اتتانىسقا كەلىپ، استا – توك اس – سۋ ىسىراپشىلدىعىن باتىل تەجەيىك

  • كەلۋ قاينارى: ىلە گازەتى
  • 05:17:47 03/09/2020

    جەر – جەر، تاراۋلار قاتىستى قۇجاتتار شىعارىپ «ىسىراپشىلدىق ىستەمەۋ قيمىلى» سياقتى شارالار قولدانىپ، ىسىراپشىلدىق ستيلىن زور كۇشپەن وڭاعاندىقتان اس – سۋ ىسىراپشىلدىعى قۇبىلىسى ازداپ جاقسارا باستادى. اسىرەسە، بۇقارانىڭ اڭىسى كۇشتى بولعان ۇكىمەت اقشاسىن سۋشا شاشىپ تۇتىناتىن ىسراپشىلدىق ارەكەت ءونىمدى تۇردە تەجەلدى.

    «تارتا جەسەڭ تاي قالادى، قويا جەسەڭ قوي قالادى»، «استىقتى ۇنەمدەۋ، ىسىراپشىلدىق ىستەمەۋ قيمىلى»... بۇل كۇندەرى ورتالىقتاعى مەملەكەت ورگاندارى مەن جەرگىلىكتى ءار دارەجەلى پارتيا، ۇكىمەت تاراۋلارى ۇگىت سۋرەتى، ەلەكتروندى ەكران سياقتى تۇرلىشە فورمالارمەن كادرلار مەن جۇمىسشى – قىزمەتكەرلەرگە «ۇنەمشىل بولىپ، ىسىراپشىلدىققا قارسى تۇرۋ» ۇستانىمىن ۇگىتتەگەندىكتەن، ىسىراپشىلدىق ىستەمەۋ كوپتەگەن كادرلار مەن جۇمىسشى – قىزمەتكەرلەردىڭ سانالى قيمىلىنا اينالدى. 2013 ـ جىلى ورتالىقتاعى مەملەكەت ورگاندارىنىڭ، ورىندار مەن تاراۋلاردىڭ ۇكىمەت ىسىمەن قوناق كۇتىپ الۋ اس – سۋ قاراجاتى % 60 تومەندەسە، اسحانادان شىعاتىن قوقىر – قوقسىقتاردىڭ مولشەرى جاپپاي %30 تەن ازايعان.

    اس – سۋ سالاسىندا «ۇنەمشىلدىكتى دارىپتەپ، اس – سۋ ىسىراپشىلدىعىنا قارسى تۇرۋ» قيمىلى ىشكەرىلەي ورىستەتىلىپ، ىسىراپشىلدىق ىستەمەۋ قيمىلى نازىك بۋىنداردا كورنەكتىلەندى؛ جوعارى، ورتا، باستاۋىش مەكتەپتەردە قاراپايىم دا ۇنەمشىل بولۋ، كوپتەگەن وقىتۋشى – وقۋشىلاردىڭ تانىمى مەن تۇرمىس ءتاسىلى بولىپ قالىپتاسىپ؛ ءمالى باسقارماسى، الەۋمەتتىك اۋماقتاردا ىسىراپشىلدىق ىستەمەۋ ۇگىت ـ تاربيەنىڭ ارقاۋ تاقىرىبىنا اينالدى.

    ءىشىنارا جەرلەردە اس – سۋ ىسىراپشىلدىعى قۇبىلىسى ءالى دە اۋىر بولىپ وتىر

    ىسىراپشىلدىقتى تەجەۋدىڭ مىندەتى اۋىر، جولى ۇزاق. تاياۋ جىلداردان بەرى اس – سۋ ىسىراپشىلدىعى قۇبىلىسىندا وزگەرىس بولعانىمەن، كەيبىر جەرلەردە، جالعاسىپ جاتقان اۋىر اس – سۋ ىسىراپشىلدىق قۇبىلىسى كورگەن جاندى تۇرشىكتىرەدى، ادامدى اشىندىرادى. «قازىر ۇكىمەت اقشاسىن شاشۋ قۇبىلىسى ازايدى، الايدا كىرىس پەن تۇرمىس ورەسىنىڭ جوعارىلاۋىنا بايلانىستى، جەكەلەردىڭ تۇتىنۋ بارىسىندا ورىن تەۋىپ وتىرعان ىسىراپشىلدىق قۇبىلىسى ءالى دە ءبىرشاما جالپىلىق جاعدايعا اينالىپ، ابىرويشىلدىق، ءسان – سالتاناتقا بەرىلىپ، شەكتەن تىس تۇتىناتىن جاعداي ءالى دە تۇرلىشە دارەجەدە ساقتالىپ وتىر» ـ دەدى جۇڭگو ساۋدانى ىلگەرىلەتۋ قوعامى زەرتتەۋ ورنىنىڭ ورىنباسار باستىعى جاۋ پيڭ.

    رەستۋران، اسحانالاردا جەلىنبەگەن تاماق ءالى دە ازايعان جوق. «قوناقتاردىڭ دەنى تاماقتانىپ بولىپ ورنىنان قوزعالعاندا، اس ۇستەلىندە نەمەسە ساماۋىر سورپاسىندا بولسىن تاماق اسىپ قالىپ جاتىر، اۋەلى كەيدە تەڭ جارتىسى جەلىنبەي دە قالادى» - شاڭحاي قالاسى ياڭپۋ رايونىنداعى ءبىر ساماۋىر سورپاسى اسحاناسىنىڭ قىزمەتكەرى ۋ شياۋلي بىلاي دەدى: اسحانامىزدا قالىپتى تاماق، تەگىن الىپ كەتۋ سياقتى تۇرلەردە قىزمەت وتەلسە دە، ءبىراق ىشىنارا قوناقتار اس بۇيىرتقاندا ءالى دە كوپ بۇيىرتادى، قىزمەتكەرلەردىڭ ىقىلاستى ەسكەرتۋىنە قۇلاق اسىپ جاتپايدى.

جاۋاپتى رەداكتور: گۇلدەن ماقسات قىزى