جۇڭيۇن توبى موڭعۇلكۇرە جىلقى شارۋاشىلىعىنىڭ دامۋىنا دەم بەردى

  • كەلۋ قاينارى: ىلە گازەتى
  • 08:45:24 01/09/2020

    جاقىنعى جىلداردان بەرى موڭعۇلكۇرە اۋدانى وزىندىك ابزالدىقتى تياناق ەتىپ، جىلقى شارۋاشىلىعى بايلىعى مەن كاسىپ ابزالدىلىعىن تەرەڭ زەردەلەپ، جىلقى شارۋاشىلىعىن قۇرۋدى ورەلى نىسانا ەتىپ، ۇكىمەت سۇيەمەلدەۋ، بايلىقتاردى بىرىكتىرۋ، كاسىپ سالاسى ىقپالداستىعى بويىنشا كوپ ٴتۇرلى شارا قولدانىپ، كاسىپتەردىڭ توعىسپالى دامۋىن ىلگەرىلەتىپ، نەگىزدىك قۇرىلعىلاردىڭ دارەجەسىن ۇزدىكسىز جوعارىلاتىپ، دامۋ مەحانيزمىن تىنباي كەمەلدەندىرىپ، كوپ كاسىپتى توعىستىرۋ ونىمدىلىگىن بىرتىندەپ كورنەكتىلەندىرىپ ٴارى بۇقاراعا تيىمدىلىك جاساپ، جىلقى شارۋاشىلىعىن دامىتۋدىڭ جاڭا جاعدايىن العاشقى قادامدا قالىپتاستىردى.

    «جۇڭگونىڭ جىلقى شارۋاشىلىعى شينجياڭدا، شينجياڭنىڭ جىلقى شارۋاشىلىعى ىلەدە، ال ىلە تۇلپارى - موڭعۇلكۇرەدە» ەكەنى الدەقاشان ادامداردىڭ ورتاق تانىمىنا اينالدى. بيىل 4 ـ ايدا جۇڭيۇن ساۋدا توبى شەكتى سەرىكتىگىنىڭ 1 ـ مەرزىمدىك 300 ميلليون يۋان قارجى قوسىپ سالعان جۇڭيۇن شينجياڭ تۇلپارى كاسىپ باقشاسى موڭعۇلكۇرە جىلقى شارۋاشىلىعىنىڭ دامۋىن ىلگەرىلەتۋدىڭ قوزعاۋشى كۇشىنە اينالعاندىعى ٴشۇباسىز ەدى.

    جۇڭيۇن شينجياڭ تۇلپار كاسىپ باقشاسى - وسىزاماندانعان جىلقى شارۋاشىلىعىن توعىستىرعان سيفرلى زاۆود ءارى ٴوندىرىس، ۇيرەنۋ، زەرتتەۋ بازاسى، مەجەمەن 1 - مەرزىمدىك قۇرىلىسى كەلەسى جىلى 10 - ايدىڭ سوڭىنا دەيىن وندىرىسكە قوسىلادى، قىمىز بەن جىلقى مايىنان الىناتىن ءونىمى جىل سايىن 10 مىڭ تونناعا جەتكىزىلىپ، جىلقى ءسۇتى، ءىشتى بيە نەسەبى، جىلقى مايى ءوندىرىسى سياقتى 5 ۇلكەن جۇيە بويىنشا 745 ءتۇرلى ءونىمنىڭ جىلدىق ساتىلىم كىرىسى ٴبىر ميلليارد يۋانعا جەتكىزىلەدى.

    ەلىمىزدەگى تۇڭعىش وسى زامانعى جىلقى شارۋاشىلىعىنىڭ جالپى كاسىپ تىزبەگىن باسقارۋ، اينالىمعا سالۋ جانە تەحنيكا شوعىرلاندىرىلعان كاسىپورىن رەتىندە جۇڭيۇن توبى موڭعۇلكۇرەدەگى جىلقى شارۋاشىلىعى كاسىپ باقشاسىنىڭ جىلقى مادەنيەتى، جىلقى عىلىمى جانە جىلقى ونىمدەرىن ءوندىرۋ كاسىبى جاقتارىندا اسا جوعارى ورىنعا يە. كاسىپ باقشاسى ىسكە قوسىلعاننان كەيىن، ىلە اڭعارىنداعى مول جىلقى شارۋاشىلىعى بايلىعى مەن جۇڭيۇن جىلقى شارۋاشىلىعى باسقارۋىنداعى جەلىلەس ماركالار مەن دەربەس ٴبىلىم مەنشىگى ۇقىعىنا سۇيەنىپ، دۇنيە ٴجۇزى بويىنشا ٴىرى، اقاۋسىز تۇتىنۋ بازارىنا بەت العان 5 ۇلكەن سورت جۇيەسىنىڭ 700 دەن استام جوعارى قوسىمشا قۇنى بار جىلقى ونىمدەرىن اشادى. «جۇڭگوداعى تۇلپار مەكەنى» سانالاتىن موڭعۇلكۇرە مەملەكەت بويىنشا جاڭالىق جاراتۋ قابىلەتىنە يە جىلقى ونىمدەرىن ٴوندىرۋ، شىعارۋ بازاسىنا اينالادى. سونداي - اق، ءوندىرىس بارىسىندا جۇڭيۇن تۇلپار جەلىلەس ماركالى قالىپتى تەمپەراتۋرالى قاتتى كۇيدەگى ءسۇت، تومەن تەمپەراتۋرالى سۇيىق كۇيدەگى ءسۇت، جىلقى ءسۇتى ازىق – تۇلىكتەرى، جىلقى مايىنان جاسالعان كۇندەلىك تۇتىنۋ بۇيىمدارى، ءىشتى بيە نەسەبىنەن جاسالعان بيولوگيالىق ونىمدەر، جىلقى مادەنيەتى جاسامپازدىعى ونىمدەرى سياقتىلار جىلقى ونىمدەرىنىڭ كەمەلدى ماركا جۇيەسىن قالىپتاستىرىپ، ىلە اڭعارىنداعى جىلقى شارۋاشىلىعىنىڭ وراسان زور دامۋ كومەسكى كۇشى مەن بايلىق قۇنىن ساۋلەلەندىرەدى.

جاۋاپتى رەداكتور: گۇلدەن ماقسات قىزى