چاپچالدىڭ ورىك ونىمدەرى ەلەكتروندىق ساۋدانىڭ كومەگىندە ەلىمىزدىڭ جەر - جەرىنە ساتىلدى

  • كەلۋ قاينارى: ىلە گازەتى
  • 03:37:39 28/08/2020

    ٴتىلشى وسى سەرىكتىكتەن 10 نان استام جۇمىسشىنىڭ ٴوندىرىس سەحىندا ورىك جەلىلەس ونىمدەرىن ٴوندىرۋ، قوراپتاۋ جۇمىسىمەن ابىگەرلەنىپ جاتقانىن كوردى. وسى سەرىكتىكتىڭ باس ديرەكتورى جوۋ ليشين: «جۇمىسشىلار وندىرگەن وسى توپتاعى زاتتار شاڭحايعا جونەلتىلەدى. جۋىقتان بەرى ونىممەن قامداۋ قاجەتسىنۋدى قاناعاتتاندىرا المادى، ٴبىر قاريدار ٴبىر رەتتىڭ وزىندە 3 مىڭ 72 جاشىك تاپسىرىس بەرگەندىكتەن، جۇمىسشىلاردىڭ ۇستەمەلەپ جۇمىس ىستەپ وندىرۋىنە، قوراپتاۋىنا تۋرا كەلدى، زات تەز ارادا قاريدارعا جونەلتىلەدى» دەدى.

    قامبانىڭ ساقتاۋ بولمەسىندە قاربالاس جۇرگەن سەح مەڭگەرۋشىسى ۋاڭ حۇڭ تىلشىگە بىلاي دەدى: «ٴتورتسۇمىن اۋىلى ٴتورتسۇمىن قىستاعىنان كەلگەمىن، وتباسىمدا 5 جان، 8 مۋ جەر بار، بۇرىن تۇرمىسىمىز تىم جۇپىنى بولاتىن، قىستاق تۇرعىندار كوميتەتى وتباسىمىزعا ەڭ تومەنگى تۇرمىستى قامتاماسىزداندىرۋ رەسمياتىن ٴبىتىرىپ بەردى». ول قىستاق كادرلارىنىڭ تانىستىرۋىمەن 2017 – جىلى 10 – ايدا وسى سەرىكتىككە كەلىپ قوراپتاۋ جۇمىسشىسى بولىپ ىستەگەن، قىزمەتتەگى بەلسەندىلىگىمەن سەح مەڭگەرۋشىسى بولىپ مىندەت اتقارىپ، ايلىق ەڭبەكاقىسى 5 مىڭ يۋاننان اسىپ، بيىل ەڭ تومەنگى تۇرمىستى قامتاماسىزداندىرۋدان ىرىقتىلىقپەن شەگىنگەن. ول: «قۇلشىنساڭ عانا تۇرمىسىڭ جاقسارا تۇسەدى» دەدى.

    جوۋ ليشين: «قاريدارلاردىڭ تاپسىرىسى جىل باسىنان بەرى تولاستامادى، كۇنىنە 50 – 70 مىڭ يۋان ٴونىم قۇنى جاراتىلدى. 5 – ايدىڭ 10 – كۇنى سەرىكتىكتىڭ ونىمدەرى 832 كەدەي اۋداننىڭ توراپتاعى ساتۋ تەكشەسى - <كەدەيلەردى سۇيەمەلدەۋ 832 تەكشەسىنە> شىعارىلدى. جەلىگە شىعارىلىسىمەن تاپسىرىس تولاستامادى، تەك جارتى ايدىڭ ىشىندە 200 مىڭ يۋاندىق ورىك جەلىلەس ونىمدەرى ساتىلسا، 8 – ايداعى 10 كۇن ىشىندە 500 مىڭ يۋاندىق ٴونىم ساتىلدى، قازىر ورتاڭعى كۇز مەرەكەسىنە ارنالعان ونىمدەر وندىرىلە باستادى، مەجەمەن كەم دەگەندە 2 ميلليون يۋاندىق ٴونىم ساتىلۋى مۇمكىن. پوچتا، جۇڭگو تەمىر جولى زات تاسىمالى سياقتى سەرىكتىكتەرمەن بايلانىس جاساۋ ارقىلى ونىمدەر شالعايداعى شاڭحاي، جياڭسۋ، حۋبەي، سىچۋان، چۇڭچيڭ، بەيجيڭ سياقتى جەرلەرگە دەيىن ساتىلدى. سەرىكتىگىمىزدە 18 جۇمىسشى – قىزمەتشى بار، ونىڭ توعىزى جاقىن ماڭداعى اۋىل - قالاشىقتاردان كەلگەن ارحيۆتەستىرىلىپ، كارتوچكالاندىرىلعان كەدەي وتباسى مۇشەلەرى، قازىر سەرىكتىكتە جۇمىس ىستەيتىن 12 جۇمىسشى – قىزمەتشى ايىنا ورتاشا ەسەپپەن 6 ـ 5 مىڭ يۋان ەڭبەكاقى الادى».

    ۇعىسۋعا قاراعاندا، ىلە شۇيچاڭ ازىق – تۇلىك مانەرلەۋ شەكتى سەرىكتىگى 2014 – جىلى 7 – ايدىڭ 8 – كۇنى قۇرىلعان، تىزىمگە الدىرعان قارجىسى 21 ميلليون 660 مىڭ يۋان، يەلەگەن جەر اۋدانى 15 مىڭ شارشى مەتر، 1 – مەرزىمدىك قۇرىلىس اۋماعى 6 مىڭ 640 شارشى مەتر، سالىنۋ ۇستىندەگى 2 – مەرزىمدىك سەح اۋماعى 4 مىڭ شارشى مەتر. سەرىكتىكتىڭ نەگىزگى تيجاراتى كەپتىرىلگەن جەمىس، قاتتى قابىقتى جەمىس، بال جيدەك، بال جەمىس سياقتىلاردى قامتيدى، سەرىكتىك ەرەكشەلىككە يە اۋىل شارۋاشىلىق ونىمدەرى جاعىراپيالىق بەلگىسىن ٴوتىنىش ەتىپ، «باتىس وڭىرگە بەت الۋ»، «جاڭا ىلە» تاۋار ماركالارىن تىركەۋگە الدىرعان، چاپچال اۋدانىنداعى ساي - ۋي اۋلەتى ەگىن – ورمان كاسىپتىك سەلبەستىك كووپەراتيۆىمەن تىعىز سەلبەستىك قاتىناس ورناتقان. وسى سەلبەستىك كووپەراتيۆىنىڭ 5 مىڭ مۋلىق شيكىزات بازاسى ساپالى ونىمدەرمەن قامداي الادى ٴارى بارلىعى ورگانيكالى كۋالاندىرۋدان وتكەن. بۇدان تىس، وسى سەرىكتىك حوتان مەن اقسۋدا دا شيكىزاتپەن قامداۋ بازاسىن سالۋدا ەكەن. 2018 – جىلى وسى سەرىكتىك وبلىستىق پارتكوم اۋىل شارۋاشىلىعى كەڭسەسى جاعىنان ىلە وبلىسىنا توتە قاراستى ورىندارداعى ەرەكشەلىككە يە اۋىل شارۋاشىلىعى ونىمدەرى جاعىراپيالىق بەلگىسىنە يە ونىمدەر ٴوندىرۋ، پايدالانۋ سەرىكتىگى بولىپ باعالانىپتى.

جاۋاپتى رەداكتور: گۇلدەن ماقسات قىزى