ىلە وسىمدىك باقشاسى جوسپار بويىنشا كەلەر جىلى 5 – ايدا اشىلادى

  • كەلۋ قاينارى: ىلە گازەتى
  • 03:12:46 29/08/2020

 قازىر وسى زەرتتەۋ ورنى اۆتونوميالى رايوندىق عىلىم – تەحنيكا مەڭگەرمەسىمەن، قازىنا مەڭگەرمەسىمەن بىرلەسە وتىرىپ، جالپى 10 ميلليون يۋانعا جۋىق قارجى قوسقان، جەر اۋماعى 3 مىڭ مۋدان اساتىن گۇل - شوپتەردى تاماشالاۋ باقشاسىنىڭ، دارىلىك وسىمدىكتەر باقشاسىنىڭ، ەكونوميكالىق جەمىس – ورمان باقشاسىنىڭ، ەرەكشەلىككە يە تۇقىمى قۇرىپ جوعالۋعا اينالعان باعالى وسىمدىكتەر باقشاسىنىڭ قۇرىلىسى كولەم قالىپتاستىرا باستادى، سالىنىپ بولعان جەمىس اعاشتارى بايلىعىن قورعاۋ، جەتىلدىرۋ رايونىنىڭ اۋماعى 300 مۋعا جەتسە، گۇل – شوپتەردى تاماشالاۋ، تۇقىمدىق زات جيناۋ، قورعاۋ، جەتىلدىرۋ رايونىنىڭ اۋماعى 50 مۋعا تايادى، دارىلىك وسىمدىكتەردىڭ تۇقىمدىق زاتىن جيناۋ، قورعاۋ، جەتىلدىرۋ رايونىنىڭ اۋماعى 20 مۋ بولىپ، 500 دەن استام ٴتۇرلى وسىمدىك تۇقىمى جينالدى، قورعاپ ٴوسىرىلدى، بۇل قورعاۋ، جەتىلدىرۋ ٴۇشىن جينالعان 300 ٴتۇرلى گۇل – ٴشوپ تۇقىمىن، 100 دەن استام دارىلىك وسىمدىك تۇقىمىن، 100 دەن استام جەمىس اعاشتارى تۇقىمىن (سورتىن)، سونداي – اق 30 عا جۋىق تۇقىمى قۇرىپ جوعالۋعا اينالعان ەرەكشەلىككە يە باعالى وسىمدىك تۇقىمىن قامتيدى.

    2019 – جىلى جۇڭگو عىلىم اكادەمياسى شينجياڭداعى بازا قۇرىلىسىنا (قاعىر رايوندا وسەتىن وسىمدىكتەر بايلىعىنىڭ شينجياڭ ىلە ساقتاۋ بازاسى) پايدالانۋ ٴۇشىن 6 ميلليون يۋان قارجى قوستى، بۇل نەگىزىنەن وسىمدىكتەردىڭ تۇقىمدىق زاتى بايلىعىن قورعاۋ، جەتىلدىرۋ جىلىجايىن قامتيدى، ونىڭ قۇرىلىس اۋماعى مولشەرمەن مىڭ شارشى مەتر؛ 5 وسىمدىك جەتىلدىرۋ، قورعاۋ قالتقىسى بار، قۇرىلىس اۋماعى مولشەرمەن 5 مىڭ شارشى مەتر؛ كەڭسە، عىلمي زەرتتەۋ قۇرىلعى - جابدىقتارى، ولشەۋ اسپاپتارى جانە ارتقى ساپ قامتاماسىزداندىرۋ بولمەسىنىڭ قۇرىلىس اۋماعى 500 شارشى مەتر؛ وسىمدىكتەردىڭ تۇقىمدىق زاتى بايلىعىن ٴتىرى ساقتاۋ باقشاسى، عىلمي زەرتتەۋ بولمە سىرتى تاجىريبە رايونى، بيولوگيا كاسىبىنەن ۇلگى كورسەتۋ رايونى جانە ەرەكشە وسىمدىك سارا ونىمدەرى كورمە باقشاسى سياقتى قۇرىلىستاردىڭ اۋماعى 50 مۋ. سونىمەن بىرگە، جۇڭگو عىلىم اكادەمياسىنىڭ شينجياڭ ەكولوگيا جانە جاعىراپيا زەرتتەۋ ورنى 2019 – جىلدان 2021 - جىلعى جوندەۋ - وڭاۋ نىسانى اتقارىلىپ، 18 ميلليون يۋان قارجى نەگىزىنەن جول، قورىق، سۋلاندىرۋ، تاجىريبەحانا، دارەتحانا سياقتى وزگەرتىپ سالۋ نىساندارىنا جۇمسالدى.

    ىلە وسىمدىك باقشاسىنىڭ تەحنيگى ليۋ شيڭحۋا بىلاي دەدى: «كەزەكتە وسىمدىك باقشاسىنىڭ نەگىزدىك قۇرىلىس ينجەنەرياسى نەگىزىنەن سالىنىپ بولىپ، قازىر نەگىزىنەن وسىمدىك تۇقىمىن جيناۋ جانە وسىمدىك باقشاسىن باقسارۋ جۇمىستارى جۇرگىزىلۋدە. وسى وسىمدىك باقشاسى نەگىزىنەن عىلمي زەرتتەۋ، عىلمي وقىتۋ، اشىپ پايدالانۋ، وسىمدىكتەردى قورعاۋ جانە ساياحاتتاۋ، كورىنىس تاماشالاۋ سياقتى يقۋاتتارعا يە، جوسپار بويىنشا كەلەر جىلى 5 – ايدا اشىلادى.

جاۋاپتى رەداكتور: گۇلدەن ماقسات قىزى