بايىنعولين وبلىسىندا: 100 ءىرى نىسان شوعىرلى جۇمىس باستادى

  • كەلۋ قاينارى: شينجياڭ گازەتى تورابى
  • 11:12:31 04/09/2020

  

     گازەتىمىزدىڭ بايىنعولين وبلىسىنداعى تىلشىلەر پۋنكتىنەن جاڭ حۇيجياڭ 9 - ايدىڭ 2 - كۇنى كورلادان حابارلايدى. 9 - ايدىڭ 2 - كۇنى بايىنعولين موڭعۇل اۆتونوميالى وبلىسىنىڭ ساياحاتتىق توپتاۋ - جونەلتۋ ورتالىعىنىڭ نىسان قۇرىلىسىن جۇرگىزۋ جۇمىس باسىندا قۇرىلىس سالۋشىلار مەن قۇرىلىس جۇرگىزۋ اۆتوموبيلدەرى تۇگەلدەي الاڭعا كىرىپ، نەگىزدىك سىزىق تارتۋ جانە قالىپ بەكىتۋ قىزمەتىن جالپى بەتتىك ورىستەتتى، قازۋ ماشيناسى مەن جۇك تيەۋىش ماشينالارى ارلى - بەرلى قايشالىسىپ، دۋماندى كورىنىس جارىققا شىقتى.

    9 - ايدىڭ 1 - كۇنى بايىنعولين وبلىسىنداعى 8 اۋدان، ءبىر قالا جانە كورلا ەكونوميكالىق، تەحنيكالىق اشۋ رايونى جالپى 13 ميلليارد يۋان قارجى قوسقان جاڭادان قۇرىلىس باستايتىن 100 ءىرى نىسان شوعىرلى جۇمىس باستادى، بايىنعولين وبلىسىنىڭ ساياحاتتىق جيناۋ - توپتاۋ ورتالىعى نىسانى وسى نىسانداردىڭ ءبىرى.

    وسى رەت شوعىرلى جۇمىس باستاعان نىساندار كەدەيلىكتەن ارىلتۋدان قامال الۋ، ەنەرگيا، قاتىناس، قالا، اۋىل قۇرىلىسى، حالىق تۇرمىسىن قامتاماسىز ەتۋ، ەكولوگيالىق ورتانى قورعاۋ، مادەنيەت، ساياحات سياقتى سالالاردى قامتىدى. ۇعىسۋعا قاراعاندا، وسىدان كەيىن تاعى جالپى قوسىلعان قارجىسى ءبىر ميلليارد يۋاننان اساتىن، بايىنعولين وبلىسىنىڭ ورنىقتى دامۋى جونىنەن وراسان زور اسەر ەتۋ قۋاتىنا جانە جەتەكتەۋ قۋاتىنا يە ءبىر توپ نىسان قۇرىلىستارى جۇمىس باستايدى ەكەن.

    ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، بايىنعولين وبلىسى ءىرى نىسانداردىڭ شوعىرلى جۇمىس باستاۋىن كۇش سالا ىلگەرىلەتىپ، تۇتاس جىلدىق ەكونوميكالىق، قوعامدىق دامۋدا بەلگىلەنگەن نىسانالار مەن مىندەتتەردى ورىنداۋعا قۇلشىندى. بيىل الدىڭعى جارتى جىلدا، وبلىس بويىنشا نىسانداردىڭ ارتۋ قارقىنى %70كە جەتىپ، ەكونوميكانىڭ جوعارى ساپالى دامۋىن ىلگەرىلەتۋگە مىعىم نەگىز قالادى.

جاۋاپتى رەداكتور: گۇلدەن ماقسات قىزى