توعىزتاراۋ اۋدانى سيىر فەرماسىنىڭ تۇرعىندار اۋلاسىندا «دوڭگەلەك داۋلەت اۋەنى» شارىقتادى

  • كەلۋ قاينارى: ىلە گازەتى
  • 03:29:08 04/09/2020

  

    ءتىلشىمىز ۋاڭ جىحۋا، ەرىكتى ءتىلشى ۋاڭ ۋي

    بىرنەشە كۇننەن بەرى توعىزتاراۋ اۋدانى توعىزتاراۋ قالاشىعى سيىر فەرما رايونى پارتيا قىزمەتى كوميتەتىنىڭ الەۋمەتتىك اۋماقتارىنداعى تۇرعىنداردىڭ ۇيىنە بارار بولساڭىز، تۇرعىندار اۋلاسىنان توپ – توبىمەن جۇرگەن تاۋىق، ۇيرەكتەردى، جايقالعان كوكونىستەردى كورەسىز، تىنىش تا بەرەكەلى باۋ ـ باقشا تۇرمىسى كىرىستى ارتتىرىپ، حالىقتى اۋقاتتاندىرۋ «دوڭگەلەك داۋلەت اۋەنىمەن» تەربەلگەن كورىنىس بەرىپ تۇرعانداي سەزىندىرەدى.

    جاقىن جىلدان بەرى سيىر فەرماسى پارتيا قىزمەتى كوميتەتى شارۋالاردىڭ كەڭ اۋلا ابزالدىعىن تياناق ەتىپ، ۇگىت جۇرگىزۋ، جەتەكشىلىك ەتۋ، پارتيا مۇشەلەرى ۇلگى كورسەتۋ، جەتەكتەۋ، نىسان ارقىلى سۇيەمەلدەۋ سياقتى ٴبىرقىدىرۋ شارالار ارقىلى اۋىل ـ قىستاقتا اۋلا باعىمشىلىعىن، اۋلا ەگىمشىلىگىن دامىتۋعا دەم بەرىپ، كەدەي وتباسىلارىندا تاۋىق، ۇيرەك، سيىر باعۋ، كوكونىس ەگۋ كاسىبى قالىپتاسىپ، شارۋالاردىڭ شاعىن اۋلاسىندا كەدەيلىكتەن ارىلىپ، اۋقاتتانۋ اۋەنى اسقاقتاتا شىرقالىپ، شارۋالار اۋلاسى كەدەيلىكتەن ارىلىپ، اۋقاتتانۋداعى كىرىس قاينارىنا اينالدى.

    تاۋىق باعۋ ارقىلى اۋقاتتانۋعا قادام تاستادى

    8 - ايدىڭ 24 - كۇنى سيىر فەرماسى پارتيا قىزمەتى كوميتەتى ەگىن شارۋاشىلىق 7 ـ الەۋمەتتىك اۋماعىنداعى باقتاشى ليۋ شۋەگۇڭنىڭ اۋلاسىنا كەلگەندە، 500 شارشى مەتر كەلەتىن قاڭىلتىر قوراسىنان تاۋىقتاردىڭ شەبەرلىكپەن باعىلعانىن، تەمىر تورمەن شەگەندەلگەن قورادا تاۋىقتاردىڭ جەم جەپ، سۋ ءىشىپ، جۇمىرتقالاپ جۇرگەنىن، ءالى جيىپ الىنباعان تاۋىق جۇمىرتقالارىنىڭ ۇيادا ءۇيىلىپ تۇرعانىن كوردىك.

    باقتاشى ليۋ شۋەگۇڭ: «قازىر باعىمىمداعى مەكياندار 3 مىڭ 500 دەن اسادى، ورتا ەسەپپەن كۇنىنە 2 مىڭنان استام جۇمىرتقا جينايمىن. فەرما مەن الەۋمەتتىك اۋماق كادرلارى جۇمىرتقا ساتۋىما باستان - اياق كومەكتەسىپ كەلەدى. ٴار كۇنگى كىرىسىم ٴبىر مىڭ 500 يۋان اينالاسىندا بولىپ، تاۋىقتان كىرگىزەتىن جىلدىق كىرىسىم 80 مىڭ يۋانعا جەتەدى، تاۋىق اقشا تابۋدىڭ قاينارىنا اينالدى» دەدى.

    وسى بىرنەشە جىلدا سيىر فەرما رايونى پارتيا قىزمەتى كوميتەتى قارجى از جۇمسالاتىن، تەز ٴونىم بەرەتىن باعىمشىلىققا كۇش سالۋعا باسا ٴمان بەرىپ، ۇگىتتەپ جەتەكشىلىك ەتۋ، پارتيا مۇشەلەرى ۇلگى كورسەتۋ، نىسان ارقىلى كەدەيلەردى سۇيەمەلدەۋ، كەدەيلەرگە شوجە تاراتۋ سياقتى ٴبىرقىدىرۋ ٴتيىمدى سۇيەمەلدەۋ شارالارىن اتقاردى. كەدەي وتباسىلارىنىڭ اۋلادا ءۇي قۇسى باعىمشىلىعىن دامىتۋىنا قولداۋ كورسەتتى. قازىرگە دەيىن بۇل فەرمادا اۋلا باعىمشىلىعىن دامىتقان 900 دەن استام وتباسى 100 مىڭنان استام تاۋىق، ۇيرەك، قاز باعۋدا. مۇنىڭ ىشىندە ارحيۆتەستىرىلىپ، كارتوچكالاندىرىلعان 9 كەدەي وتباسى مۇشەسىنىڭ اۋلادا 500 دەن استام تاۋىق باعۋىنا جەتەكشىلىك ەتىپ، ولاردىڭ كەدەيلىكتەن ارىلىپ، كىرىسىن شىنايى ارتتىرۋىنا كەپىلدىك ەتىپتى.

جاۋاپتى رەداكتور: گۇلدەن ماقسات قىزى