جىرعالاڭ قىستاعى بىرەگەي ماركا جاراتتى

  • كەلۋ قاينارى: ىلە گازەتى
  • 05:13:29 03/09/2020

    وتكەن 2 كۇندە بوس ۋاقىت بولسا بولعانى، وسى قىستاقتىڭ ٴبىرىنشى شۋجيى، قىزمەت اترەتىنىڭ باستىعى ەرمەك جۇماتاي ۇلى قۇلجا قالاسى حۇڭسۇي سىبىرتكى جاساۋ شارۋالار ارناۋلى كاسىپتىك - سەلبەستىك كووپەراتيۆىنىڭ القا باستىعى ءۋالي اليمەن سەلبەسىپ، قىستاقتاعى اق جۇگەرى جاڭا سورتىن سىناق ەتۋ اتىزىنا كەلىپ، اق جۇگەرىنىڭ ءوسۋ جاعدايىن كوردى. بيىل شىعىس تەرىستىكتەن ەنگىزىلىپ سىناق رەتىندە ەگىلگەن جاڭا سورتتى اق جۇگەرىنىڭ جاقسى ٴوسىپ، تابىستى بولعاندىعى ولاردى قۋاندىرعان ەدى.

    ەرمەك تىلشىگە: «ٴبىز ەككەن جاڭا سورتتى اق جۇگەرى 8 - ايدىڭ باس شەنىندە پىستى. اق جۇگەرى جاڭا سورتىنىڭ جەلگە ءتوزىمدى، ءدانى تولىق، ءتۇسىمى جوعارى، ەگىلۋى تىعىز بولۋداي ەرەكشەلىكتەرگە يە. بۇل سىبىرتكى جاساۋعا ەرەكشە ۇيلەسىمدى بولۋمەن بىرگە كوركەمونەر بۇيىمدارىن جاساۋعا دا قولايلى» دەدى.

    ەكى جىلدىڭ الدىندا جاڭادان قۇرىلعان قۇلجا قالاسى حۇڭسۇي سىبىرتكى جاساۋ شارۋالار كاسىپتىك - سەلبەستىك كووپەراتيۆى شيكىزات تاپشى بولۋ ماسەلەسىنە ٴدوپ كەلدى، قىستاقتا تۇراتىن قىزمەت اترەتى تەحنيكا تىرەكتىلەرىن شىعىس تەرىستىككە بارىپ تەكسەرۋ جۇرگىزۋگە جىبەردى. سونداي - اق شىعىس تەرىستىكتەن ءبىر توپ جاڭا سورت ەنگىزدى، ودان تۇسكەن كىرىس جەرگىلىكتى اق جۇگەرى سورتىنان كورنەكتى جوعارى بولدى.

    ءۋالي: «قىستاقتا تۇراتىن قىزمەت اترەتىنىڭ ۇگىتتەۋى جانە تانىستىرۋىمەن ٴبىزدىڭ سىبىرتكىمىز وبلىسقا توتە قاراستى جەرلەرگە، ٴتىپتى، تۇتاس شينجياڭعا ساتىلدى، قىستاق تۇرعىندارىنىڭ كىرىسى دە جىلدان ـ جىلعا جوعارىلادى» دەدى.

    كەزەكتە جىرعالاڭ قىستاعىنىڭ اق جۇگەرى ەگىلگەن جەر اۋماعى 5 مىڭ مۋعا جەتىپ، جىلىنا ءبىر ميلليون 200 مىڭ سىبىرتكى ءوندىرىپ، ٴونىم قۇنى 15 ميلليون يۋانعا جەتەتىن ەرەكشە ەگىمشىلىك كاسىبى قالىپتاسىپ، 133 ەگىنشىنى سەلبەستىك كووپەراتيۆىندە سىبىرتكى جاساۋمەن شۇعىلدانۋعا باستاعان. «پارتيا ياچەيكاسى + سەلبەستىك كووپەراتيۆى + شارۋا وتباسى» سىندى تيجارات ۇلگىسى پارمەندى دامىدى.

    وزىندىك قۇندى تومەندەتۋ ٴۇشىن، بيىل قىستاق اق جۇگەرى جاڭا سورتى تاجىريبە اتىزىن اشتى، سەلبەستىك كووپەراتيۆى باسقارىپ اشىپ، تاجىريبە رەتىندە ەگۋ جۇمىسى ٴساتتى بولعاننان كەيىن، كەلەر جىلى كەڭ كولەمدە ەگىلىپ، جەرگىلىكتى ورىننىڭ شيكىزات جەتەرسىزدىگىن تولىقتاپ، بىرەگەي ماركا جاراتىپ، بازاردى يەلەۋ مولشەرىن جوعارىلاتپاقشى.

    سەلبەستىك كووپەراتيۆىنىڭ اشەكەي بۇيىمدارى كورمە زالىندا اق جۇگەرىدەن جاسالعان ءتۇرلى بۇيىمدار قويىلعان. بيىل قىستاقتا تۇراتىن قىزمەت اترەتى سەلبەستىك كووپەراتيۆىن جاڭالىق اشۋعا باستاپ، قۇلجا قالالىق مادەنيەت ـ ساياحات توبىمەن سەلبەسىپ، ساياحات ونىمدەرىن باعىتتامالى جاساپ، بازاردى اشىپ، اق جۇگەرىدەن جاسالعان بۇيىمدار مەن سىبىرتكى ونىمدەرىنىڭ قوسىمشا قۇنىن ونان ارى جوعارىلاتتى.

  

جاۋاپتى رەداكتور: گۇلدەن ماقسات قىزى