنى مەملەكەت دارەجەلى شىحىزى ەكونوميكالىق - تەحنيكالىق اشۋ رايونى ساۋداگەر شاقىرىپ، قارجى ەنگىزۋ ءتۇيىندى نىساندارىنا ”بۇلتتا قول قويۋ“ ءتاسىلى ارقىلى 5 نىسانعا ءساتتى تۇردە قول قويىسىپ، قول قويىسقان سوماسى 15 ميلليارد 40 ميلليون يۋانعا جەتكەن، قول قويىسقان نىساندارى مادەنيەت، ساياحات، جىنتىكتى حيميا ونەركاسىبى، جاڭا ماتەريالدار، دارىندى بايلىعى سياقتى كاسىپ سالالارىن قامتىعان.

    بيىل وسى اشۋ رايونى مەملەكەت دارەجەلى جوعارى، جاڭا تەحنيكا رايونىن، مەملەكەت دارەجەلى اۋىل شارۋاشىلىعى عىلىم - تەحنيكا باقشا رايونىن جانە شىحۋتان جاڭا ماتەريالدار كاسىپ سالاسى باقشا رايونىن ءبىر تۇتاس بىرىكتىرىپ، نازاردى نەگىزگى مىندەتكە، نەگىزگى كاسىپكە اناعۇرلىم شوعىرلاندىرىپ، ساۋداگەر شاقىرىپ قارجى ەنگىزۋ، نىسانداردى تياناقتاندىرۋ جانە كاسىپورىنعا قىزمەت وتەۋ قىزمەتتەرىن بارىنشا ورىستەتەدى. ىندەت ىقپالىنا قاراتا، اشۋ رايونى شىحىزىعا كەلىپ قارجى قوسىپ كاسىبىن گۇلدەندىرگەن كاسىپورىندارعا ”جاسىل ارنا“ اشىپ، نىسانداردىڭ تياناقتانۋىن، كاسىپورىننىڭ دامۋىن اناعۇرلىم پارمەندى قولداۋمەن، قامتاماسىز ەتۋمەن جانە قىزمەت وتەۋمەن قامدايدى.

    بيڭتۋان 8 - شىسىنىڭ ورىنباسار باستىعى، شىحىزى ەكونوميكالىق، تەحنيكالىق اشۋ رايونى پارتيا قىزمەت كوميتەتىنىڭ شۋجيى حوۋ گوجۇن بىلاي دەدى: قاشىقتان ينتەرنەت جەلىسىندە جۇمىس ءبىتىرۋ، كەمىن كەيىن تولىقتاۋعا جول بەرۋ سياقتى تاسىلدەر ارقىلى تەكسەرىپ بەكىتۋ ءتارتىبىن ىقشامداپ، ”بۇلتتا قول قويعان“ نىسانداردىڭ تياناقتانۋى بارىسىنداعى قيىنشىلىقتار مەن ماسەلەلەردى دەر كەزىندە شەشىپ، نىسان قۇرىلىستارىنىڭ ءساتتى جۇرىلۋىنە كۇش سالا شىنايى كەپىلدىك ەتەدى.

جاۋاپتى رەداكتور: گۇلدەن ماقسات قىزى