جۇڭيۇن توبى موڭعۇلكۇرە جىلقى شارۋاشىلىعىنىڭ دامۋىنا دەم بەردى

  • كەلۋ قاينارى: ىلە گازەتى
  • 08:45:24 01/09/2020

    موڭعۇلكۇرە اۋدانى جۇڭيۇن توبى ىرگە تەپكەننەن كەيىن «باستاماشى كاسىپورىن + باعىمشىلىق بازاسى + كووپەراتيۆ + شارۋا» سىندى ٴوندىرىس ۇلگىسىن قالىپتاستىرادى، شيكىزاتتا بازا بولۋ، وندىرىستە كاسىپورىن بولۋ، ساۋدادا بازار بولۋ، باعىمشىلاردا پايدا بولۋ سىندى ٴبىر تۇلعالانعان دامۋ ۇلگىسىن قالىپتاستىرادى، ٴبىر كاسىپورىن ٴبىر كاسىپتى گۇلدەندىرىپ، ٴبىر وڭىرگە باستاماشىلىق ەتىپ، وسىزاماندانعان جىلقى شارۋاشىلىعىن دامىتۋدى جۇزەگە اسىرادى. جۇڭيۇن شينجياڭ جىلقى شارۋاشىلىعى باقشاسىنىڭ جىلقى ونىمدەرى تۇگەلدەي وندىرىلگەننەن كەيىن جىلدىق كىرىسى 10 ميلليارد يۋانعا جەتىپ، وڭىرلىك جۇمىستانۋ مەن جەرگىلىكتى GDP دى بارىنشا جەبەپ، قازىنالىق كىرىس پەن شارۋالار كىرىسىن ارتتىرادى.

    موڭعۇلكۇرە اۋدانى تاعى ىلەدەگى جىلقى مادەنيەتىن، تۇلپار مادەنيەتىن، ۇلتتىق سالت ـ سانا مادەنيەتىن ىشكەرىلەي ساۋلەلەندىرىپ، قويۋ جىلقى مادەنيەتى اۋانىن قالىپتاستىرادى. تۇتاس اۋداندا جىلقى شارۋاشىلىعى نەگىز ەتىلىپ، اسىل تۇقىمدى جىلقى جەتىلدىرىپ، ىشكى جاقتا اۋدان ىشىندەگى جىلقى شارۋاشىلىعىن، مادەنيەت ـ ساياحات كاسىبىن ساپالى جىلقىلارمەن قامداسا، سىرتقا قاراتا، مەملەكەت ىشىندەگى بايگە الاڭدارىن، ات ونەرى كلۋبتارىن ساپالى جىلقىمەن قامداپ، موڭعۇلكۇرە اۋدانىنىڭ جىلقىنى نەگىز ەتكەن ساياحات – كوڭىل اشۋ بازاسى قۇرىلىسىن ىلگەرىلەتەدى.

    بۇل اۋدان تاعى اۋىل شارۋاشىلىعى مەن ساياحاتتى ۇشتاستىرۋعا، اۋىل شارۋاشىلىعى مەن ساياحاتتى بىردەي الۋەتتەندىرۋگە، اۋىل شارۋاشىلىعى ارقىلى ساياحاتتى جەبەۋگە، ساياحات ارقىلى اۋىل شارۋاشىلىعىن گۇلدەندىرەتىن سەيىل - سەرۋەن شارۋاشىلىعى مەن اۋىل - قىستاق ساياحاتىن دامىتۋ ستراتەگياسىنا تاباندى بولدى. وڭىرلىك ەرەكشەلىككە يە جىلقى شارۋاشىلىعى مەن ساياحات فاكتورلارىن ۇشتاستىرىپ، جىلقى مادەنيەتىن نەگىز ەتكەن ساياحاتتى دامىتۋ كەڭىستىگىن بارىنشا كەڭەيتەدى. موڭعۇلكۇرەدە جىلقى باعىپ، جىلقىنى ٴتۇسىنىپ، جىلقى شارۋاشىلىعىمەن كىرىستى ارتتىرىپ، اۋقاتتانعان شارۋالار دا كوبەيدى.

    بىلتىر موڭعۇلكۇرە اۋدانىنداعى جىلقى سانى 107 مىڭ 800 گە، اۋدان بويىنشا جىلقى شارۋاشىلىعىنىڭ تىكە ٴونىم قۇنى 407 ميلليون يۋانعا جەتىپ، مال شارۋاشىلىق ٴونىم قۇنىنىڭ %31.72 ىن يەلەگەن؛ شارۋالاردىڭ جىلقى شارۋاشىلىعىنان تاپقان ورتاشا كىرىسى 2 مىڭ 460 يۋانعا جەتىپ، جىلقى شارۋاشىلىعىنىڭ اۋىل – قىستاقتاعى كىسى باسىندىق ورتاشا جاڭادان ارتقان تيەسىلى كىرىسكە قوسقان ۇلەسى %12.1 بولىپ، جىلقى شارۋاشىلىعى موڭعۇلكۇرە اۋدانىنداعى شارۋالاردىڭ كىرىس ارتتىرىپ، اۋقاتتانۋداعى تىرەكتى كاسىبىنە اينالدى.

  

جاۋاپتى رەداكتور: گۇلدەن ماقسات قىزى