رايونىمىزداعى جاساۋ كاسىپورىندارى ءوندىرىستى ۇزدىكسىز مىقتى يگەردى

  • كەلۋ قاينارى: شينجياڭ گازەتى تورابى
  • 08:46:18 06/09/2020

 

     گازەتىمىزدىڭ جالپىلىق اقپارات قۇرالدارى ءتىلشىسى ما ينيڭ 9 - ايدىڭ 4 - كۇنى ۇرىمجىدەن حابارلايدى. 9 - ايدىڭ 3 - كۇنى ءۇرىمجى قالاسى ەكونوميكالىق، تەحنيكالىق اشۋ رايونىنداعى (توۋتۇنحى رايونى) شينجياڭ شينيان مۋشىن عىلىم - تەحنيكا شەكتى سەرىكتەستىگىنىڭ قۇراستىرۋ سەحىندا جۇمىسشىلار جۇگەرى جيناۋ ماشيناسىن تەز قۇراستىرىپ، قاربالاستىققا ءتۇسىپ ءجۇر. قازىر بۇل سەرىكتەستىك جاڭادان زەرتتەپ جاساعان كوپ ءتۇرلى ەگىن، مال شارۋاشىلىق ماشينا ونىمدەرى توبىمەن جاسالىپ ءبىتىپ، ءوندىرىس جەلىسىنەن شىعارىلىپ، ەگىس اتىزدارىنا جەتكىزىلىپ پايدالانۋعا بەرىلۋ الدىندا تۇر.

    ”بيىل سەرىكتەستىك ءتۇرلى اۋىل شارۋاشىلىق ماشينالارىنان 1342سىن ءوندىرۋدى جوسپارلاعان بولاتىن، قازىر 978ى ءوندىرىلىپ بولدى، مەجەمەن 9 - ايدىڭ اياعىندا تۇتاس جىلدىق جوسپارداعى ءوندىرۋ مىندەتى ورىندالىپ بولادى. وسى رەتكى ىندەت كەزىندە ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) شيكىزات تاسۋ، زاتتىق ماتەريالدارمەن قامتاماسىز ەتۋ سياقتى جاقتاردان كاسىپورىنعا زور قولداۋ كورسەتتى“، - دەدى. وسى سەرىكتەستىكتىڭ اينالىم - تيجارات باسقارۋ ءبولىمىنىڭ ديرەكتورى شۇي جياۋىن.

    قازىر شينجياڭداعى ءارقايسى ءتۇيىندى جابدىق كاسىپورىندارى ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي يگەرۋ نەگىزىندە، ۇزدىكسىز ءوندىرىس جۇرگىزۋدەن بوساڭسىماي، ءبىرشاما جاقسى دامۋ تەبىنىن ساقتادى.

    ءۇرىمجى جوعارى جاڭا تەحنيكالىق كاسىپتەردى اشۋ رايونى (جاڭا قالا رايونى) ونەركاسىپ باقشا رايونىندا شينجياڭ شىڭچىڭ جارنا شەكتى سەرىكتەستىگىنىڭ ترانسفورماتور باس قۇراستىرۋ، ءوندىرۋ سەحىندا ماسكى تاققان جۇمىسشىلار 18 جوعارى سيىمدىلىقتى كاربيد پەشى ترانسفورماتورىن جەدەل وندىرۋدە، بۇل ترانسفورماتور ىشكى موڭعۇلعا جانە گۋاڭشيگە جەتكىزىلەدى. ىندەتتىڭ ىقپالىنان بۇل سەرىكتەستىك وسىنىڭ الدىندا شيكىزات جەتىسپەۋ، زات اينالىمى ىركىلىسسىز بولماۋ سياقتى قيىنشىلىقتارعا ۇشىرادى، دەسەدە قاتىستى تاراۋلاردىڭ قولداۋىندا، كاسىپورىن ءوندىرىستى تەز قالپىنا كەلتىردى. سەرىكتەستىك پارتكومىنىڭ شۋجيى، القا باستىعى يە ۋي: بيىل ءونىم قۇنىن سايكەس مەزگىلدەگىدەن %30 ارتتىرۋ نىساناسىن قۇلشىنا ورىندايمىز، - دەدى.

    وسى بىرنەشە كۇندە، شايار بىنشىران زەردەلى اۋىل شارۋاشىلىق ماشينالارى شەكتى سەرىكتەستىگىنىڭ ءوندىرىس سەحىندا جۇمىسشىلار ماقتا جيناۋ ماشيناسىن جەدەل وندىرۋدە، بۇل سەرىكتەستىكتىڭ ماقتا جيناۋ ماشيناسىنا بەرىلگەن زاكاز 9 - ايدىڭ 20 - كۇنىنە دەيىن باردى. ۇزدىكسىز جاڭالىق اشا دامۋ ارقىلى بۇل سەرىكتەستىك تەحنيكالىق زەرتتەپ اشۋ جاسامپازدىعىن، ءوندىرۋدى، مانەرلەۋدى، جاساۋدى، ءونىمدى ساتۋدى، سونداي - اق ساتۋدان كەيىنگى قىزمەت وتەۋدى ءبىر تۇلعالاندىرعان ءىرى تۇرپاتتى اۋىل شارۋاشىلىق ماشينا، جابدىق كاسىپورنىنا اينالىپ، ماقتا جيناۋ ماشيناسى سياقتى ءىرى تۇرپاتتى زەردەلى جيناۋ ماشينالارىنان جىلىنا 300ىن، ءتۇرلى ورتا، شاعىن تۇرپاتتى اۋىل شارۋاشىلىق ماشينالارىنان 2000ىن وندىرەتىن بولدى. وسى سەرىكتەستىكتىڭ جەبەۋىندە، شايار اۋدانىنىڭ ماقتا ءوندىرىسىنىڭ ماشينالانۋ مولشەرى %76.9كە جەتتى.

جاۋاپتى رەداكتور: گۇلدەن ماقسات قىزى