ەگىس جۇمىسى قاربالاس كەزدە قىزىل پەنجەكتى ەرىكتىلەر قول ۇشىن بەردى

  • كەلۋ قاينارى: ىلە گازەتى
  • 11:08:35 29/08/2020

    8 – ايدىڭ 21 - كۇنى توعىزتاراۋ اۋدانى توعىزتاراۋ قالاشىعى سيىر فەرماسى رايونى پارتيا قىزمەتى كوميتەتى شيننيۋ الەۋمەتتىك اۋماعىنىڭ تۇرعىنى زو چاۋۋيدىڭ كوكونىس اتىزىندا قىزىل پەنجەكتى بىرنەشە ەرىكتى ونىڭ قىزىل بۇرىش، باكلاجان سياقتى كوكونىستەردى تەرۋىنە كومەكتەستى. زو چاۋۋي الەۋمەتتىك اۋماقتاعى كولەمدى كوكونىس ەگىمشىلىگىمەن شۇعىلداناتىن وتباسى، ونىڭ 9 مۋ كوكونىس اتىزىنداعى اشتى بۇرىش، باكلاجان، بايساي، لوبى سياقتى كوكونىستەرى جايقالا ءوستى.

    «بۇگىن الەۋمەتتىك اۋماقتاعى كوكونىس دۇكەنى 20 كيلوگرام اشتى بۇرىش، 30 نەشە كيلوگرام كاپۋستا تاپسىرىس بەردى، ەرتە كەلىپ تەرىپ بولدىم. الەۋمەتتىك اۋماق پەن ەرىكتىلەردىڭ كومەگىندە وتباسىمىز كوكونىس ەگۋ جانە ءونىم الۋ جاعىندا ىندەتتىڭ ىقپالىنا ۇشىرامادى» دەدى زو چاۋۋي.

    قازىر ەگىس داقىلدارىنا ءدارى شاشۋ، سۋارۋ سياقتى باپتاۋ – باسقارۋ جۇمىستارىنىڭ شەشۋشى مەزگىلى. ىندەتتەن ساقتانۋ – تىزگىندەۋ مەزگىلىن ۇدايىلاندىرىپ، ەگىس جۇمىسىنىڭ ۋاقىتىنا ىقپال جەتكىزبەۋ ءۇشىن، توعىزتاراۋ اۋدانى سيىر فەرما رايونى پارتيا قىزمەتى كوميتەتى ىندەتتەن ساقتانۋ – تىزگىندەۋ قىزمەتى مەن ەگىنشىلىك ءوندىرىسىن بىردەي يگەرۋدەن، ەكى جاقتان دا اعاتتىق جىبەرمەۋدەن جازبادى. پارتيا مۇشەسى ەرىكتىلەرىنەن 40 ادامدى، ورگاننان تومەنگە تۇسكەن كادرلاردى جانە الەۋمەتتىك اۋماق كادرلارىن دەر كەزىندە ۇيىمداستىرىپ، 5 الەۋمەتتىك اۋماقتا ەگىس وندىرىسىنە كومەك بەرۋ قىزمەت وتەۋ اترەتىن قۇردى، ەڭبەككۇشى جوق شارۋا وتباسىلارىنىڭ جۇگەرى سۋارۋ، قىزىلشاعا ۇستەمە تىڭايتقىش بەرۋ، قىزىل بۇرىشقا ءدارى شاشۋ، شاپتول تەرۋ، الما ساتۋ، ءشوپ تاسۋ سياقتى ەگىن، مال شارۋاشىلىق وندىرىسىنە قىزمەت وتەپ، بۇقارانىڭ ءوندىرىس جاعىنداعى قيىنشىلىقتارىن دەر كەزىندە شەشىپ، ولاردى ۋايىمنان ارىلتتى.

    شيننيۋ الەۋمەتتىك اۋماعى پارتيا ياچەيكاسىنىڭ شۋجيى حى شياۋلي تانىستىرىپ: «قاراستى وڭىردە 2 مىڭ 583 تۇرعىن، 2 مىڭ 500 مۋدان استام ەگىستىك جەر بار، الەۋمەتتىك اۋماق كادرلارى مەن ەرىكتىلەر 24 ساعات بويى تۇرعىنداردىڭ ءوندىرىسى مەن تۇرمىسىن قامتاماسىز ەتۋدە. كادرلار مەن ەرىكتىلەر ءار كۇنى تۇرعىندارعا زات جەتكىزىپ بەرەدى، زارارسىزداندىرۋ جۇرگىزەدى، تۇرعىندارعا جۇڭگوشا ءدارى قايناتادى ءارى جەتكىزىپ بەرەدى، ناۋقاستاردى شيپاحاناعا جەتكىزەدى، تۇرعىنداردىڭ اتىز باسىنا بارىپ جۇمىس ىستەۋىنە كومەكتەسەدى... كادرلار مەن ەرىكتىلەردىڭ ىستەيتىن جۇمىس ءتۇرى وسىنشاما كوپ، ءار كۇنى ەڭ كەم بولاتىنى ۇيقى. ءبىراق بۇقارا رازى بولسا بولدى، بارلىق جاپا - ماشاقات ءوتىپ كەتەدى. قازىر بىردە - ءبىر ەگىنشىنىڭ كوكونىسى جينالماي قالۋ، جەمىس - جيدەگى ۇزىلمەي قالۋ جاعدايى بولعان جوق» دەدى، ءسوز ارەدىگىندە. اتىزعا بارىپ جۇمىس ىستەيتىن ەگىنشىلەر، سىرتقا شىعىپ جۇمىس ىستەپ، ەگىنشىلىك ماشيناسىن جۇرگىزۋشىلەر بىرىنەن سوڭ ءبىرى ونى ىزدەپ كەلىپ، جولحات رەسمياتىن ءبىتىرىپ، قول قويدىرىپ جاتتى.

جاۋاپتى رەداكتور: گۇلدەن ماقسات قىزى