لاستاي قالاشىعىنىڭ ساياحات ارقىلى كەدەيلەردى سۇيەمەلدەۋ ورنىنىڭ نىسان قۇرىلىسى تاياۋدا اياقتالادى

  • كەلۋ قاينارى: ىلە گازەتى
  • 03:30:25 04/09/2020

  

    ٴتىلشىمىز لۋ جۇڭ، ەرىكتى ءتىلشى شي شۋاي نىلقىدان حابارلايدى. نىلقى اۋدانى لاستاي قالاشىعىنىڭ شىعىسى «ءجۇز شاقىرىمدىق تابيعي سۋرەت ءدالىزى» اتانعان تاڭبالى ساحاراسى، وڭتۇستىگى سۋ قويما كورىنىس رايونى، سولتۇستىگى بولەكنۇر تاۋى تابيعي بايلىعى مول، ءتۇرى الۋان، اراسان بۇلاقتارى سارقىراعان، مۇنداعى ءبىر جىلدىڭ ءتورت ماۋسىمىنىڭ كورىنىستەرىنە كوز تۇنادى. سوڭعى ەكى جىلدا لاستاي قالاشىعى اۋىل ـ قىستاق ساياحاتىن ەكونوميكالىق دامۋدىڭ جاڭا ارتۋ ٴتۇيىنى رەتىندە مىقتى يگەرىپ، كەدەيلىكتەن ارىلتۋدان قامال الۋعا شىنايى كۇش قوستى. وسى قالاشىقتىڭ ٴيىن ساياحات ارقىلى كەدەيلەردى سۇيەمەلدەۋ ورنى ٴتۇيىندى تۇردە سالىنعان ساياحات نىسانى بولدى.

    ٴيىن ساياحات ارقىلى كەدەيلەردى سۇيەمەلدەۋ ورنىنىڭ نىسان قۇرىلىسى ەكى كەزەڭگە ءبولىندى، ءبىرىنشى مەرزىمدىك نىسان 2019 – جىلى ورىندالدى. 8 - ايدىڭ 24 - كۇنى ٴتىلشى لاستاي قالاشىعىنداعى ٴيىن ساياحات ارقىلى كەدەيلەردى سۇيەمەلدەۋ ورنىنان 2 ـ مەرزىمدىك نىسانداعى ساياحاتشىلاردى قابىلداۋ ورتالىعىنىڭ نەگىزگى تۇلعاسىنىڭ الدەقاشان قۇرىلىسىن اياقتاتىپ، قازىر توبەسىن جاۋىپ جاتقانىن كوردى. ەكى اق ٴتۇستى ساياحات كەمەسى سۋ شەتىندە ساياحاتشىلاردى كۇتۋدە. «ەكىنشى مەرزىمدىك نىسان 6 - ايدىڭ 25 - كۇنى قۇرىلىس باستاعان، قازىر قۇرىلىستىڭ جالپى مىندەتىنىڭ %70 ى ورىندالىپ، مەجەمەن 9 - ايدىڭ سوڭىن الا سالىنىپ بولادى» دەدى قۇرىلىس جۇرگىزۋشى جاقتىڭ نىسان جاۋاپتىسى شياۋ ي ـ چاۋ تىلشىگە.

    لاستاي قالاشىعى ٴيىن ساياحات ارقىلى كەدەيلەردى سۇيەمەلدەۋ ورنىنىڭ نىسان قۇرىلىسى اۋدان تاس جولى 779 ـ لەنياسىنان كيلومەتر شالعايعا ورنالاسقان، جالپى 20 ميلليون يۋان قارجى قوسىلعان. بۇل قارجى تۇگەلدەي جۇڭگو مۇناي، تابيعي گاز توبى سەرىكتىگى تارىم مۇناي الابى سەرىكتىگىنىڭ كومەكتەسۋ ـ سۇيەمەلدەۋ قارجىسى. نىساندا شوعىرلى باعىمشىلىق، ەكولوگيالى اۋىل شارۋاشىلىعىن تاماشالاۋ، اس - سۋ، جاتىن ورىن ٴبىر تۇلعالاندىرىلعان، لاستاي قالاشىعى ليۋداۋۋان گۇل تەڭىزى بازاسىمەن، سەيىل ـ سەرۋەن اۋىل شارۋاشىلىق بازاسىمەن، سونداي ـ اق ۋداۋۋان اگى حالىقتىق تۇسەلحاناسىمەن ۇشتاستىرىلىپ، ٴيىن سۋ ٴۇستى ساياحات نىسانىمەن، بارگەيتى اراسانىمەن، گاۋشيا پيڭحۋ، سانداۋۋان كورىنىس تەكشەسىمەن بىرگە «ٴبىر ايلانبا، ٴبىر كورىنىس، ٴبىر ەرەكشەلىك» بولۋداي نىلقى ساياحات لەنياسىن بىرگە قۇرادى. ٴار جىلى لاستاي قالاشىعى بايىنعولىن قىستاعىنىڭ كوللەكتيۆ كىرىسى 500 مىڭ يۋان ارتتىرىلادى، سونداي ـ اق ماڭايداعى ارحيۆتەستىرىلىپ، كارتوچكالاندىرىلعان 169 كەدەي وتباسى مۇشەسىنە جىلىنا 20 مىڭ يۋاننان استام كىرىس كىرگىزىلەدى دەپ مەجەلەنۋدە.

    لاستاي قالاشىعىنىڭ ورىنباسار قالاشىق باستىعى اقىلبەك ءتايىپ ۇلى: «ٴيىن ساياحات ارقىلى كەدەيلەردى سۇيەمەلدەۋ ورنى سالىنعاننان كەيىن لاستاي قالاشىعىنىڭ ەگىن شارۋاشىلىعى مەن ساياحاتىنىڭ بىرگە كۇشەيۋىنە، ەگىن شارۋاشىلىعى مەن ساياحاتتى توعىستىرۋداعى ٴونىمدى دانەكەرگە اينالىپ، جالپى وڭىرلىك ساياحاتتى دامىتۋعا پارمەندى تىرەك ازىرلەيدى» دەدى.

جاۋاپتى رەداكتور: گۇلدەن ماقسات قىزى