نارات اقوزەن جايلاۋىنا «جۇڭگو، قايراتتان» دەگەن جازۋ ورنەكتەلدى

  • كەلۋ قاينارى: ىلە گازەتى
  • 05:09:45 03/09/2020

    8 - ايدىڭ 30 - كۇنى ءتىلشى اقوزەن جايلاۋىنان ءشوپ ورۋ، جيناۋ، ءشوپ تايلاۋ ماشينالارىنىڭ ارلى - بەرلى قايشالىسىپ، مالشىلار ءشوپ تاسىپ، مول ءونىم دۋمانىنا بولەنىپ جاتقانىن كوردى. تاياۋ جىلداردان بەرى كۇنەس اۋدانى اۋىل شارۋاشىلىعىن ماشينالاندىرۋ جانە اۆتوماتتاندىرۋدى جۇزەگە اسىرىپ، بارشا مالشىلارعا اۋىل شارۋاشىلىعىن ماشينالاندىرۋدىڭ قولايلىلىعىن سەزىندىردى.

    تاياۋداعى بىرنەشە كۇندە ءشوبى جينالعان شابىستىقتا «جۇڭگو قايراتتان» دەگەن ءىرى جازۋ ورنەكتەلگەن كورىنىس قالىپتاسىپ، سارى - جاسىل رەڭ ، انىق ءارى ايشىقتى ارىپتەر، اقشا بۇلت، قارلى تاۋ ءوزارا جاراسىم تاۋىپ، توراپ اۋەسكەرلەرى قىزىعاتىن جەرگە اينالىپ، كوپتەگەن فوتوگرافتاردى باۋرادى.

    ۇعىسۋعا قاراعاندا، كۇنەس اۋدانى ارلان مادەنيەت مەديا شەكتى سەرىكتىگى مالشىلاردىڭ تالابىنا ساي كەڭىستىك ساحاراسىنىڭ ءبىر مۇيىسىنە ءشوپ ورۋ ماشيناسى ارقىلى ۇزىندىعى 400 مەترلىك، ەنى 330 مەترلىك «جۇڭگو، قايراتتان» دەگەن ءىرى جازۋ ورنەكتەگەن، جازۋدىڭ جوعارعى جاعىنا مالشىنىڭ ارعىماققا مىنگەن سۋرەتى سالىنعان، سول جاعىنا قىران ۇلگىسى تاڭبالانعان. بۇل سەرىكتىكتىڭ باس جوراسى قۇرمانالى ىرىسكەلدى ۇلى بىلاي دەدى: «ءشوپ شابۋ مەزگىلىندە جايلاۋعا ايشىقتى جازۋ ورنەكتەۋىمىز - ءار ءبىر مالشىنىڭ تىلەگىنە ۋاكىلدىك ەتەدى، مەملەكەتىمىزدىڭ قۇدىرەتتەنىپ، ەل امان، جۇرت تىنىش بولىپ، بۇقارانىڭ ماڭگى اقاۋسىز ءارى باقىتتى بولۋىن ءۇمىت ەتەمىن».

    كۇنەس اۋدانىنىڭ جالپى جايىلىم اۋماعى 7 ميلليون 610 مىڭ مۋ، پايدالانۋعا بولاتىن جايىلىم اۋماعى 6 ميلليون 889 مىڭ 500 مۋ، اۋدان بويىنشا كۇزدە 10 مىڭنان استام مالشى ءشوپ شابادى، شابىستىق جەر اۋماعى 890 مىڭ مۋ. 8 - ايدىڭ 15 - كۇنىنەن باستاپ ءشوپ شابىلىپ، مەجەمەن 9 - ايدىڭ 30 - كۇنىنە دەيىن اياقتايدى. قازىرگە دەيىن بۇل اۋداندا 653 مىڭ مۋ جەردەگى ءشوپ شابىلىپ بولىپ، 280 مىڭ توننا جەم - ءشوپ ازىرلەندى.

جاۋاپتى رەداكتور: گۇلدەن ماقسات قىزى