نەشە ءجۇز مۋ جەردەگى ۇشقات جينالا باستادى

  • كەلۋ قاينارى: ىلە گازەتى
  • 03:40:00 28/08/2020

    ءۇشبۇلاق قىستاعىنىڭ تۇرعىنى ايشۋاق ءادىلجان قىزىنىڭ وتباسىندا 5 جان بار، 18 جاستاعى ول ىلە كاسىپتىك - تەحنيكالىق شۋەيۋانىنىڭ ورتا تەحنيكۋم كلاسىندا وقيدى. قىستاق كادرىنىڭ تانىستىرۋى ارقىلى ول ۇشقات بازاسىنا كەلىپ گۇل ءۇزۋ ناۋقانىنا قاتىناسادى، ءبىر كيلوگرام ۇشقات جيناسا 15 يۋان بەرىلەدى، ورتاشا ەسەپپەن ءار كۇنى 8 - 7 كيلوگرام تەرسە، قىسقا عانا 2 اي ۋاقىت ىشىندە قىرۋار اقشا تابادى. ايشۋاق: «ءوزىمىز 8 مۋ جەر ەكتىك، 2 باۋىرىم مەكتەپتە وقيدى، جەر ەگۋدەن تىس، اكە - شەشەم جان – جاققا شاپقىلاپ ۋاقىتتىق جۇمىس ىستەيدى، ءوزىم دە اقشا تاۋىپ وتباسىمىزدىڭ كىرىسىن ارتتىرىپ وتىرمىن، بۇعان وتە قۋانىشتىمىن» دەدى.

    ءتىلشىنىڭ ۇعىسۋىنا قاراعاندا، ايشۋاق سياقتى جاقىن ماڭنان گۇل تەرگەن قىستاق تۇرعىندارى ءبىرشاما كوپ ەكەن، ءار كۇنى 150 يۋاننان 200 يۋانعا دەيىن اقشا تابادى ەكەن.

    قازىر بۇل بازا سول جەردەگى 20 دان استام قىستاق تۇرعىنىن جۇمىسقا شاقىرعان، ىستەۋشىلەر ەڭ كوپ بولعان كەزدەردە 40 تان اسادى ەكەن.

    بيىل يىن شياۋفىڭنىڭ ۇشقات ەككەنىنە 2 جىل بولعان، بۇل كۇندەرى ۇشقاتتىڭ جاپىراعى جايقالىپ، قالىڭ گۇل اشقان. ول شىعىندى ازايتۋ ءۇشىن تاعى باقاباق تا ەگىپتى، ۇشقات پەن باقاباقتىڭ دارىلىك رولى قارايلاس، ونىڭ ۇستىنە دارىلىككە جانە تاعامعا بىردەي قولدانىلادى. 90 مۋ جەردەگى ۇشقات گۇلىنەن شامامەن 400 مىڭ يۋان اينالاسىندا كىرىس كىرگىزۋگە بولادى، جيناۋ مەزگىلى 9 - ايعا دەيىن جالعاسادى.

    يىن شياۋفىڭ: «وتكەن جىلى ۇشقات ىلەدە تارتۋ – تارالعى ءونىمى بولىپ تاڭدالعان سوڭ ماعان كوپتەگەن ساۋدا ورايىن اكەلدى، تاپسىرىس ارت – ارتىنان كەلۋدە. بيىلعى ۇشقات ءونىمى بىلتىرعىدان 6 - 5 ەسە جوعارى، وتكەن جىلى ءبىر مۋ جەردەن 7 كيلوگرام ءونىم بەرسە، بيىل 50 كيلوگرامعا تايادى، ءبىر مۋدىڭ وزىنەن 5 - 6 مىڭ يۋان كىرىس كىرگىزۋگە بولادى. ۇشقات بازارىنىڭ كەلەشەگى جاقسى، الايدا قامداۋ قاجەتتەن شىعا الماي وتىر، مەن جەر كولەمىن كەڭەيتىپ، ەگىنشىلەردىڭ كىرىسىن ارتتىرۋىنا مۇمكىندىك جاراتۋدى ويلاستىرۋدامىن. كەلەسى قادامدا جاڭا جابدىقتاردى ەنگىزىپ، جاڭا ونىمدەردى زەرتتەپ، ىشكەرىلەي مانەرلەسەم دەپ وتىرمىن، ايتالىق، قازىر ۇشقات شايى عانا بار، ەندىگى جەردە ۇشقات مايى، ۇشقات تۇيىرشەگى، ۇشقات سۋسىنى سياقتىلاردى شىعارساق، كۇنەستىڭ ۇشقاتىن مەملەكەتتىڭ جەر - جەرىنە بەتالدىرۋعا بولادى» دەدى.

 

جاۋاپتى رەداكتور: گۇلدەن ماقسات قىزى