ەگىس جۇمىسى قاربالاس كەزدە قىزىل پەنجەكتى ەرىكتىلەر قول ۇشىن بەردى

  • كەلۋ قاينارى: ىلە گازەتى
  • 11:08:35 29/08/2020

    الەۋمەتتىك اۋماق كادرى ياڭ پان الەۋمەتتىك اۋماقتاعى شۇعىل قامتاماسىز ەتۋ اۆتوكولىگىن جۇرگىزەتىن بىردەن - ءبىر شوفەر رەتىندە ءار كۇنى تاڭەرتەڭ ساعات 8 دەن باستاپ قىزمەتكەرلەردى تاسيدى، ۇنەمى ەرتەسى تاڭعى ساعات 2 - 3 تە ارەڭ دەم الادى. «ۇنەمى تۇسكە دەيىن قاربالاس بولىپ، تاڭەرتەڭگى تاماقتى ۋاعىندا جەي الماي قالامىن، ارالىقتا بوس ۋاقىت شىعارىپ، شۇجىق، بولكا سياقتى قوسىمشا جەمەكتىكتەردى جەيمىن. ءار كۇنى ون نەشە ساعات اۆتوكولىك جۇرگىزەمىن، الدىڭعى مەزگىلدە اۆتوكولىكتە ۇزاق وتىرۋدان جامباسىم ءبورتىپ شىعا كەلدى، كۇندە ءدارى جاعىپ ءجۇرىپ قازىر قارا قوتىرلاندى. دەسە دە قىزمەتتى ءالى دە بۇرىنعىداي ىقىلاسپەن ورىنداۋدامىن، بىرنەشە كۇننىڭ الدىندا ومارتاشى چي چۇنلان مەن جيەنىن شيپاحاناعا اۋرۋ كورسەتۋگە، نۇربان ۇسەن سياقتى 5 شارۋانى جايىلىسقا ءشوپ جيناۋعا اپارىپ - اكەلدىم. ولار نەشە ون كيلومەتر شالعايداعى ءتالىم مال شارۋاشىلىق رايونىندا، ولار دا وڭاي جاپا - ماشاقات شەككەن جوق» دەدى ياڭ پان ىڭعايسىزدانا ءتىل قاتىپ.

    سيىر فەرماسى پارتيا قىزمەتى كوميتەتى ەگىنشىلىك 1 - الەۋمەتتىك اۋماعىنىڭ ەگىنشىلىككە كومەكتەسۋ قىزمەت وتەۋ اترەتىنىڭ ەرىكتىسى يليجان تۇراحۇن ورنىنان ەرتە تۇرىپ، اۆتوماتتى ءدارى بۇرىككىشتى كوتەرىپ، قىزىل بۇرىشتى دەرت – دەربەزدەن قورعاۋ ءدارىسىن الىپ، قىستاق تۇرعىنى ءمۇتالىپ مۇساجاننىڭ اۋلاسىنداعى قىزىل بۇرىش اتىزىنا بارىپ، ونىڭ 15 مۋ جەرىندەگى قىزىل بۇرىشىنا ءدارى شاشتى. يليجان: «ەگىس مەزگىلى ادامدى كۇتىپ تۇرمايدى، بۇگىن مەنىڭ 3 ءۇيدىڭ 35 مۋ جەرىنە ءدارى شاشىپ، كومەكتەسۋ قىزمەت مىندەتىم بار» دەدى.

    ىندەتتەن ساقتانۋ – تىزگىندەۋ مەزگىلىنەن بەرى سيىر فەرماسى رايونىنداعى قىزىل پەنجەكتى ەگىنشىلىك وندىرىسىنە كومەكتەسۋ قىزمەت وتەۋ اترەتى بۇقارانىڭ 5 مىڭ 300 مۋدان استام جەرىن سۋارىپ، 576 مۋ جەردەگى ەگىس داقىلدارىنا، كوكونىستەرگە ءدارى شاشىپ، قىزىلشاعا بەرىلەتىن 30 توننادان استام حيميالىق تىڭايتقىشتى جەتكىزىپ، مايلى شاپتول، الما، لوبى سياقتى 43 توننا جەمىس – جيدەك، كوكونىستى ۇزۋگە كومەكتەسىپ، ساتۋعا بايلانىس جاساپ بەرىپ، قاراستى ءوڭىردىڭ ىندەت جاعدايى كەزىندەگى ەگىن، مال شارۋاشىلىق ءوندىرىسىنىڭ ىقپالعا ۇشىراماۋىنا كەپىلدىك ەتتى.

    

جاۋاپتى رەداكتور: گۇلدەن ماقسات قىزى