نەگىزدى يگەرىپ، تەتىكتى مىقتاپ ۇستاپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ كەرەك

  • كەلۋ قاينارى: شينجياڭ گازەتى تورابى
  • 08:49:39 06/09/2020

 

   اۆتونوميالى رايون كاسىپ سالاسى ارقىلى كەدەيلەردى سۇيەمەلدەۋ جانە جۇمىس ورىندارىن، جۇمىستاندىرۋدى ورنىقتىرۋ قىزمەتىن ىلگەرىلەتۋ ءماجىلىسىن اشتى

    نەگىزدى يگەرىپ، تەتىكتى مىقتاپ ۇستاپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ كەرەك

 

    گازەتىمىزدىڭ جالپىلىق اقپارات قۇرالدارى ءتىلشىسى جاۋ جىيۇن 9 - ايدىڭ 6 - كۇنى ۇرىمجىدەن حابارلايدى. 9 - ايدىڭ 6 - كۇنى تۇستەن بۇرىن اۆتونوميالى رايون كاسىپ سالاسى ارقىلى كەدەيلەردى سۇيەمەلدەۋ جانە جۇمىس ورىندارىن، جۇمىستاندىرۋدى ورنىقتىرۋ قىزمەتىن ىلگەرىلەتۋ ءماجىلىسىن اشتى. ءماجىلىس باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ تالاپتارى بويىنشا، كاسىپ سالاسى ارقىلى كەدەيلەردى سۇيەمەلدەۋ جانە جۇمىس ورىندارىن، جۇمىستاندىرۋدى ورنىقتىرۋ قىزمەت تاجىريبەلەرىن قورىتىندىلاپ، اۋىس - كۇيىس جاساپ، كەلەسى كەزەڭدەگى ءتۇيىندى قىزمەتتەردى جوسپارلاپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جالپى بەتتىك، دەر كەزىندە قول جەتكىزۋگە شىنايى كەپىلدىك ەتتى.

    اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق كەدەيلىكتەن ارىلتۋدان قامال الۋ قولباسشىلىق شتابىنىڭ قولباسشىسى لي پىڭشين ماجىلىسكە قاتىناستى ءارى ءسوز سويلەدى.

    ءماجىلىس مىنالاردى باسا دارىپتەدى: ءار دارەجەلى قاتىستى تاراۋلار ساياسي دەڭگەيدى جوعارىلاتىپ، ىندەتتىڭ ىقپالىن جەڭىپ، اسا ىجداعاتتىلىقپەن ىستەپ، كاسىپ سالاسى ارقىلى كەدەيلەردى سۇيەمەلدەۋدى جەرگىلىكتى جاعدايعا قاراي دامىتىپ، جۇمىس ورىندارىن، جۇمىستاندىرۋدى ورنىقتىرۋ شارالارىن دۇرىس ارناعا ءتۇسىرىپ كۇشەيتىپ، كەدەيلىكتەن ارىلتۋدان قامال الۋ قىزمەتتەرىنىڭ باياندى، سەرپىندى بولۋىنا، اماليات پەن تاريحتىڭ سىنىنان وتە الۋىنا شىنايى كەپىلدىك ەتۋ كەرەك.

    ءماجىلىس مىنالاردى اتاپ كورسەتتى: كاسىپ سالاسى ارقىلى كەدەيلەردى سۇيەمەلدەۋدە نەگىزگى شابۋىل بەتالىسىن يگەرىپ، جەتەكشى كاسىپ سالالارىنىڭ دامۋىن كۇش سالا ىلگەرىلەتىپ، كەدەيلەردى جەتەكتەۋ تۇلعالارىن جەتىلدىرىپ، ەنگىزىپ، مۇددە بايلانىسى مەحانيزمىن كەمەلدەندىرىپ، ءوندىرۋ مەن ساتۋدى ۇشتاستىرۋدى كۇشەيتىپ، ساياساتتىق قولداۋدى جانە مال - مۇلىك باسقارۋدى كۇشەيتىپ، حاۋىپ - قاتەردەن ساقتاندىرۋدى، ءبىر جاقتى ەتۋدى جاقسى ىستەپ، كەدەيلەردى سۇيەمەلدەۋ كاسىپ سالالارىنىڭ باياندى، اقاۋسىز دامۋىنا شىنايى كەپىلدىك ەتۋ كەرەك.

جاۋاپتى رەداكتور: گۇلدەن ماقسات قىزى